Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||

ଚାରିକାନ୍ଧ ଦେବାକୁ ନଥିଲେ କେହି, ୨୪ଘଣ୍ଟା ଧରି ମେଡିକାଲରେ ଶବ ପଡିଲା ପରେ ହେଲା ସତ୍କାର

17/10/2019 at 6:24 PM

ନୂଆପଡା ୧୭|୧୦: ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ୨୪ଘଣ୍ଟା ଧରି ପଡି ରହିଲା ଶବ । ପରିଜନ ତଥା ଦାବିଦାରଙ୍କୁ ଅପେକ୍ଷା କରି କରି ଶେଷରେ ପୋଲିସର ହସ୍ତକ୍ଷେପ ପରେ ନୂଆପଡା ଜିଲ୍ଲା ପଲସିପାଣି ପଞ୍ଚାୟତ ନିର୍ବାହି ଅଧିକାରୀ ଓ ଜନ ପ୍ରତିନିଧିଙ୍କ ସହାୟତାରେ ଶବ ସତ୍କାର କରାଯାଇଛି ।

ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା କୋମନା ବ୍ଲକ୍ ପଲସିପାଣି ପଞ୍ଚାୟତର କାଶିପଲା ଗ୍ରାମରେ ଦୀର୍ଘ ଚାଳିଶ ବର୍ଷ ହେବ କୁଲି ମଜୁରି କରି ପେଟ ପୋଷୁଥିଲେ ଗଣେଶ ସାହୁ । ନିଜର ବୋଲି କେହି ନାହାନ୍ତି । ୩ ବର୍ଷ ହେବ କୌଣସି ରୋଗରେ ସ୍ତ୍ରୀର ଦେହାନ୍ତ ହେବା ପରେ ଏକାକି ରହୁଥିଲେ । ପଞ୍ଚାୟତ ପକ୍ଷରୁ ଖାଦ୍ୟ ସୁରକ୍ଷା ଯୋଜନାରେ ଚାଉଳ ମିଳୁଥିବା ବେଳେ ମାଗି ଜାଚି ଚଳୁଥିଲେ ।

କିଛି ବର୍ଷ ହେବ କିଡନୀ ଜନିତ ରୋଗରେ ପୀଡିତ ଥିଲେ । ପାଖ ପଡୋଶୀଙ୍କ ଠାରୁ ଯାହା ସାହାଯ୍ୟ ପାଉଥିଲେ ସେଥିରେ ଚିକିତ୍ସିତ ହେଉଥିଲେ । ରୋଗ ବଢି ବଢି ଗୁରୁତର ହେବାପରେ ସମିତି ସଭ୍ୟ ଗଙ୍ଗାରାମ ୧୦୮ ଆମ୍ବୁଲାନ୍ସ ଯୋଗେ ଆଣି ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ । ପରେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ହେଲେ ଶବ ସତ୍କାର ପାଇଁ ତଥା ଚାରିକାନ୍ଧ ଦେବାପାଇଁ କେହି ଆସି ନଥିଲେ । ତେବେ ଦାବିଦାର ନପାଇ ଶେଷରେ ନୂଆପଡା ଟାଉନ ଥାନା ଅଧିକାରୀ ଆଦିତ୍ୟ ମହାକୁରଙ୍କ ଉଦ୍ୟମରେ ପଲସିପାଣି ପଞ୍ଚାୟତ କର୍ମୀଙ୍କ ସହାୟତାରେ ଆଜି ଜୋଙ୍କ ନଦୀଠାରେ ଗଣେଶଙ୍କ ଶବ ସତ୍କାର କରାଯାଇଛି ।

   Related Posts