Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ନିଲାମ ହେବ ଅଣ୍ଡରୱାର୍ଲଡ ଡନ୍ ଦାଉଦ୍ ଇବ୍ରାହିମର ପୈତୃକ ସମ୍ପତ୍ତି

2/11/2020 at 5:03 PM

ମୁମ୍ବାଇ ୦୨/୧୧ : ଅଣ୍ଡରୱାର୍ଲଡ ଡନ୍ ଦାଉଦ୍ ଇବ୍ରାହିମର ପୈତୃକ ଗାଁ ମହାରାଷ୍ଟ୍ର ରତ୍ନଗିରି ଜିଲ୍ଲା ଖେଡ ତହସିଲ ଅନ୍ତର୍ଗତ ସମ୍ପତ୍ତି ନିଲାମ ହେବ। ବୋଲି ଲଗାଇବା ପାଇଁ ଇଛୁକ ପ୍ରାର୍ଥୀ ଆଜି ସମ୍ପତ୍ତି ନିରୀକ୍ଷଣ କରିବେ। ଏହି ହବେଲି ନିରୀକ୍ଷଣ କରିବାକୁ ଓକିଲ ଓ ପୂର୍ବତନ ଶିବ ସୈନିକ ଅଜୟ ଶ୍ରୀବାସ୍ତବ ରତ୍ନଗିରି ଯିବେ। ଶ୍ରୀବାସ୍ତବ ୨୦୦୧ ମସିହାରେ ମଧ୍ୟ ଦାଉଦର ଦୁଇଟି ସମ୍ପତ୍ତି ଉପରେ ବୋଲି ଲଗାଇ କିଣିଛନ୍ତି।

ସ୍ମଗଲର୍ସ ଆଣ୍ଡ ଫରେନ ଏକ୍ସଚେଞ୍ଜ ମେନିପ୍ୟୁଲେଟର୍ସ (SAFEMA) ଏଜେନ୍ସି ଦାଉଦର ସମ୍ପତ୍ତି ନିଲାମ କରିବ। ନଭେମ୍ବର ୧୦ ତାରିଖରେ ଇ-ନିଲାମୀ ଜରିଆରେ ନିଲାମୀ ପ୍ରକ୍ରିୟା କରାଯିବ। ଦାଉଦ୍ ଇବ୍ରାହିମର ଏହିସବୁ ସମ୍ପତ୍ତି ରତ୍ନଗିରି ତହସିଲ ଅଞ୍ଚଳରେ ରହିଛି। ଦାଉଦର ୭ଟି ଜମି ଓ ଗୋଟିଏ ଘର ନିଲାମ ହେବ।

ନଭେମ୍ବର ୬ ତାରିଖ ଯାଏଁ ଆପ୍ଲିକେସନ୍ ପ୍ରକ୍ରିୟା ପୁରା କରାଯିବ ଓ ବିଡିଂ ଲଗାଣକାରୀଙ୍କ ମାଧ୍ୟମରେ ଡିପୋଜିଟ୍ ଜମା କରାଯିବ। ଏହାପରେ ୧୦ ତାରିଖରେ ଇ-ନିଲାମୀ, ଟେଡରିଙ୍ଗ୍, ସାର୍ବଜନିକ ବିଡିଂ, ଏହିଭଳି ୩ଟି ପ୍ରୋସେସ ଜରିଆରେ ନିଲାମୀ ପ୍ରକ୍ରିୟା ହେବ। 

(SAFEMA) ଅନୁସାରେ, ଦାଉଦ୍ ସହ ତାର ସହଯୋଗୀ ଡ୍ରଗ୍ସ ମାଫିଆ ଇକବାଲ ମିର୍ଚ୍ଚିର ମୁମ୍ବାଇ ସ୍ଥିତ ଦୁଇଟି ସମ୍ପତ୍ତି ନିଲାମ କରାଯିବ। ଏହି ଦୁଇଟି ସମ୍ପତ୍ତି ସାନ୍ତାକୄଜର ଏକ କୋଠାରେ ୨ଟି ଫ୍ଲାଟ ରହିଛି ଯାହାର ମୂଲ୍ୟ ଲକ୍ଷ ଲକ୍ଷ ଟଙ୍କା। ୧୨୪୫ ବର୍ଗ ଫୁଟ୍ ବିଶିଷ୍ଟ ଦୁଇଟି ଫ୍ଲାଟର ମୂଲ୍ୟ ପାଖାପାଖି ୩ କୋଟି ୪୫ ଲକ୍ଷ ଟଙ୍କା।

ସୂଚନା ଅନୁଯାୟୀ, ଦାଉଦ୍ ଓ ଇକବାଲ୍ ମିର୍ଚ୍ଚିର ସମ୍ପତ୍ତି ନିଲାମୀ ଭିଡିଓ କନଫରେନସିଂ ଜରିଆରେ ହେବ। ଗତ ବର୍ଷ ଏପ୍ରିଲ ମାସରେ ସଫେମା ଦାଉଦର ଭଉଣୀ ହସିନା ପାରକର ନାଁରେ ୬୦୦ ବର୍ଗ ଫୁଟ ଫ୍ଲାଟର ନିଲାମୀ କରିଥିଲେ ଓ ୧ କୋଟି ୮୦ ଲକ୍ଷ ଟଙ୍କାରେ ବିକ୍ରି କରିଥିଲେ।

୯୦ ଦଶକରେ ଚୋରା ଚାଲାଣ, ଚୋରୀ, ଆତଙ୍କବାଦୀ କାର୍ଯ୍ୟକଳାପ, ନକଲି ଟଙ୍କା ଛାପିବା, ଡ୍ରଗ୍ସ, ବେଆଇନ ଅସ୍ତ୍ରଶସ୍ତ୍ର ଚୋରା ଚାଲାଣ, ରିଏଲ୍ ଇଷ୍ଟେଟ୍, ଗୁଟଖା, ହୋଟେଲ ବ୍ୟବସାୟ ଓ ଅନ୍ୟାନ୍ୟ କଳା ଧନ୍ଦା ଜରିଆରେ ପାକିସ୍ତାନ, ଦୁବାଇ, ତୁର୍କୀ ଓ ଦୁନିଆର ଅନ୍ୟ ଦେଶମାନଙ୍କରେ କୋଟି କୋଟି ଟଙ୍କାର ସମ୍ପତ୍ତି କରିଛି। କିନ୍ତୁ ନିଜ ପୈତୃକ ଗାଁରେ ଥିବା ଜମି, ଘର ଆଦି ବର୍ତ୍ତମାନ ନିଲାମ ହେବାକୁ ଯାଉଛି।

   Related Posts