ଭୁବନେଶ୍ଵର ୩୧।୦୭: ମାଆର ଚରିତ୍ରକୁ ନେଇ ପୁଅ ଝିଅ ଆଣିଲେ ସଙ୍ଗୀନ ଅଭିଯୋଗ । ଅନୈତିକ ସଂପର୍କ ରଖୁଥିବା ମାଆ ବିରୁଦ୍ଧରେ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ କରିଛନ୍ତି ପୁଅ ଝିଅ । ଏଭଳି ଘଟଣା ରାଜଧାନୀରେ ଆଲୋଡନ ସୃଷ୍ଟି କରିଛି। ଏପଟେ ମାଆ ଏହାକୁ ମିଥ୍ୟା ବୋଲି କହିଛନ୍ତି ।
ମାଆ ନାଁରେ ପୁଅ ଓ ଝିଅ ଆଣିଲେ ସଙ୍ଗୀନ ଅଭିଯୋଗ । ଆଉ ଝିଅ ନାଁରେ ମା ଆଣିଲେ ପାଲଟା ଅଭିଯୋଗ। ଏଭଳି ଘଟଣାକୁ ନେଇ ଭୁବନେଶ୍ଵରରେ ଚର୍ଚ୍ଚା । ନିଳାଦ୍ରୀ ବିହାରର ଏହି ଚର୍ଚ୍ଚିତ ଘଟଣା ଏବେ ଥାନାରେ ପହଁଚିଛି । ମାଆର ଚରିତ୍ରକୁ ନେଇ ପୁଅ ଓ ଝିଅ ବିରୋଧ କରିବାରୁ ସେମାନଙ୍କୁ ଶାରୀରିକ ନିର୍ଯାତନା ଦିଆାଇଥିବା ଅଭିଯୋଗ କରିଛନ୍ତି । ଅନ୍ୟ ପୁରୁଷଙ୍କ ସହ ଅନୈତିକ ସଂପର୍କ ନେଇ ମାଆଙ୍କ ବିରୋଧରେ ଥାନାର ଦ୍ଵାରସ୍ଥ ହୋଇଛନ୍ତି ।
ଗୋଟିଏ ପଟେ ପୁଅ ଓ ଝିଅ ମା ବିରୋଧରେ ଅଭିଯୋଗ କରିଛନ୍ତି, ଅନ୍ୟପଟେ ଝିଅ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ତାଙ୍କ ମାଆ । ଝିଅ ସହିତ ପୁରୁଷମାନଙ୍କ ଅନୈତିକ ସଂପର୍କ ବାବଦରେ ଜାଣିବା ପରେ ମାଆ ବାରଣ କରି ମାରପିଟ କରିଥିବା କହିଛନ୍ତି । ଝିଅ ଓ ପୁଅ ତାଙ୍କ ବିରୋଧରେ ଆଣିଥିବା ଅଭିଯୋଗ ସମ୍ପୂର୍ଣ୍ଣ ମିଛ ବୋଲି ମାଆ କହିଛନ୍ତି । ତେବେ ଏଭଳି ଘଟଣାକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଚନ୍ଦ୍ରଶେଖରପୁର ପୋଲିସର ତଦନ୍ତ ପରେ ପ୍ରକୃତ ଘଟଣା ସ୍ପଷ୍ଟ ହେବେ ।