କେନ୍ଦ୍ରାପଡ଼ା୧୩/୮:୩୦ଘଣ୍ଟାରୁ ଅଧିକ ସମୟ ଧରି ପଡିଛି ମୃତଦେହ । ମୃତକଙ୍କ ପରିବାର ଲୋକ କ୍ଷତିପୂରଣ ମାଗିଛନ୍ତି। ଗତ ଶନିବାର ରାତିରେ କେନ୍ଦ୍ରାପଡା ଗଗୁଆ ପଞ୍ଚାୟତର ସାନ ରାହାମାପାଟଣା ଗାଁର ସତ୍ୟରଞ୍ଜନ ନାୟକଙ୍କ ସାପକାମୁଡାରେ ମୃତ୍ୟୁ ଦୋଇଥିଲା । ସତ୍ୟରଞ୍ଜନ ନାୟକ ଏବଂ ଜୟନ୍ତ ସ୍ୱାଇଁ ଚିଙ୍ଗୁଡି ଘେରିରେ ଶୋଇଥିବା ବେଳେ ଏହି ଅଘଟଣ ଘଟିଥିଲା । କେନ୍ଦ୍ରାପଡା ମେଡିକାଲକୁ ନେବା ବାଟରେ ସତ୍ୟରଞ୍ଜନଙ୍କ ମୃତ୍ୟୁ ହୋଇଥିଲା ବେଳେ ଏବେ ଜୟନ୍ତ ସ୍ବାଇଁ କଟକ ଏସସିବି ମେଡିକାଲରେ ଚିକିତ୍ସିତ ହେଉଛନ୍ତି । ତେବେ ସତ୍ୟରଞ୍ଜନଙ୍କ ମୃତ୍ୟୁ ପାଇଁ ଚିଙ୍ଗୁଡି ଘେରି ମାଲିକ ସନ୍ତୋଷ ସ୍ୱାଇଁଙ୍କୁ ଦାୟୀ କରିଛନ୍ତି ପରିବାର ଲୋକ । ଉଚିତ କ୍ଷତିପୂରଣ ନମିଳିବା ଯାଏ ଶବ ସଂସ୍କାର କରିବେ ନାହିଁ ବୋଲି ପରିବାର ଲୋକ ଜିଦ ଧରି ବସିଛନ୍ତି ।