Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

୪ ବର୍ଷର ଶିଶୁକୁ ଦୁଷ୍କର୍ମ କରିଥିଲା ରାକ୍ଷସ ଶିକ୍ଷକ : ଫାଶୀ ଦଣ୍ଡ ଶୁଣାଇଛନ୍ତି କୋର୍ଟ, ଜାଣନ୍ତୁ କେଉଁଦିନ ମିଳିବ ଫାଶୀ

5/02/2019 at 5:35 PM

ଦିଲ୍ଲୀ ୫/୨ : ମଧ୍ୟ ପ୍ରଦେଶର ସତନା ଜିଲ୍ଲାରେ ୪ ବର୍ଷର ଶିଶୁକୁ ଦୁଷ୍କର୍ମ କରିଥିବା ଦୋଷୀକୁ ମୃତ୍ୟୁ ଦଣ୍ଡ ଶୁଣାଇଛନ୍ତି କୋର୍ଟ | ୪ ବର୍ଷର ଶିଶୁକୁ ଦୁଷ୍କର୍ମ କରିଥିଲା ଜଣେ ସ୍କୁଲ ଶିକ୍ଷକ | ଦୁଷ୍କର୍ମ ପୀଡିତା ଶିଶୁର ଅବସ୍ଥା ଏତେ ଭୟଙ୍କର ହୋଇଥିଲା ଯେ ଶିଶୁକୁ ଦିଲ୍ଲୀସ୍ଥିତ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା | ଶିଶୁର କେତେଗୁଡିଏ ଅପରେସନ ମଧ୍ୟ କରାଯାଇଥିଲା | ଅଭିଯୁକ୍ତ ଶିକ୍ଷକ ମହେନ୍ଦ୍ର ସିଂକୁ ମାର୍ଚ୍ଚ ୨ ତାରିଖରେ ଜବଲପୁର ଜେଲରେ ଫାଶୀ ପାଇଁ ତାରିଖ ଧାର୍ଯ୍ୟ ହୋଇଛି |


ଅଧିକାରୀ କହିଛନ୍ତି ଯେ, ଯଦି ସୁପ୍ରିମକୋର୍ଟ ଏହି ଦଣ୍ଡ ଉପରେ କୌଣସି ହସ୍ତକ୍ଷେପ ନକରନ୍ତି ତାହେଲେ ଦୋଷୀ ଶିକ୍ଷକକୁ ଧାର୍ଯ୍ୟ ତାରିଖରେ ହିଁ ଫାଶୀ ଦିଆଯିବ | ଦୋଷ ପ୍ରମାଣିତ ହେବାପାଇଁ ଏବଂ ଦୋଷୀକୁ ଦଣ୍ଡିତ କରିବା ପାଇଁ ୭ ମାସ ସମୟ ଲାଗିଥିଲା | ଯଦି ମହେନ୍ଦ୍ରକୁ ଫାଶୀ ହେବ ତା’ହେଲେ ନୂଆ ନିୟମ ପୋକସୋ ଆକ୍ଟ ଜାରି ହେବାପରେ ନାବାଳିକା ଶିଶୁକୁ ଦୁଷ୍କର୍ମ କରିଥିବା ଅଭିଯୋଗରେ ଦୋଷୀକୁ ଫାଶୀ ହେବା କ୍ଷେତ୍ରରେ ପ୍ରଥମ ଘଟଣା ହେବ |


ସୂଚନାଯୋଗ୍ୟ ଯେ, ୨୦୧୮ ମସିହା ଜୁନ ୩୦ ତାରିଖରେ ମହେନ୍ଦ୍ର ସିଂ ୪ ବର୍ଷର ଶିଶୁକୁ ଅପହରଣ କରିନେଇଥିଲା | ଶିଶୁକୁ ଅପହରଣ କରି ଏକ ଜଙ୍ଗଲକୁ ନେଇଯାଇଥିଲା ଏବଂ ସେଠାରେ ଶିଶୁ ସହ ଦୁଷ୍କର୍ମ କରିଥିଲା | ଦୁଷ୍କର୍ମ ପରେ ଶିଶୁ ମରିଯାଇଥିବା ଭାବି ମହେନ୍ଦ୍ର ଶିଶୁକୁ କ୍ଷତବିକ୍ଷତ ଅବସ୍ଥାରେ ଜଙ୍ଗଲରେ ଛାଡି ଚାଲି ଯାଇଥିଲା | ଶିଶୁର ପରିବାର ଲୋକେ ବହୁତ ଖୋଜାଖୋଜି କରି ବିଳମ୍ବିତ ରାତିରେ ଶିଶୁକୁ ଜଙ୍ଗଲରୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ | ଖବର ଜାଣିବା ପରେ ରାଜ୍ୟ ସରକାର ତୁରନ୍ତ ଶିଶୁକୁ ହେଲିକେପ୍ଟର ଯୋଗେ ଦିଲ୍ଲୀ ସ୍ଥାନାନ୍ତର କରିଥିଲେ | ଘଟଣାର କିଛି ସମୟରେ ଅପରାଧୀ ଶିକ୍ଷକକୁ ପୋଲିସ ଗିରଫ କରିଥିଲା |


