ଭଞ୍ଜନଗର ୧୩।୬: ବାପା-ପୁଅ କଳିରେ ବଳି ପଡିଲେ ବୋହୂ । ଗୁଳି ବାଜ୍ବାରୁ ବୋହୂଙ୍କର ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଭଞ୍ଜନଗର ବଡଗଡ ଥାନା ଅନ୍ତର୍ଗତ ମେରିକୋଟ ପଞ୍ଚାୟତର ବାରଭଣିଆ ଗ୍ରାମରେ ।
ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ବଡଗଡ ଥାନା ଅନ୍ତର୍ଗତ ମେରିକୋଟ ପଞ୍ଚାୟତର ବାରଭଣିଆ ଗ୍ରାମରେ ପ୍ରଫୁଲ ମଲିକ ଏବଂ ତାଙ୍କ ପୁଅ ମିଟୁ ମଲିକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଉଭୟଙ୍କ ମଧ୍ୟରେ ଗଣ୍ଡଗୋଳ ହେଉଥିବା ବେଳେ କଳି ଛଡାଇବାକୁ ଉଦ୍ୟମ କରିଥିଲେ ମିଟୁଙ୍କ ସ୍ତ୍ରୀ । ସେହି ସମୟରେ ଦେଶୀ ବନ୍ଧୁକକୁ ଗୁଳି ବାଜି ତାଙ୍କର ମୃତ୍ୟୁ ହୋଇଛି । ପୋଲିସ ଘଟଣାସ୍ଥଳକୁ ଯାଇ ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।