ସୋର ୧୦।୧୧ - ସାତଦିନ ଧରି ବୋହୂ ନଖୋଜ। ହତ୍ୟା ଅଭିଯୋଗ ଆଣିଲେ ପରିବାର ଲୋକ । ସୋର ଅନନ୍ତପୁର ଫାଣ୍ଡି ଅନ୍ତର୍ଗତ ଅଠିଳାବାଜ ଗ୍ରାମର ସୁଶିନ ଜେନା ସ୍ତ୍ରୀ ଝୁନା ନିଖୋଜ ହୋଇଯାଇଥିବା ଅଭିଯୋଗ ହୋଇଛି । ସୋର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଗତ ଚାରି ବର୍ଷ ତଳେ ଅନନ୍ତପୁର ଫାଣ୍ଡି ଅନ୍ତର୍ଗତ ବାଲିକ ତିରଣ ଗ୍ରାମର ଗୟାଧର ମଲ୍ଲିକଙ୍କ ଝିଅ ଝୁନାକୁ ଅଠିଳାବାଜ ଗ୍ରାମର ସୁଶିନ ଜେନା ବୈଦିକ ରିତିନୀତିରେ ବିବାହ କରିଥିଲେ । ଗଡ କିଛି ଦିନ ଧରି ଝୁନାକୁ ବାପଘରୁ ଯୌତୁକ ବାବଦରେ ଅଧିକ ଟଙ୍କା ଆଣିବାକୁ କହି ନିର୍ଯାତନା ଦେଉଥିଲେ । ଗତ ସପ୍ତାହର ଶ୍ବଶୁର ଘର ନିଖୋଜ ଥିବାର ସୋର ଥାନାରେ ଅଭିଯୋଗ କରିବା ପରେ ପୁଲିସ ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ ସହାୟତା ତଦନ୍ତ କରିଥିଲେ।
ତଦନ୍ତ ବେଳେ ଘରୁ ରକ୍ତ ଛିଟା ଦାଗ ମିଳିଛି। ସୁଶିନ ଓ ତାର ଭିଣୋଇ ଗତ କିଛି ଦିନ ଧରି ଫେରାର ଥିବାରୁ ସନ୍ଦେହ ଅଧିକ ଘନୀଭୂତ ହୋଇଛି ।