ମଧ୍ୟପ୍ରଦେଶ ହାଇକୋର୍ଟର ଏକ ବିଭିଜନ ବେଞ୍ଚ ମହେନ୍ଦ୍ରକୁ ଦିଆଯାଇଥିବା ଦଣ୍ଡରେ ଜାନୁଆରୀ ୨୫ ତାରିଖରେ ମୋହର ମାରିଥିଲେ | ଜଷ୍ଟିସ ପି.କେ.ଜେସୱାଲ ଏବଂ ଜଷ୍ଟିସ ଅଞ୍ଜୁଳି ପାଲୋଙ୍କ ବେଞ୍ଚ କହିଥିଲେ ଯେ, ଏଭଳି କ୍ରୁର ଅପରାଧୀଙ୍କୁ କଠୋର ରୁ ଅତି କଠୋର ଦଣ୍ଡ ଦେବା ଉଚିତ | ଏଭଳି ଅପରାଧ ବଢି ବଢି ଚାଲିଛି | ସେଥିପାଇଁ ଏଭଳି ଅପରାଧକୁ ରୋକିବା ପାଇଁ ଫାଶୀ ଦଣ୍ଡ ଦେବା ଜରୁରୀ | ଅଭିଯୁକ୍ତ ଜଣେ ଶିକ୍ଷକ ହୋଇଥିବାରୁ ଘଟଣା ଅଧିକ ଗମ୍ଭୀର ବୋଲି କହିଥିଲେ କୋର୍ଟ | ଛାତ୍ରଛାତ୍ରୀଙ୍କୁ ନୈତିକତା ପାଠ ପଢ଼ାଇବା ଶିକ୍ଷକଙ୍କ କାମ | କିନ୍ତୁ ଏଠାରେ ଜଣେ ଶିକ୍ଷକ ନିଜେ ଏକ ନିରୀହ ଶିଶୁକୁ ଦୁଷ୍କର୍ମ କରି ସମାଜରେ ଶିକ୍ଷକଙ୍କ ନାଁକୁ ବଦନାମ କରିଛି ବୋଲି କହିଥିଲେ କୋର୍ଟ |


ଜବଲପୁର ସେଣ୍ଟ୍ରାଲ ଜେଲର ଅଧ୍ୟକ୍ଷ ଗୋପାଳ ତାମରାକର କହିଛନ୍ତି ଯେ, କୋର୍ଟଙ୍କ ରାୟର କାଗଜ ଏବେ ଯାଏଁ ତାଙ୍କ ପାଖକୁ ପହଞ୍ଚିନାହିଁ | ଏହି ରାୟ ଡାକ ମାଧ୍ୟମରେ ଜେଲକୁ ଆସିଥାଏ | ତାଙ୍କ ପାଖକୁ କେବଳ ଏକ ଇ-ମେଲ ଆସିଛି ଏବଂ ଇ-ମେଲ ଅନୁଯାୟୀ, ମାର୍ଚ୍ଚ ୨ ତାରିଖ ସକାଳ ୫ଟାରେ ଦୋଷୀକୁ ଫାଶୀ ଦିଆଯିବ ବୋଲି କହିଛନ୍ତି ଜେଲ ଅଧ୍ୟକ୍ଷ |


୨୦୧୮ ମସିହାରେ ମଧ୍ୟପ୍ରଦେଶ ଅଦାଲତ ୨୧ ଅପରାଧୀଙ୍କୁ ଫାଶୀ ଦଣ୍ଡ ଶୁଣାଇଥିଲେ | ଏମାନଙ୍କ ମଧ୍ୟରୁ ୧୮ ଜଣ ଅପରାଧୀ ୧୨ ବର୍ଷରୁ କମ ଶିଶୁଙ୍କୁ ଦୁଷ୍କର୍ମ କରିଥିଲେ |


ଅଧିକାରୀଙ୍କ କହିବା ଅନୁଯାୟୀ, ମହେନ୍ଦ୍ର ସିଂ ପାଖରେ ଏବେ ମଧ୍ୟ ଦୁଇଟି ବିକଳ୍ପ ରହିଛି | ସେ ରାଷ୍ଟ୍ରପତି ଏବଂ ସୁପ୍ରିମକୋର୍ଟରେ ଜୀବନ ରକ୍ଷା ପାଇଁ ଆବେଦନ କରିପାରିବ |

   Related Posts