Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଗାଁ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର : ହତ୍ୟା ସନ୍ଦେହ, କୋଚିଂ ସେଣ୍ଟରକୁ ରୋଷେଇ କରିବାକୁ ଯାଇ ଫେରିନଥିଲେ

ଉଦଳା୧୧|୯: ଗ୍ରାମ ରାସ୍ତାରେ ପଡିଥିବା ଜଣେ ଯୁବକଙ୍କ ମୃତଦେହକୁ ପୋଲିସ୍ ଉଦ୍ଧାର କରିଛି । ଯୁବକଙ୍କ ମୃତ୍ୟୁର କାରଣ ଜଣାପଡିନାହିଁ । ପୋଲିସ୍ ଏ ନେଇ ତଦନ୍ତ ଆରମ୍ଭ କରିଛି । ଉଦଳା ଥାନା ଅନ୍ତର୍ଗତ ଟଣକାସାହି ଗ୍ରାମରେ ଘଟିଛି ଏହି ଅଭାବନୀୟ ଘଟଣା ।ମୃତ ଯୁବକ ସେହି ଗାଁର ରତ୍ନାକର ପାତ୍ରବୋଲି ଜଣାପଡିଛି । 

ଆଜି ସକାଳେ ଉଦଳା ଥାନା ଅନ୍ତର୍ଗତ ଟଣକାସାହି ଗ୍ରାମ ରାସ୍ତାରେ ଗାଁର ଯୁବକ ରତ୍ନାକର ପାତ୍ରଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ । ପୋଲିସ୍ ଘଟଣାସ୍ଥଳରେ ପହଂଚି ମୃତଦେହକୁ ଉଦ୍ଧାର କରିବା ସହିତ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ  କେହି ତାଙ୍କୁ ହତ୍ୟା କରିଥାଇପାରେ ବୋଲି ସନ୍ଦେହ କରାଯାଉଛି । ରତ୍ନାକର ଗତକାଲି ସନ୍ଧ୍ୟା ସମୟରେ ନିକଟସ୍ଥ ଏକ କୋଚିଂ ସେଣ୍ଟରକୁ ରୋଷେଇ କରିବା ପାଇଁ ଯାଇଥିଲେ । ତବେ ବିଳମ୍ବିତ ରାତି ଯାଏଁ ଘରକୁ ନଫେରିବାରୁ ତାଙ୍କ  ବହୁ ଖୋଜାଖୋଜି କରିଥିଲେ । ହଲେ ଆଜି ସକାଳେ ତାଙ୍କର ମୃତଦେହ ଗ୍ରାମ ରାସ୍ତାରେ ପଡିଥିବା ଦେଖିବାକୁ ମିଳିଥିଲା । 

192 Views

   ସମ୍ବନ୍ଧିତ ଖବର