Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||
  • ବଡବିଲ : ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ, ଆତଙ୍କ ଖେଳାଇଛନ୍ତି ୧୧ଟିକିଆ ହାତୀ ପଲ
  • ||
  • ଓ୍ବାଶିଂଟନ୍ : ‘ପିଜ୍ଜା ହଟ୍’ର ଶୁଭାରମ୍ଭ କରିଥିବା ଫ୍ରାଙ୍କ୍ କାର୍ନିଙ୍କ ପରଲୋକ
  • ||
  • ବଲାଙ୍ଗୀର : ଭିଜିଲାନ୍ସ ପଞ୍ଝାରେ ରେଞ୍ଜର, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ଭୁବନେଶ୍ବର : ଅଫଲାଇନ୍‌ରେ ହେବ ମାଟ୍ରିକ୍ ଏବଂ ଯୁକ୍ତ ୨ ପରୀକ୍ଷା : ଗଣଶିକ୍ଷା ମନ୍ତ୍ରୀ
  • ||

କ୍ବାଲିଫାୟର ମ୍ୟାଚ ହାରିବା ପରେ ମୁହଁ ଖୋଲିଲେ ଓ୍ବାର୍ଣ୍ଣର ; କ୍ୟାଚ ଛାଡିବା ଏବଂ ଖରାପ ଫିଲଡିଂ ଯୋଗୁଁ ମ୍ୟାଚ ହାରିଲୁ-ଡେଭିଡ ଓ୍ବାର୍ଣ୍ଣର

9/11/2020 at 11:20 AM

ଆବୁ ଧାବି ୦୯/୧୧ : ଚଳିତ ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ଦ୍ବିତୀୟ କ୍ବ୍ୟାଲିଫାୟର ମ୍ୟାଚରେ ସନରାଇଜର୍ସ ହାଇଦରାବାଦକୁ ୧୭ ରନରେ ହରାଇ ଫାଇନାଲରେ ପ୍ରବେଶ କରିଛି । ମ୍ୟାଚ ହାରିବା ପରେ ମୁହଁ ଖୋଲିଛନ୍ତି  ସନରାଇଜର୍ସ ଅଧିନାୟକ ଡେଭିଡ ଓ୍ବାର୍ଣ୍ଣର । ସେ କହିଛନ୍ତି ଯେ ଫିଲଡିଂ ମିସ ଏବଂ କ୍ୟାଚ ମିସ୍ ମ୍ୟାଚ ହାରିବାର ପ୍ରମୁଖ କାରଣ । କେବଳ ଗତକାଲିର କ୍ବ୍ୟାଲିଫାୟର ମ୍ୟାଚ ନୁହେଁ ଚଳିତ ଆଇପିଏଲର ଅନେକ ଗୁଡିଏ ମ୍ୟାଚରେ ଖରାପ ପ୍ରଦର୍ଶନ କରିଛି ଟିମ, ଏହାହିଁ ମ୍ୟାଚ ହାରିବାର ମୂଳ କାରଣ ବୋଲି ଓ୍ବାର୍ଣ୍ଣର କହିଛନ୍ତି ।

ଓ୍ବାର୍ଣ୍ଣରଙ୍କ କହିଛନ୍ତି ଯଦି ଗୋଟିଏ ମ୍ୟାଚରେ ଏକାଧିକ କ୍ୟାଚ ଛଡାଯାଏ, ସୁଯୋଗ ହାତଛଡା କରାଯାଏ ତେବେ ଜିତିବା ଅସମ୍ଭବ । ଉଭୟ ବ୍ୟାଟିଂ ଏବଂ ବୋଲିଂରେ ଟିମ ଖରାପ ଆରମ୍ଭ କରିଥିଲା କିନ୍ତୁ ପରେ ମଧ୍ୟକ୍ରମ ଖେଳାଳି ଏହାକୁ ସୁଧାରିଥିଲେ ମଧ୍ୟ ଫିଲଡିଂ ଏବଂ କ୍ୟାଚ ମିସ ଯୋଗୁଁ  ମ୍ୟାଚ ହାତଛଡା ହେଲା । ଦିଲ୍ଲୀର ଦୁଇ ବ୍ୟାଟ୍ସମ୍ୟାନ ମାର୍କର ଷ୍ଟୋଇନିସ, ସିମରନ ହେଟମାୟର ଏବଂ ଶିଖର ଧାଓ୍ବନ ଚମତ୍କାର ଇନିଂସ ଖେଳିଥିଲେ । କିନ୍ତୁ ଧାଓ୍ବନ ଏବଂ ଷ୍ଟୋଇନିସଙ୍କ କ୍ୟାଚ ହାତଛଡା ମ୍ୟାଚ ହାରିବାର ପ୍ରମୁଖ କାରଣ ବୋଲି ଓ୍ବାର୍ଣ୍ଣର କହିଛନ୍ତି । ସେପଟେ ଖରାପ ଫିଲଡିଂର ଫାଇଦା ଉଠାଇ ମାତ୍ର ୩ ଓ୍ବିକେଟ ହରାଇ ୧୮୯ ରନ ସଂଗ୍ରହ କରିନେଇଥିଲା ଦିଲ୍ଲୀ । ଜବାବରେ ୮ ଓ୍ବିକେଟ ହରାଇ ୧୭୨ ରନ କରିପାରିଥିଲା ସନରାଇଜର୍ସ ହାଇଦରାବାଦ ।

ତୃତୀୟ ଓଭରରେ ମାତ୍ର ୩ ରନ କରିଥିବା ବେଳେ ଷ୍ଟୋଇନିସଙ୍କ କ୍ୟାଚ ହାତଛଡା ଦଳ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା । ଏହି କ୍ୟାଚ ଛାଡିବା ପରେ ୨୭ ବଲ ରୁ ୩୮ ରନ ସଂଗ୍ରହ କରିଥିଲେ ଷ୍ଟୋଇନିସ । ଇନିଂସର ୧୪ ତମ ଓଭରରେ ଶ୍ରେୟସ ଆୟରଙ୍କ କ୍ୟାଚ ହାତଛଡା ହୋଇଥିଲା । ଅବଶ୍ୟ ପରବର୍ତ୍ତୀ ଓଭରରେ ସେ ଆଉଟ ହୋଇଥିଲେ । ଶ୍ରେୟସ ଆୟର ୭୮ ରନ କରି ଆଉଟ ହୋଇଥିଲେ ।

ଆଇପିଏଲରେ ସନରାଇଜର୍ସ ହାଇଦରାବାଦ ତାର ଅଭିଯାନ ଶେଷ କରିଥିଲେ ମଧ୍ୟ ପଏଣ୍ଟ ଟେବୁଲର ତୃତୀୟ ସ୍ଥାନରେ ରହିବା ଗର୍ବର ବିଷୟ ବୋଲି ଓ୍ବାର୍ଣ୍ଣର କହିଛନ୍ତି ।

   Related Posts