Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ପାଠ ପାଇଁ ଦିନ ମଜୁରିଆ ସାଜିଛନ୍ତି ଜୟପୁର ମହିଳା ମହାବିଦ୍ୟାଳୟର ଉପ ସଭାପତି ଶାନ୍ତିମଣି

4/05/2018 at 12:44 PM

ପାଠ ପଢିବା ସହ ପରିବାର ଭରଣ ପୋଷଣ ପାଇଁ ଦିନ ମଜୁରିଆ ସାଜିଛନ୍ତି ଜୟପୁର ମହିଳା ମହାବିଦ୍ୟାଳୟର ଉପ ସଭାପତି ଶାନ୍ତିମଣି ନାୟକ।କେତେବେଳେ କୋଦାଳ ଧରୁଛନ୍ତି ତ ଆଉ କେତେବେଳେ କଲମ।ଏହି ଖବର ନ୍ୟୁଜ୭ରେ ପ୍ରସାରଣ ପରେ ଶାନ୍ତିମଣିଙ୍କ ପରିବାରକୁ ସହାୟତାର ହାତ ବଢାଇଛି କୋରାପୁଟ ଜିଲ୍ଲା ପ୍ରଶାସନ।ଜିଲ୍ଲାପାଳଙ୍କ ନିର୍ଦେଶରେ ଜୟପୁର ଉପଜିଲ୍ଲାପାଳ
ଶାନ୍ତିମଣିକୁ ଭେଟିବା ପରେ ପ୍ରଧାନ ମନ୍ତ୍ରୀ ଆବାସ ଯୋଯନାରେ ଏକ ଘର ସହ ରେଡ୍ କ୍ରସରୁ ଆର୍ଥିକ ସହାୟତା ପ୍ରଦାନ କରିବାକୁ ପ୍ରତିଶୃତି ଦେଇଛନ୍ତି।ଜିଲ୍ଲା ପ୍ରଶାସନର ଏପରି ପ୍ରତିଶୃତି ପରେ ଶାନ୍ତିମଣିଙ୍କ ପରିବାରରେ ଏବେ ଖୁସିର ମାହୋଲ ଦେଖା ଦେଇଥିବା ବେଳେ ପରିବାର ଲୋକ ନ୍ୟୁଜ୭କୁ ଧନ୍ୟବାଦ ଦେଇଛନ୍ତି।

ଜୟପୁର ସରକାରୀ ମହିଳା ମହାବିଦ୍ୟାଳୟର ଉପ ସଭାପତି ଶାନ୍ତିମଣି ନାୟକ।ଉଚ୍ଚ ଶିକ୍ଷିତା।ଯୁକ୍ତ ୩ ଶେଷ ବର୍ଷ ଇତିହାସ ସମ୍ମାନର ଛାତ୍ରୀ।ଘରେ ଆର୍ଥିକ ସମସ୍ୟା ଥିବାରୁ ପରିବାର ଚଳାଇବା ସହ ନିଜ ପାଠ ପଢା ପାଇଁ ଦିନ ମଜୁରିଆ ଭାବେ କୁଲି କାମ କରୁଛନ୍ତି।କେତେବେଳେ ହାତରେ ଧରୁଛନ୍ତି କୋଦାଳ ତ ଆଉ କେତେବେଳେ କଲମ।ଏହି ଖବର ଗତ ୧ ତାରିଖ ଦିନ ନ୍ୟୁଜ୭ରେ ପ୍ରସାରଣ କରିବା ପରେ ଶାନ୍ତିମଣିଙ୍କୁ ସହାୟତାର ହାତ ବଢାଇଛି କୋରାପୁଟ ଜିଲ୍ଲା ପ୍ରଶାସନ।ଜିଲ୍ଲାପାଳଙ୍କ ନିର୍ଦ୍ଧେଶ ପରେ ଜୟପୁର ଉପ ଜିଲ୍ଲାପାଳ ଶାନ୍ତିମଣିଙ୍କୁ ଭେଟିବା ସହ ତାଙ୍କର ସମସ୍ତ ସୁବିଧା ଅସୁବିଧା ପଚାରି ବୁଝିଛନ୍ତି।ଶାନ୍ତିମଣିର ଯୋଗ୍ୟତା ଅନୁସାରେ କାଉନସିଲିଂ କରାଯାଇ ଏକ ଚାକିରୀ ଯୋଗାଇ ଦେବା ସହ ପ୍ରଧାନ ମନ୍ତ୍ରୀ ଆବାସ ଯୋଯନାରେ ଏକ ଘର ଯୋଗାଇ ଦେବାକୁ ପ୍ରତିଶୃତି ଦେଇଛନ୍ତି ସେ।ସେହିପରି ତାଙ୍କ ବାପାଙ୍କ ଚିକିତ୍ସା ପାଇଁ ରେଡ୍ କ୍ରସ୍ ପାଣ୍ଠିରୁ ଆର୍ଥିକ ସହାୟତା ମଧ୍ୟ ପ୍ରଦାନ କରାଯିବ ବୋଲି କହିଛନ୍ତି ଜୟପୁର ଉପଜିଲ୍ଲାପାଳ।

ଶାନ୍ତିମଣି ନିଜ ପରିବାର ସହ ଜୟପୁର ଜମୁନାଗୁଡାରେ ରହୁଥିବା ବେଳେ ପରିବାରରେ ମୋଟ ୮ ଜଣ ସଦଶ୍ୟ ।ଶାନ୍ତିମଣିଙ୍କ ବାପା ଦିନ ମଜୁରିଆ ଭାବେ କାମ କରୁଥିବା ବେଳେ ତାଙ୍କ ରୋଜଗାରରେ ପରିବାର ଚଳେ।ହେଲେ ଦୁର୍ଘଟଣାରେ ସେ ଗୁରୁତର ଆହାତ ହେବା ପରେ ଏବେ ଆଉ କାମ କରି ପାରୁନାହାଁନ୍ତି।ତେଣୁ ବାପାଙ୍କ ଚିକିତ୍ସା ସହ ପରିବାର ଚଳାଇବା ଓ ନିଜ ପାଠ ପଢା ପାଇଁ ଏବେ ଦୁଇ ଭାଇଙ୍କ ସହ ଦିନ ମଜୁରିଆ ଭାବେ କୁଲି କରୁଛନ୍ତି ଶାନ୍ତିମଣି।ଆଗକୁ ପୋଲିସ ଅଫିସର ହେବାକୁ ସେ ଲକ୍ଷ୍ୟ ରଖିଥିବା ବେଳେ ଅର୍ଥ ସାଜିଛି ବାଧକ।ତେବେ ପ୍ରଶାସନର ପ୍ରତିଶୃତି ପରେ ଶାନ୍ତିମଣିଙ୍କ ପରିବାରର ଏବେ ଖୁସିର ମାହୋଲ।ନ୍ୟୁଜ୭ ସେମାନଙ୍କ ସମସ୍ୟା ପ୍ରଶାସନ ନିକଟରେ ପହଁଚାଇ ପାରିଥିବାରୁ ନ୍ୟୁଜ୭କୁ ଧନ୍ୟବାଦ ଦେଇଛନ୍ତି ଶାନ୍ତିମଣିଙ୍କ ପରିବାର।

Leave a Reply

   Related Posts