Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନଦୀପଠାରୁ ଅଚିହ୍ନା ମହିଳାଙ୍କ ମୃତଦେହ ଉଦ୍ଧାର, ଘଟଣା ସ୍ଥଳରେ ପହଞ୍ଚି ପୋଲିସ୍‌ର ତଦନ୍ତ ଆରମ୍ଭ

8/05/2021 at 7:03 PM

କଳାହାଣ୍ଡି, ୦୮/୦୫: କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅମାଠ ନିକଟସ୍ଥ ତେଲ ନଦୀ ଘାଟରୁ ଆଜି ଏକ ଅଚିହ୍ନା ମହିଳାଙ୍କ ଶବ ଉଦ୍ଧାର ହୋଇଛି । ନଦୀ ଘାଟରେ ଅଧପୋତା ଅବସ୍ଥାରେ ମୃତ ମହିଳାଙ୍କ ଶବ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ପରେ ଏନେଇ ସେମାନେ ପୋଲିସକୁ ଖବର ଦେଇଥିଲେ ।

ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଅଧପୋତା ଅବସ୍ଥାରେ ଥିବା ଅଚିହ୍ନା ମହିଳାଙ୍କ ଶବଟିକୁ ଉଦ୍ଧାର କରିଥିଲା । ପରେ ଶବକୁ ବ୍ୟବଚ୍ଛେଦ ପାଇଁ କେସିଙ୍ଗା ସରକାରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପୋଲିସ୍‌ ପାଠାଇଥିବା ଜଣାପଡ଼ିଛି ।

ତେବେ ମୃତ ମହିଳାଙ୍କ ବୟସ ପ୍ରାୟ ୫୦ ହେବ ବୋଲି ପୋଲିସ୍‌ ଅନୁମାନ କରୁଛି ।  ମହିଳା ଜଣଙ୍କ କିଏ ଏବଂ ତାଙ୍କ ପରିଚୟ କଣ ସେଥିପାଇଁ ମୃତଦେହକୁ ୭୨ ଘଣ୍ଟା ରଖାଯିବ ବୋଲି କେସିଙ୍ଗା ଆଦର୍ଶ ଥାନାର ଅତିରିକ୍ତ ଆଇଆଇସି ଦୀପାଞ୍ଜଳୀ ପ୍ରଧାନ ସୂଚନା ଦେଇଛନ୍ତି ।

   Related Posts