Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

କରୋନା ସଂକ୍ରମିତ ଶ୍ବଶୁରଙ୍କୁ କାନ୍ଧରେ ପକାଇ ଚାଲି ଚାଲି ହସ୍ପିଟାଲକୁ ଆଣିଲେ, ପୁଅର ଅନୁପସ୍ଥିତିରେ ଦାୟିତ୍ୱ ତୁଲାଇଲେ ବୋହୂ : ଛୁଟୁଛି ପ୍ରଶଂସାର ସୁଅ

4/06/2021 at 7:54 PM

ଗୌହାଟୀ ୦୪/ ୦୬ : ଭାରତୀୟ ପରମ୍ପରା ଅନୁଯାୟୀ ଘରକୁ ନୂଆ ବୋହୂ ଆସିଲେ ସେ କେବଳ ଗୋଟିଏ ମଣିଷକୁ ନୁହେଁ ବରଂ ସାରା ପରିବାରକୁ ସାଥିରେ ନେଇ ଚାଲିଥାଏ । ଏହାକୁ ପୁଣି ଥରେ ପ୍ରମାଣିତ କରି ଦେଖାଇଛନ୍ତି ଜଣେ କର୍ତ୍ତବ୍ୟରତ ବୋହୂ । କରୋନାରେ ଆକ୍ରାନ୍ତ ଶ୍ବଶୁରଙ୍କୁ ପିଠିରେ ପକାଇ ଚାଲିଚାଲି ଯିବା ଭିଡିଓ ଏବେ ସୋସିଆଲ ମିଡିଆେର ଖୁବ ଭାଇରାଲ ହେବାରେ ଲାଗିଛି ।ଆସାମର ଭାଟିଗାଓଁ ଅଞ୍ଚଳରେ ଦେଖିବାକୁ ମିଳିଛି ଏଭଳି ବିରଳ ଦୃଶ୍ୟ ।

ସୂଚନା ଅନୁଯାୟୀ, ୭୫ ବର୍ଷୀୟ ଥୁଲେଶ୍ବର ଦାସ କରୋନା ଆକ୍ରାନ୍ତ ଚିହ୍ନଟ ହୋଇଥିଲା । ତାଙ୍କ ପୁଅ ସୁରଜ ବାହାରେ ରହୁଥିବାରୁ ସେ ଅସହାୟ ମନେକରୁଥିଲେ । କିନ୍ତୁ ଘରେ ଥିବା ବୋହୂ ସାହସ ଜୁଟାଇ ଶ୍ବଶୁରଙ୍କୁ କାନ୍ଧରେ ବସାଇ ହସ୍ପିଟାଲ ଯାଏଁ ଆଣିଥିଲେ । କାରଣ ଯିବାଆସିବା ପାଇଁ ତାଙ୍କ ନିକଟରେ କୌଣସି ସୁବିଧାସୁଯୋଗ ନଥିଲା । ଘରେ କେହି ନଥିବାରୁ ଶ୍ବଶୁର ଥୁଲେଶ୍ବରଙ୍କ ଦେଖା ସାକ୍ଷାତ ବୋହୂ ନିହାରିକା ହିଁ କରୁଥିଲେ । ଶ୍ବଶୁର କରୋନା ଆକ୍ରାନ୍ତ ଚିହ୍ନଟ ହେବାପରେ ଡେରି ନକରି ନିହାରିକା ପିଠିରେ ବସାଇ ହସ୍ପିଟାଲ ଆଣିଥିଲେ ଏବଂ ଚିକିତ୍ସା କରାଇଥିଲେ ।

ଥୁଲେଶ୍ବରଙ୍କ ସ୍ବାସ୍ଥ୍ୟବସ୍ଥା ଅଧିକ ଖରାପ ଥିବାରୁ ଜିଲ୍ଲା କୋଭିଡ କେୟାର ସ୍ଥାନାନ୍ତର କରିବା ପାଇଁ ପରାମର୍ଶ ଦେଇଥିଲେ ଡାକ୍ତର । କିନ୍ତୁ ନିହାରିକା ହସ୍ପିଟାଲ ନେବାକୁ ରାଜି ହୋଇନଥିଲେ । ଶ୍ବଶୁରଙ୍କ ଚିକିତ୍ସା ଘରେ ରହି କରିବାକୁ ଡାକ୍ତରଙ୍କୁ କହିଥିଲେ । ପରେ ଡାକ୍ତର ସେମାନଙ୍କୁ ଗାଁରେ ଥିବା କୋଭିଡ କେୟାରରେ ଆଡମିଟ କରିଥିଲେ । କିନ୍ତୁ ଦୁଃଖର କଥା ହେଉଛି ଶ୍ବଶୁରଙ୍କ ସେବା କରୁ କରୁ ବୋହୂ ନିହାରିକା ମଧ୍ୟ କରୋନା ସଂକ୍ରମିତ ହୋଇଛନ୍ତି । ତେବେ ବର୍ତ୍ତମାନ ଉଭୟ ଶ୍ବଶୁର ଏବଂ ବେହୂଙ୍କ ସ୍ବାସ୍ଥ୍ୟବସ୍ଥା ଭଲ ଥିବା ହସ୍ପିଟାଲ ପକ୍ଷରୁ ସୂଚନା ମିଳିଛି ।

   Related Posts