Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୬୫୨ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୫୧୧ ଡିସଚାର୍ଜ
  • ||
  • ବିଧାୟିକାଙ୍କ ଘର ଆଗରେ ବୋମାମାଡ଼, ଦୁଇ ସମର୍ଥକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଟୋକିଓ ଅଲିମ୍ପିକ୍ସ : ଭାରତକୁ ମିଳିଲା ଆଉ ଏକ ପଦକ, ୫୭ କେଜି କୁସ୍ତିରେ ରବି ଦାହିୟା ଜିତିଲେ ରୌପ୍ୟ ପଦକ
  • ||
  • ଜଗତସିଂହପୁର : ଶୁକ୍ରବାର ଖୋଲିବ ଝଙ୍କଡ ସ୍ଥିତ ମା’ ଶାରଳାଙ୍କ ମନ୍ଦିର, ଖୋଲିବ ଗୋରେଖନାଥଙ୍କ ପୀଠ
  • ||
  • କଟକ : ସ୍କୁଟି ମିଳିଥିଲା ମଧୁସୂଦନ ସେତୁରୁ, ମୃତଦେହ ମିଳିଲା ଯୋବ୍ରା ଆନିକଟରୁ : ମଙ୍ଗଳବାରଠୁ ଥିଲେ ନିଖୋଜ
  • ||
  • ବଡବିଲ : ରାସ୍ତା କଡକୁ ଓଲଟି ହୁତୁହୁତୁ ହୋଇ ଜଳିଗଲା ହାଇୱା
  • ||
  • ଭୁବନେଶ୍ବର : ରାଜ୍ୟ ମାନବାଧିକାର ଆୟୋଗରେ ଅଗ୍ନିକାଣ୍ଡ, ଏସି ସଟ୍ ସର୍କିଟ୍‌ରୁ ନିଆଁ ଲାଗିଥିବା ସୂଚନା
  • ||
  • ରାଉରକେଲା : ବଡଧରଣର ଜିଏସ୍‌ଟି ଠକେଇ, ବନ୍ଧାହେଲା ୮୦ କୋଟି ଟଙ୍କା ଠକିନେଇଥିବା ଠକ
  • ||
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • କଟକ : ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||

ସୁପ୍‌ରୁ ବାହାରିଲା ମଲା ବାଦୁଡ଼ି: କିନ୍ତୁ ତା’ ଆଗରୁ ପରିବାର ଲୋକେ ପିଇ ସାରିଥିଲେ ସେମାନଙ୍କ ଭାଗ, ତାପରେ…

24/07/2020 at 6:03 PM

ବୁହାନ ୨୪/୦୭ : ଚୀନରୁ ସାରା ଦୁନିଆକୁ ବ୍ୟାପିଥିବ କରୋନା ଭାଇରସ ବର୍ତ୍ତମାନ ବିକ୍ରଲ ରୂପ ନେଲଣି | କରୋନା ଭାଇରସକୁ ନେଇ ଏବେ ସୁଦ୍ଧା ବୈଜ୍ଞାନିକ ଏକମତ ହୋଇପାରି ନାହାନ୍ତି | କିଛି ବୈଜ୍ଞାନିକ ଦାବି କରିଛନ୍ତି ଯେ ଭାଇରସ ବାଦୁଡ଼ି ଶରୀରରୁ ମଣିଷ ଶରୀରକୁ ସଂକ୍ରମିତ କରିଛି | କିନ୍ତୁ ଆଉ କିଛି ବୈଜ୍ଞାନିକ ଏଥିରେ ଏକମତ ନୁହନ୍ତି | ଚୀନରେ କରୋନା ମାମଲା କମିବା ପରେ ପୁଣିଥରେ ସି-ଫୁଡ ଓ ମାଂସ ମାର୍କେଟ ଖୋଲିଯାଇଛି | ଇତି ମଧ୍ୟରେ ଚୀନରୁ ଆଉ ଏକ ଚକିତ କଲାଭଳି ଖବର ସାମ୍ନାକୁ ଆସିଛି | ମାମଲା ଚୀନ ବୁହାନ ସହରର | ଏଠାରେ ଜଣେ ବ୍ୟକ୍ତି ସୁପ ଅର୍ଡର କରିଥିଲେ | ପରିବାର ଲୋକ ଯେମିତି ସୁପ୍ ଖୋଲିଲେ ସେଥିରୁ ମଲା ବାଦୁଡ଼ି ବାହାରିଥିଲା | 

