Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସରିଲା ଡେଡ୍‌ଲାଇନ୍, ଆଜିଠୁ ହେଭି ଫାଇନ୍ : ଏଣିକି ଟ୍ରାଫିକ୍ ନିୟମ ଭାଙ୍ଗିଲେ ଗଣିବେ ମୋଟା ଅଙ୍କର ତଣ୍ଡ

1/03/2020 at 7:17 AM

ଭୁବନେଶ୍ବର ୦୧।୦୩ : ସରିଲା ଡେଡ ଲାଇନ୍ ।  ରବିବାର (ଆଜି)ଠାରୁ କଡାକଡି ଲାଗୁ ହେବ ନୂଆ ମୋଟକ ଯାନ ଆଇନ । ଟ୍ରାଫିକ ଉଲ୍ଲଘଂନକାରୀଙ୍କୁ ଆଉ ନିସ୍ତାର ନାହିଁ । ମୋଟା ଅଙ୍କର ତଣ୍ଡ ଗଣିବେ ।  ନୂଆ ସଂଶୋଧିତ ମୋଟରଯାନ ଆଇନ ଅନୁସାରେ ଉଲ୍ଲଂଘନକାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

 ସରକାର ଦେଇଥିବା ୬ମାସ ଟ୍ରାଫିକ ନିୟମ କୋହଳ ଅବଧି ଶେଷ ହୋଇଯାଇଛି । ଡ୍ରାଇଭିଂ ଲାଇସେନ୍ସ, ଇନସ୍ୟୁରାନ୍ସ, ପ୍ରଦୂଷଣ ସାର୍ଟିଫିକେଟ୍, ଫିଟନେସ୍, ପରମିଟ୍ ଭଳି କାଗଜପତ୍ର ତିଆରି କରିବା ଲାଗି କଣ୍ଟ ଶେଷ ହୋଇଛି । ଯେଉଁ ଗାଡ଼ି ଚାଳକ ନିୟମ ଉଲ୍ଲଂଘନ କରିବେ କିମ୍ବା ଆବଶ୍ୟକ କାଗଜପତ୍ର ରଖି ନ ଥିବେ, ସେମାନଙ୍କଠାରୁ ମୋଟା ଅଙ୍କର ଜରିମାନା ଆଦାୟ କରାଯିବ। ଏନେଇ ଶନିବାର ରାଜ୍ୟ ପରିବହନ କମିସନର ରାଜ୍ୟର ସମସ୍ତ ଜିଲ୍ଲାପାଳ ଏସ୍ ପି ଓ ଡିଏସ୍ ପିମାନଙ୍କୁ ଚିଠି ଲେଖିଛନ୍ତି।  ଗତ ସେପ୍ଟେମ୍ବର ପହିଲାରେ ଦେଶରେ ସଂଶୋଧିତ ମୋଟରଯାନ ଆଇନ ଲାଗୁ ହୋଇଥିଲା।

ବିଭିନ୍ନ ସ୍ଥାନରେ ନିୟମ ଉଲ୍ଲଙ୍ଘନକାରୀଙ୍କ ଠାରୁ ମୋଟା ଅଙ୍କର ଜୋରିମାନା ରାଶି ଆଦାୟ କରାଯାଇଥିଲା। ଏହାକୁ ନେଇ ଗାଡି ଚାଳକଙ୍କ ମଧ୍ୟରେ କୋକୁଆ ଭୟ ଦେଖିବାକୁ ମିଳିଥିଲା। ପରେ ସଂଶୋଧିତ ମୋଟରଯାନ ଆଇନକୁ କୋହଳ କରିବା ପାଇଁ ବିଭିନ୍ନ ମହଲରୁ ଦାବି ମଧ୍ୟ ଉଠିଥିଲା। ପ୍ରଥମେ ତିନି ମାସ ଯାଏଁ ଓ ପରେ ମାର୍ଚ୍ଚ ପର୍ଯ୍ୟନ୍ତ ଏହି ନିୟମକୁ କୋହଳ କରାଯାଇଥିଲା। ଗାଡିର ସମସ୍ତ ଗୁରୁତ୍ବପୂର୍ଣ୍ଣ କାଗଜପତ୍ର ପ୍ରସ୍ତୁତ କରିବା ପାଇଁ ସାଧାରଣ ଲୋକଙ୍କୁ ୬ ମାସର କଣ୍ଟ ଦିଆଯାଇଥିଲା। ଏବେ ଦ୍ବିତୀୟ ପର୍ଯ୍ୟାୟ କଣ୍ଟ ପୁରିଛି । ଆଜିଠୁ ଖିଲାପକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ।

