Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଦର୍ଶନରେ ଅବ୍ୟବସ୍ଥା, ଜଗାକୁ ଦେଖିବାକୁ ସିଂହଦ୍ବାର ସମ୍ମୁଖରେ ୨ ଘଣ୍ଟା କାଳ ବସିରହିଲେ ଶ୍ରଦ୍ଧାଳୁ

21/01/2021 at 12:07 PM

ପୁରୀ ୨୧।୦୧ :  ଦୀର୍ଘ ୧୦ ମାସ ପରେ ଶ୍ରୀମନ୍ଦିରରେ ଆଜିଠାରୁ ଆରମ୍ଭ ହୋଇଛି ସାଧାରଣ ଦର୍ଶନ। ଏ ନେଇ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ହୋଇଥିଲେ ମଧ୍ୟ ଅନେକ ଭକ୍ତଙ୍କ ପାଇଁ ଏହା ପାଲଟିଛି ପ୍ରହସନ। ଯାହାର ଜ୍ବଳନ୍ତା ଉଦାହରଣ ଦେଖିବାକୁ ମିଳିଛି ଆଜି ଶ୍ରୀମନ୍ଦିର ସିଂହଦ୍ବାର ସମ୍ମୁଖରେ। ଯାହା ଘଟିଛି ପୁରୀ ନବକଳେବର ରୋଡ ନୂଆ ସାହି ଅଞ୍ଚଳର ପବିତ୍ର ମୋହନ ସାହୁଙ୍କ ପକ୍ଷରେ ।

ଗତକିଛି ଦିନ ପୂର୍ବରୁ ୱାର୍ଡୱାରୀ ଜଗା ଦର୍ଶନ ସମୟରେ ଏକ ଦୁର୍ଘଟଣାରେ ତାଙ୍କ ଗୋଡରେ ଆଘାତ ଲାଗିଥିଲା। ଯାହା ଫଳରେ ସେ ଜଗା ଦର୍ଶନରୁ ବଞ୍ଚିତ ଥିଲେ। ଏପଟେ ଆଜି ସାଧାରଣ ଦର୍ଶନ ହେବା ନେଇ ଗତକାଲି ରାତିରୁ ତାଙ୍କ ଆଖିକୁ ନିଦ ନଥିଲା। ଚାତକ ଆଖିରେ ଚାହିଁ ବସିଥିଲେ ସକାଳ ହେବା ମାତ୍ରେ ଶ୍ରୀମନ୍ଦିର ଯାଇ ଜଗାକୁ ଦର୍ଶନ କରିବେ। ଆଉ ଭଙ୍ଗା ଗୋଡରେ ପୁଅକୁ ସାଙ୍ଗରେ ଧରି ଆସିଥିଲେ ଶ୍ରୀମନ୍ଦିର। ପବିତ୍ରଙ୍କ ଗୋଡର ଏଭଳି ଅବସ୍ଥା ଦେଖି ସିଂହଦ୍ବାର ସମ୍ମୁଖରେ ଥିବା ପୋଲିସ କର୍ମଚାରୀ ମାନେ ତାଙ୍କୁ ଦର୍ଶନ ପାଇଁ ଭିତରକୁ ଛାଡିଥିଲେ ମଧ୍ୟ ତାଙ୍କ ପୁଅକୁ ବ୍ୟାରିକେଡ ଭିତର ଦେଇ ଆସିବା ପାଇଁ କହିଥିଲେ।

ପ୍ରାୟ ୨ ଘଣ୍ଟା କାଳ ସିଂହଦ୍ବାର ସମ୍ମୁଖରେ ପୁଅକୁ ଅପେକ୍ଷା କରି ବସିବା ପରେ ଯାଇ ପବିତ୍ର ମହାପ୍ରଭୁଙ୍କ ଦର୍ଶନ କରିଥିଲେ। ତେବେ ଭକ୍ତଙ୍କ ସୁରକ୍ଷା ଓ ଶୃଙ୍ଖଳିତ ଦର୍ଶନ ବ୍ୟବସ୍ଥା ନେଇ ପବିତ୍ର ଅସନ୍ତୁଷ୍ଟ ଥିଲେ। ସିନିଅର ସିଟିଜିନ୍ ଏବଂ ଦିବ୍ୟାଙ୍ଗଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଥିବା ଗତକାଲି ଗଣମାଧ୍ୟମ ଆଗରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରତିକ୍ରୀୟା ରଖିଥିବା ବେଳେ ଏହା ପ୍ରଶାସନର ଧୂଆଁ ବାଣ ବୋଲି ନିଜ ପ୍ରତିକ୍ରିୟାରେ କହିଛନ୍ତି  ପବିତ୍ର।

   Related Posts