Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ଶବକୁ ଅସମ୍ମାନ : ଅର୍ଥାଭାବରୁ ସ୍ତ୍ରୀର ଶବକୁ ଟ୍ରଲିରେ ବୋହିଲେ ସ୍ବାମୀ

17/12/2019 at 8:07 AM

ଉଦଳା ୧୭।୧୨: ଅର୍ଥାଭାବରୁ ସ୍ତ୍ରୀର ଶବକୁ ଟ୍ରଲିରେ ବୋହିଲେ ସ୍ବାମୀ । ଏଭିଳି ଏକ କରୁଣ ଚିତ୍ର ପୁଣି ସାମ୍ନାକୁ ଆସିଛି । ସ୍ତ୍ରୀଙ୍କର ପ୍ରସବ ହେବା ପରେ ମୃତ୍ୟୁ ହୋଇଥିଲା ।  ମୃତଦେହ ଆଣି ସଂପର୍କୀୟଙ୍କ ଘରେ ଶବଦାହ କରିବାକୁ ଚାହିଁଥିଲେ ସ୍ବାମୀ, କିନ୍ତୁ ସଂପର୍କୀୟ ଘରେ ଶବଦାହ କରିବାକୁ ମନା କରିବାରୁ ଶେଷରେ ଟ୍ରଲିରେ ସ୍ତ୍ରୀର ଶବକୁ ଧରି ନିଜ ଗାଁକୁ ଫେରିଯାଇଥିଲେ ସ୍ବାମୀ । ଏଭଳି ଘଟଣା ଘଟିଛି ମୟୁରଭଞ୍ଜ ଜିଲ୍ଲା ଉଦଳା ଥାନା ଅଂଚଳରେ । 

ସୂଚନାଯୋଗ୍ୟ ଯେ, ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ସାନଜୁନୁପାଳ ଗ୍ରାମର ଖେଲା ସୋରେନ୍ ତାଙ୍କର ସ୍ତ୍ରୀ ରାଇମାତ ସୋରେନଙ୍କ ପ୍ରସବ ନିମନ୍ତେ ବାରିପଦା ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତରଖାନାରେ ରାଇମାତ ଏକ ଶିଶୁ ପୁତ୍ରକୁ ଜନ୍ମ ଦେବା ପରେ ମୃତ୍ୟୁବରଣ କରିଥିଲେ । ନବଜାତ ପୁଅକୁ ଡାକ୍ତରଖାନାରେ ଡାକ୍ତରଙ୍କ ହେପାଜତରେ ଛାଡି ସ୍ତ୍ରୀର ମୃତଦେହକୁ ସ୍ବର୍ଗରଥରେ ନେଇ ଉଦଳା ଥାନା ଉର୍ମଳ ଗ୍ରାମ ସ୍ଥିତ ନିଜ ସଂପର୍କୀୟ ଘରକୁ ଯାଇଥିଲେ, କିନ୍ତୁ ସଂପର୍କୀୟ ଘର ଲୋକେ ରାଇମାତର ଶବକୁ ତାଙ୍କ ଗ୍ରାମରେ ଦାହ କରିବାକୁ ମନା କରିଦେଇଥିଲେ । ଯାହାଫଳରେ ନିଜ ସ୍ତ୍ରୀର ମୃତଦେହକୁ ନିଜ ଗାଁକୁ ନେବାକୁ ଚାହିଁଥିଲେ ଖେଲା ।

ହେଲେ ତାଙ୍କ ପାଖରେ ଟଙ୍କା ନ ଥିବାରୁ ଏକ ଟ୍ରଲି ମାଗିଆଣି ସେଥିରେ ସ୍ତ୍ରୀର ମୃତଦେହକୁ ବୋହି ବୋହି ନେଇ କପ୍ତିପଦା ଥାନା ସାନଜୁନୁପାଳ ଗାଁକୁ ଯାଉଥିଲେ । ତେବେ ଉର୍ମଳ ଗ୍ରାମରୁ ତିନି କିଲୋମିଟର ଯିବା ପରେ ରାସ୍ତା ପାର୍ଶ୍ବ ନାବରା ଜଙ୍ଗଲରେ ମୃତଦେହକୁ ପୋତି ଦେବାକୁ ଚାହିଁଥିଲେ ସ୍ବାମୀ । ନିକଟସ୍ଥ  ଗ୍ରାମବାସୀମାନେ ଏହାକୁ ବିରୋଧ କରିବାରୁ ପୁଣି ଶବକୁ ଟ୍ରଲିରେ ଧରି ନିଜ ଗାଁକୁ ଯିବା ବାଟରେ ସ୍ବାମୀ ଖେଲାକୁ ଅଟକାଇଥିଲା ପୋଲିସ । ତେବେ ଶବକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି  ପୋଲିସ ।

   Related Posts