ଅନୁଗୁଳ ୧୦|୧: ସାଇକେଲରେ ବୁହା ହେଲା ବୃଦ୍ଧାଙ୍କ ଶବ । ଅନୁଗୁଳ ଜିଲ୍ଲା ଶରଧାପୁର ଗାଁରେ ଦେଖିବାକୁ ମିଳିଛି ଏଭଳ ଅଭାବନୀୟ ଘଟଣା। ଗ୍ରାମବାସୀ ବୃଦ୍ଧଙ୍କ ଶବକୁ ଶ୍ମଶାନକୁ ନେବା ପାଇଁ କାନ୍ଧ ନଦେବାରୁ ଶେଷରେ ନାତି ଏବଂ ତାଙ୍କ ସ୍ତ୍ରୀ ମିଶି ସାଇକେଲରେ ବୋହି ନେଲେ ।
ସୂଚନା ଅନୁସାରେ ଅନୁଗୁଳ ଜିଲ୍ଲା ଶରଧାପୁର ଗାଁର ପଠାଣି ବେହେରାଙ୍କର ଗତକାଲି ରାତିରେ ମୃତ୍ୟୁ ହୋଇଯାଇଥିଲା । କିନ୍ତୁ ଆଜି ସକାଳେ ତାଙ୍କ ମୃତଦେହକୁ ଶ୍ମଶାନକୁ ନେବାପାଇଁ କେହି ଗ୍ରାମବାସୀ ପରିବରଲୋକଙ୍କୁ ସାହାଯ୍ୟ କରିନଥିଲେ । ଫଳରେ ମୃତ ବୃଦ୍ଧାଙ୍କ ନାତି ମାନସ ବେହେରା ଏବଂ ତାଙ୍କ ସ୍ତ୍ରୀ ମିଶି ସାଇକେଲରେ ଘରଠାରୁ ୧ କିମି ଦୂର ଶ୍ମଶାନକୁ ବୋହି ନେଇଥିଲେ ଶେଷକୃତ୍ୟ ପାଇଁ । ବୃଦ୍ଧା ଜଣଙ୍କ ଦୀର୍ଘ ଦିନ ହେବ ଅସୁସ୍ଥ ହୋଇ ଶଯ୍ୟାଶାୟୀ ଥିଲେ । ତେଣୁ ଯିଏ ତାଙ୍କ ଶବକୁ ଛୁଇଁବ ସେ ମନ୍ଦିରରେ ଯାଇ ଶୌଦ୍ଧ ହେବା ସହ ଜାତି ମଧ୍ୟ ହେବ ବୋଲି ଗ୍ରାମବାସୀଙ୍କର ପ୍ରଥା ରହିଛି । ଫଳରେ ବୃଦ୍ଧାଙ୍କୁ କେହି କାନ୍ଧ ଦେଇନଥିଲେ କି ଛୁଇଁ ନଥିଲେ । ଏଭଳି ମାନସିକତା ଗାଁ ଗହଳିରେ ବହୁ ଦିନରୁ ଚାଲି ଆସୁ ଅଛି। ବର୍ଷ ବର୍ଷ ଧରି ଯିଏ ଗାଁରେ ବାସ ବାସ କରି ଜୀବନ ବିତାଇଛି ଗାଁ ପାଇଁ ସବୁ ତ୍ୟାଗ କରିଛି ଶେଷ ଅବସ୍ଥାରେ ତାଙ୍କ ସହ ଏମିତି କରାଯାଉଛି ।