ମିଡ଼ିଆ ରିପୋର୍ଟ ଅନୁଯାୟୀ, ଯେଉଁ ବ୍ୟକ୍ତି ସୁପ୍ ଅର୍ଡର୍ କରିଥିଲେ ତାଙ୍କ ନାଁ ଚେନ୍ | ସେ ହୁଵେଇ ଅଞ୍ଚଳରେ ରୁହନ୍ତି | ଚେନେ ଏକ ରେସ୍ତୋରାଁରୁ ଫ୍ରୋଜେନ୍ ପୋର୍କ ସୁପ୍ ଅର୍ଡର କରିଥିଲେ | ସ୍ଥାନୀୟ ମିଡ଼ିଆ ଅନୁସାରେ, ସେ ଯେମିତି ସୁପ୍ ବାହାର କଲେ ସେଥିରୁ ମଲା ବାଦୁଡ଼ି ବାହାରିଥିଲା | ଚେନ୍ ନିଜର ପୁରା ପରିବାର ପାଇଁ ସୁପ୍ ମଗେଇଥିଲେ | ଅଲଗା ଅଲଗା ଡବାରେ ସୁପ୍ ଆସିଥିବା କାରଣରୁ ପରିବାର ସଦସ୍ୟ ପିଇଦେଇଥିଲେ | କିନ୍ତୁ ଚେନ୍ ଯେମିତି ସୁପ୍ ଡବା ଦେଖିଲେ ସେଥିରେ ମଲା ବାଦୁଡ଼ି ପଡିଥିଲା |  

ଚେନ୍ କହିଛନ୍ତି, ଯଦି ସୁପ୍‌କୁ ଗରମ କରିବାକୁ ବାହାର କରିନଥାନ୍ତେ ତାହେଲେ ଜାଣି ପାରିନଥାନ୍ତେ ଯେ ଡବାରେ ମଲା ବାଦୁଡ଼ି ପଡିଛି | ଏହାପରେ ଚେନ୍ ସୁପ୍ ନେଇ ରେସ୍ତୋରାଁ ଯାଇଥିଲେ ଓ ଟଙ୍କା ରିଫଣ୍ଡ୍ କରିବାକୁ କହିଥିଲେ | ତେବେ ରେସ୍ତୋରାଁ ମାଲିକ ଏଥିରେ ରେସ୍ତୋରାଁର କୌଣସି ଭୁଲ ନାହିଁ ବୋଲି କହିଛନ୍ତି | ସେ କହିଥିଲେ ବାଦୁଡ଼ି ରାତିରେ ସକ୍ରିୟ ହୁଅନ୍ତି | ସେଥିପାଇଁ ସେମାନେ ସୁପ୍ ସକାଳୁ ତିଆରି କରିଦିଅନ୍ତି ଏବଂ ସୁପକୁ ଘୋଡେଇ ରଖନ୍ତି | ସେଥିପାଇଁ ରେସ୍ତୋରାଁର କୌଣସି ଭୁଲ ନାହିଁ ବୋଲି ମାଲିକ କହିଥିଲେ | ସେ କହିଥିଲେ ଯେ ସୁପ୍ ଗରମ କରିବା ସମୟରେ ବାଦୁଡ଼ି ଘରେ ହିଁ ପଡି ଯାଇଥିବ |

ସୁପ୍‌ରୁ ବାଦୁଡ଼ି ବାହାରିବା ପରେ ଚେନଙ୍କ ପରିବାରର ସମସ୍ତ ସଦସ୍ୟ କରୋନା ଟେଷ୍ଟ କରାଇଛନ୍ତି | ଚେନ୍ ଏ ସମ୍ପର୍କରେ ସ୍ଥାନୀୟ ପ୍ରଶାସନକୁ ଅଭିଯୋଗ କରିଛନ୍ତି | ଚେନ କହିଛନ୍ତି ଯେ ତଦନ୍ତ ଜାରି ରହିଛି | ତେବେ ବାଦୁଡ଼ି କେଉଁଠାରୁ ଆସିଲା ତାହା ଏବେ ଯାଏଁ ଜଣାପଡିନାହିଁ |

   Related Posts