Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ପ୍ରେମରେ ଅନ୍ଧ ଝିଅ, ପରିବାର ଲୋକଙ୍କୁ ନିଶା ଦେଇ ପ୍ରେମିକ ସହ ହୋଇଗଲା ଫେରାର୍

5/10/2020 at 6:30 PM

ରାମପୁର, ୦୫ ।୧୦:   ଅନେକ ସମୟରେ ପୁଅ କିମ୍ବା ଝିଅ ଘରୁ ପ୍ରେମିକ କିମ୍ବା ପ୍ରେମିକା ସହ ଫେରାର ହୋଇଯିବା ଖବର ଆସିଥାଏ ।  ସୋମବାର ଏପରି ଏକ ଘଟଣା ସାମ୍ନାକୁ ଆସିଛି ଯାହା ଆପଣଙ୍କୁ ତାଜୁବ୍ କରିଦେବ । ପ୍ରେମରେ ଅନ୍ଧ ହୋଇଥିବା ଝିଅର ଏପରି ଏକ ସାଙ୍ଘାତିକ କାରନାମା ସାମ୍ନାକୁ ଆସିଛି ଯାହା ଚର୍ଚ୍ଚାର ବିଷୟ ବସ୍ତୁ ପାଲଟିଛି ।

ଉତ୍ତର ପ୍ରଦେଶ ରାମପୁର ଆଞ୍ଚୋରା ଗ୍ରାମରେ ଜଣେ ଝିଅ ପ୍ରେମିକ ପାଇଁ ନିଜ ବାପା ଓ ମାଆ ତଥା ପରିବାରର ଅନ୍ୟ ସଦସ୍ୟଙ୍କ ଶତ୍ରୁ ପାଲଟିଯାଇଛି । ପ୍ରେମିକ କଥାରେ ପଡି ନିଜ ଘରୁ ଫେରାର୍ ହେବା ସହ ନିଜ ବାପା ଓ ମାଆଙ୍କୁ ମଧ୍ୟ ମୃତ୍ୟୁ ମୁଖରେ ପକାଇଛି ଝିଅ । ନିଜ ପରିବାର ଲୋକଙ୍କୁ ନିଶା ଖୁଆଇ ପ୍ରେମିକ ସହ ଫେରାର୍ ହୋଇଯାଇଥିବା ସୂଚନା ମିଳିଛି ।

ପରିବାର ଲୋକଙ୍କ କହିବାନୁଯାୟୀ, ପୂର୍ବରୁ ସବୁକିଛି ଠିକ୍ ଚାଲିଥିଲା । କିନ୍ତୁ ଝିଅ ପଡୋଶୀ ଗ୍ରାମର ଜଣେ ଯୁବକଙ୍କ ପ୍ରେମ ଜାଲରେ ଫସିଯାଇଥିଲେ । ଝିଅକୁ ବାପା-ମାଆ ଭାଇ-ଉଭଣୀ କେହି ନଜର ଆସିନଥିଲେ । ଏପରିକି ଝିଅ ନିଜ ଘରଦ୍ୱାର ଛାଡି ପ୍ରେମିକ ସହ ଫେରାର୍ ହେବାକୁ ନିଷ୍ପତ୍ତି ନେବା ସହ ଯୋଜନା ମଧ୍ୟ ପ୍ରସ୍ତୁତ କରିଥିଲେ ।

ତେବେ ପରିବାର ଲୋକେ ଝିଅର ଏହି ସାଙ୍ଘାତିକ ଯୋଜନା ବାଟରେ କଣ୍ଟା ସାଜିଥିଲେ । ତେଣୁ ସେମାନଙ୍କୁ ରାସ୍ତାରୁ ହଟାଇବା ପାଇଁ ଝିଅ ପରିବାର ଲୋକଙ୍କୁ ନିଶାଦ୍ରବ୍ୟ ଖୁଆଇ ଦେଇଥିଲା ।

ଯେତେବେଳେ ପରିବାର ଲୋକଙ୍କର ହୋସ୍ ଆସିଥିଲା ସେତେବେଳକୁ ଝିଅ ପଳାଇ ସାରିଥିଲା । କିନ୍ତୁ ନିଶାଦ୍ରବ୍ୟ ପାଇଁ ପରିବାର ଲୋକଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଛି । ପରିବାର ଲୋକଙ୍କର ରାମପୁର ଜିଲ୍ଲା ହସ୍ପିଟାଲରେ ଚିକିତ୍ସା ଚାଲିଛି । ଝିଅର ବାପା ରାମପୁର ଥାନାରେ ଏନେଇ ଏତଲା ଦେଇଛନ୍ତି ।

ଏହି ଘଟଣାକୁ ନେଇ ରାମପୁର ଥାନାଧିକାରୀ  ଶ୍ରୀକାନ୍ତ ପ୍ରଜାପତି କହିଛନ୍ତି ଯେ, ଶନିବାର ରାତିରେ ଏହି ଘଟଣା ଘଟିଥିଲା । ତେବେ ସୋମବାର ଏହା ସାମ୍ନାକୁ ଆସିଛି । ଆଞ୍ଚୋରା ଗ୍ରାମରେ ଜଣେ ଯୁବତୀ ନିଜ ପରିବାର ଲୋକଙ୍କୁ ନିଶା ଦେଇ ପ୍ରେମିକ ସହ ଫେରାର୍ ହୋଇଯାଇଥିବା ସୂଚନା ମିଳିଛି । ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି । ଯୁବତୀ ଏବେ କେଉଁଠି ଅଛନ୍ତି ତାହା ଜଣାପଡି ନାହିଁ । ଅତିଶୀଘ୍ର ଉଭୟ ପ୍ରେମୀଯୁଗଳଙ୍ଗୁ ଠାବ କରାଯିବ ବୋଲି ସେ କହିଛନ୍ତି ।

   Related Posts