ବାଲିପାଟଣା, ୦୭|୦୮: ଖୋର୍ଦ୍ଧା ଜିଲ୍ଲା ବାଳକାଟି ଫାଣ୍ଡି ବସନ୍ତପେଡ଼ି ଗ୍ରାମରେ ଜଣେ ମହିଳାଙ୍କ ସନ୍ଦେହ ଜନକ ମୃତ୍ୟୁ ହୋଇଛି । ମହିଳାଙ୍କୁ ତାଙ୍କ ସ୍ଵାମୀ ହତ୍ୟା କରିଥିବା ସନ୍ଦେହ କରାଯାଉଛି । ପୋଲିସ ମହିଳାଙ୍କ ସ୍ଵାମୀଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।
ମୃତ ମହିଳା ହେଉଛନ୍ତି ବାଳକାଟି ବସନ୍ତପେଡ଼ି ଗ୍ରାମରେ ଭଡାରେ ରହୁଥିବା କୁନି ସାହୁ । ମହିଳାଙ୍କ ପଛ ମୁଣ୍ଡରେ ଆଘାତ ଲାଗିଛି। ତାଙ୍କ ସ୍ଵାମୀ ସୁରେନ୍ଦ୍ର ସାହୁ ରଙ୍ଗ ମିସ୍ତ୍ରୀ ଭାବେ କାର୍ଯ୍ୟ କରନ୍ତି । ଅନେକ ଥର ସ୍ଵାମୀ-ସ୍ତ୍ରୀ ମଧ୍ୟରେ କଳିଝଗଡ଼ା ଲାଗେ । ଘର ସିଡିରୁ ପଡ଼ି ମହିଳା ମୃତ୍ୟୁ ହୋଇଥିବା କରିଥିବା ପରିବାର ଲୋକ କହୁଛନ୍ତି । ଘଟଣା ସ୍ଥଳରେ ପୋଲିସ ତଦନ୍ତ କରିଛି । ମୃତଦେହ ବ୍ୟବଛେଦ ପାଇଁ କ୍ୟାପିଟାଲ୍ ହସପିଟାଲ୍ ପଠାଇଛି । ବ୍ୟବଛେଦ ପରେ ପ୍ରକୃତ ସତ୍ୟାସତ୍ୟ ଆସିବ ବୋଲି ପୋଲିସ କହିଛି ।