Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ମରିଗଲାଣି ମାନବିକତା: ସ୍ୱାଭାବିକ ମୃତ୍ୟୁ ପରେ ବି ମାଆର ମୃତଦେହ ନେବାକୁ ମନା କଲା ପୁଅ, ରିକ୍ସାରେ ନିଆଗଲା ଶ୍ମଶାନ

9/04/2020 at 6:00 PM

ନୂଆଦିଲ୍ଲୀ୯/୪: କରୋନା ଭୟ ଯୋଗୁଁ ମଣିଷ ଅସମ୍ବେଦନଶୀଳ ହୋଇଗଲାଣି| ଯେଉଁଥିପାଇଁ ସମ୍ପର୍କ ମଧ୍ୟ ବଳି ପଡ଼ିଗଲାଣି | ଏଭଳି ସ୍ଥିତିରେ ନିଜ ପୁଅ ମାଆଙ୍କୁ ମଧ୍ୟ ବଳି ପକେଇ ଦେଇଛି | ଯୁବକଙ୍କ ୭୫ ବର୍ଷ ବୟସ୍କା ମା’ଙ୍କ ସ୍ୱାଭାବିକ ମୃତ୍ୟୁ ହୋଇଥିଲା କିନ୍ତୁ ସେ ନିଜ ମାଆଙ୍କ ଶବ ନେବାକୁ ମନା କରିଦେଇଥିଲେ | ସେ ଭାବିଲେ ତାଙ୍କ ମାଆଙ୍କ ମୃତ୍ୟୁ କରୋନା ଯୋଗୁଁ ହୋଇଛି | ଘଟଣା ପଞ୍ଜାବର କପୁରଥଲା ଜିଲ୍ଲା ଆରସିଏଫ ନିକଟରେ ଘଟିଛି |

ମାମଲା ଜିଲ୍ଲା ପ୍ରଶାସନଙ୍କ ନଜରକୁ ଆସିବା ପରେ ତହସିଲଦାର ମନବିର ସିଂହ ଢିଲୋ, ପଟବାରି ସରବଜୀତ ସିଂହଙ୍କ ସହ ସେଠାରେ ପହଞ୍ଚି ଯୁବକଙ୍କୁ ବୁଝାଇଥିଲେ | ସ୍ୱାସ୍ଥ୍ୟ ବିଭାଗର ଏକ ଟିମ ମଧ୍ୟ ଯୁବକଙ୍କୁ ବୁଝାଇଥିଲେ ଏବଂ ନିଜ ମା’ଙ୍କ ଶେଷକୃତ୍ୟ କରିବା ପାଇଁ ତାଙ୍କୁ ରାଜି କରାଇଥିଲେ | ଏହାପରେ କୌଣସି ପ୍ରକାରେ ଶବକୁ ଶ୍ମଶାନ ପର୍ଯ୍ୟନ୍ତ ନିଆଯାଇଥିଲା ଏବଂ ଦାହ ସଂସ୍କାର କରାଯାଇଥିଲା | ଶବକୁ ଏକ ରିକ୍ସାରେ ଶ୍ମଶାନ ପର୍ଯ୍ୟନ୍ତ ନିଆଯାଇଥିଲା | କଥା ଦୋକାନ ଖୋଲି ଡିଜେଲ ସାହାଯ୍ୟରେ ଦାହ ସଂସ୍କାର କରାଯାଇଥିଲା | ଦାହ ସଂସ୍କାର ପାଇଁ ହୋଇଥିବା ଖର୍ଚ୍ଚ ସେଠାରେ ଉପସ୍ଥିତ ଅଧିକାରୀ ବହନ କରିଥିଲେ |

ବେବେ ନାନକୀ ରୋଡ଼ ସ୍ଥିତ ଆରସିଏଫ ନିକଟସ୍ଥ ଏକ ବସ୍ତିରେ ରାମୁ ନାମକ ଜଣେ ଯୁବକ ରୁହନ୍ତି | କର୍ଫ୍ୟୁର ଦୁଇଦିନ ପୂର୍ବରୁ ତାଙ୍କ ମା’ ମଙ୍ଗଳି ଦେବୀ ମୁକ୍ତସରର ବଡିଙ୍ଗ ଗାଁରୁ ଆସି ତାଙ୍କ ସହ ରହିଥିଲେ | ଅଚାନକ ତାଙ୍କର ମୃତ୍ୟୁ ହୋଇଗଲା | କିନ୍ତୁ ରାମୁ ମଙ୍ଗଳି ଦେବୀଙ୍କ ଅନ୍ତିମ ସଂସ୍କାର କରିବା ଛାଡି ପରିବାର ଛାଡି ଏପଟେ ସେପଟେ ଚାଲିଗଲା| ମହିଳାଙ୍କ ମୃତ୍ୟୁ କରୋନା ଯୋଗୁଁ ହୋଇଥିବା ସନ୍ଦେହ କରି ସମ୍ପର୍କୀୟ ମଧ୍ୟ ଦୁରେଇ ଗଲେ |

ମାମଲା ସମ୍ପର୍କରେ ସୂଚନା ପାଇବାପରେ ତହସିଲଦାର ମନବିର ସିଂହ କହିଛନ୍ତି ଯେ, ମହିଳାଙ୍କର ସ୍ୱାଭାବିକ ମୃତ୍ୟୁ ହୋଇଥିଲା | କିନ୍ତୁ ମୃତକଙ୍କ ପରିବାର ଓ ସମ୍ପର୍କୀୟ ଶବ ପାଖକୁ ମଧ୍ୟ ଯାଇନଥିଲେ | ସ୍ୱାସ୍ଥ୍ୟ ଅଧିକାରୀ ଡ.ରାଜୀବ ଭଗତଙ୍କୁ ଡାକିବାରୁ ସେ ଆମ୍ବୁଲାନ୍ସ ମଗେଇବ ପାଇଁ ମନା କରିଦେଲେ | ପୋଲିସକୁ କହିଲା ପରେ ସେମାନେ ମଧ୍ୟ ଅରାଜି ହେଲେ | ଏସବୁ ଦେଖି ସେମାନେ ଏକ ରିକ୍ସା ସାହାଯ୍ୟରେ ମୃତକଙ୍କ ଶବ ସ୍ମଶାନ ପର୍ଯ୍ୟନ୍ତ ନେଇଯାଇଥିଲେ | ନିଜ ହାତରୁ ୭ ହଜାର ଟଙ୍କା ଖର୍ଚ୍ଚ କରି ପୁଅ ଦ୍ୱାରା ମା’ଙ୍କ ଶେଷକୃତ୍ୟ ସମ୍ପନ୍ନ କରାଇଥିଲେ | ତେବେ ସବୁଠାରୁ ଦୁଃଖର କଥା ହେଲା ଭୟାବହ ମହାମାରୀ କରୋନା ଯୋଗୁଁ ମାନବିକତା ମଧ୍ୟ ମରିଗଲାଣି | ତେଣୁ ଏହି ମହାମାରୀକୁ ସମ୍ପୂର୍ଣ ନଷ୍ଟ କରିବା ନିହାତି ଆବଶ୍ୟକ |

   Related Posts