() ଏବେ ଆସନ୍ତୁ ନଜର ପକାଇବା କେଉଁ ନିୟମ ଉଲ୍ଲଘଂନ ପାଇଁ କେତେ ଟଙ୍କା ଫାଇନ ଦେବାକୁ ହେବ ।

(୧)- ଟ୍ରାଫିକ ନିୟମ ଖିଲାପ -୫୦୦ ଟଙ୍କା

(୨)- ଗାଡିର ଇନସ୍ୟୁରାନ୍ସ ନଥିଲେ- ୨୦୦୦ ଟଙ୍କା

(୩)- ନାବାଳକ ଗାଡି ଚଲାଇଲେ- ୨୫,୦୦୦ ଟଙ୍କା

(୪)- ଚାଳକଙ୍କ ଲାଇସେନ୍ସ ନଥିଲେ- ୫୦୦୦ ଟଙ୍କା

(୫)- ବାଇକରେ ୨ରୁ ଅଧିକ ବସିଲେ- ୧୦୦୦ ଟଙ୍କା

(୬)- ହେଲମେଟ୍  ନପିନ୍ଧିଲେ – ୧୦୦୦ ଟଙ୍କା

 (୭)- ମଦ ପିଇ ଗାଡି ଚଳାଇଲେ- ୧୦୦୦୦ ଟଙ୍କା, ଗିରଫ

(୮)- ଦ୍ରୁତଗତିରେ ବାଇକ୍  ଚଳାଇଲେ- ୨୦୦୦ ଟଙ୍କା

(୯)- ଦ୍ରୁତ ଗତିରେ ଚାରି ଚକିଆ ଚଳାଇଲେ- ୪୦୦୦ ଟଙ୍କା

(୧୦)- ବେପରୁଆ ଗାଡି ଚଳାଇଲେ- ୫୦୦୦ ଟଙ୍କା

(୧୧)- ରଙ୍ଗ ରୁଟରେ ଗାଡି ଚଳାଇଲେ- ୫୦୦୦ ଟଙ୍କା

(୧୨)- ଦୁର୍ଘଟଣା ଘଟାଇଲେ- ୫୦୦୦ ଟଙ୍କା

(୧୩)-  ଗାଡି ଚଳାଇବା ବେଳେ ମୋବାଇଲ ବ୍ୟବହାର କଲେ- ୫୦୦୦ ଟଙ୍କା 

(୧୪)- ଡ୍ରାଇଭର ସିଟ୍  ବେଲ୍ଟ ନପିନ୍ଧିଲେ- ୧୦୦୦ ଟଙ୍କା

(୧୫)-  ଡ୍ରାଇଭିଂ ଲାଇସେନ୍ସ ବାତିଲ ବେଳେ ଗାଡି ଚଳାଇଲେ- ୧୦୦୦୦ ଟଙ୍କା

(୧୬)- ପ୍ରଦୂଷଣ ସାର୍ଟିଫିକେଟ୍  ନଥିଲେ- ୧୦୦୦୦ ଟଙ୍କା

(୧୭)- ବେଆଇନ ଭାବେ ଓଭରଟେକିଂ କଲେ – ୫୦୦୦ ଟଙ୍କା

(୧୮)- ରେଜିଷ୍ଟ୍ରେସନ ନଥାଇ ଗାଡିଚଳାଇଲେ – ୫୦୦୦ଟଙ୍କା

(୧୯)- ପରମିଟ ନଥାଇ ଗାଡି ଚଳାଇଲେ- ୧୦୦୦୦ ଟଙ୍କା

(୨୦)- ଟ୍ରାଫିକ ରେଡ ଲାଇଟ୍ ଡେଇଁଲେ – ୫୦୦୦ ଟଙ୍କା

(୨୧)- ମାଲ ଗାଡିରେ ଯାତ୍ରୀ ପରିବହନ- ୫୦୦୦ ଟଙ୍କା

   Related Posts