Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାବଧାନ ଦୁଷ୍କର୍ମକାରୀ ! ଦୁଷ୍କର୍ମ କଲେ ଏଥର ମୃତ୍ୟୁ ଦଣ୍ଡ

13/08/2018 at 7:43 AM

ନୂଆ ଦିଲ୍ଲୀ ୧୩/୮ : ୧୨ ବର୍ଷରୁ କମ ବୟସର ନାବାଳିକାଙ୍କୁ ଦୁଷ୍କର୍ମ ଓ ଗଣଦୁଷ୍କର୍ମ ଅପରାଧ ପାଇଁ ଏବେ ଅପରାଧୀକୁ ମିଳିବ ମୃତ୍ୟୁ ଦଣ୍ଡ | ଫୌଜଦାରୀ ଆଇନ ସଂଶୋଧନ ବିଲ୨୦୧୮ କୁ ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରୀ ପ୍ରଦାନ କରିଛନ୍ତି |
ଏହି ମଞ୍ଜୁରୀ ଫଳରେ ଏପ୍ରିଲ ୨୧ ତାରିଖରେ ସରକାର ଜାରି କରିଥିବା ଏ ସଂକ୍ରାନ୍ତୀୟ ଅଧ୍ୟାଦେଶ ଅକାମି ହୋଇପଡିଛି | ଉତ୍ତର ପ୍ରଦେଶର କାଠୁଆରେ ଜଣେ ନାବାଳୀକୁ ଦୁଷ୍କର୍ମ ଏବଂ ଉନ୍ନାଉରେ ଜଣେ ମହିଳାଙ୍କୁ ଲୋମହର୍ଷଣକାରୀ ଦୁଷ୍କର୍ମ ପରେ କଡା ଦଣ୍ଡ ବିଧାନ ପାଇଁ ସରକାର ଏଭଳି ଏକ ଅଧ୍ୟାଦେଶ ଜାରି କରିଥିଲେ |
ସଂଶୋଧିତ ଆଇନ ଅନୁସାରେ ୧୨ ବର୍ଷରୁ କମ ନାବାଳିକାଙ୍କୁ ଦୁଷ୍କର୍ମ ଘଟଣାରେ ଦଣ୍ଡ ମୃତ୍ୟୁ ଦଣ୍ଡ ହେବ | ସେହିଭଳି ମହିଳା ଙ୍କୁ ଦୁଷ୍କର୍ମ ଅପରାଧରେ ଦଣ୍ଡ ୭ ବର୍ଷରୁ ଆରମ୍ଭ କରି ଆଜୀବନ କାରାଦଣ୍ଡ ରଖାଯାଇଛି | ୧୬ ବର୍ଷରୁ କମ ବୟସ୍କାଙ୍କୁ ଦୁଷ୍କର୍ମ କ୍ଷେତ୍ରରେ ୧୦ ବର୍ଷରୁ ଆରମ୍ଭ କରି ୨୦ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ରଖା ଯାଇଛି | ସବୁଠୁ ବଡ କଥା ହେଉଛି, ୧୬ ବୟସରୁ କମ ବୟସ ଦୁଷ୍କର୍ମ ଘଟଣାରେ ଆଗୁଆ ଜାମିନ ମିଳିବ ନାହିଁ | ଦୁଷ୍କର୍ମ ଘଟଣାର ଅନୁସନ୍ଧାନ ୨ ମାସ ମଧ୍ୟରେ ସରିବ | ଏହି ଭଳି ବିଚାର ପ୍ରକ୍ରିୟା ମଧ୍ୟ ୨ ମାସ ମଧ୍ୟରେ ସାରିବାକୁ ବାଧ୍ୟ ବୋଲି ଆଇନରେ ବ୍ୟବସ୍ଥା କରାଯାଇଛି |
ଗତ ସପ୍ତାହରେ ପାର୍ଲିଆମେଣ୍ଟରେ ସଂଶୋଧିତ ଆଇନ ପାରିତ ହେବା ପରେ ଶନିବାର ଦିନ ରାଷ୍ଟ୍ରପତି ଏହା ଉପରେ ମୋହର ମାରିଛନ୍ତି |

   Related Posts