ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସନ୍ଧ୍ୟାରେ ମୁମ୍ବାଇ ବନାମ ଦିଲ୍ଲୀ : ‘କର ବା ମର’ ସ୍ଥିତିରେ କ୍ୟାପିଟାଲ୍ସ
  • ||
  • ଆଜିଠୁ କଳିଙ୍ଗ ଷ୍ଟାଡିୟମରେ ଏଏଫଆଇ ଇଣ୍ଡିଆନ ଗ୍ରାଁପ୍ରି-୩ : ଅମିୟ କୁମାର ମଲ୍ଲିକ ଏବଂ ଶ୍ରାବଣୀ ନନ୍ଦଙ୍କ ଉପରେ ନଜର
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୮ କୋଭିଡ୍ ପଜିଟିଭ୍
  • ||
  • ଆକାଶରୁ ଖସିଲା ମୃତ୍ୟୁ, ବଜ୍ରପାତରେ ଚାଲିଗଲା ୩୩ ଜୀବନ
  • ||
  • ତାତି ଆହୁରି ବଢିବ, ୩ ଦିନ ଯାଏଁ ତତଲା କଡେଇରେ ଭାଜିହେବେ ରାଜ୍ୟବାସୀ
  • ||
  • ୪୫ ଲକ୍ଷ ଟଙ୍କାର ଗଞ୍ଜେଇ ଜବତ, ଚାଲାଣ ପାଇଁ ଜଙ୍ଗଲରେ ଲୁଚାଇଥିଲେ ମାଫିଆ
  • ||

ତୁଣ୍ଡ ପଡ଼ିଲା ମହଙ୍ଗା : ବିଦା ହେଲେ ଦାମ

12/09/2018 at 9:21 PM

ଭୁବନେଶ୍ୱର ୧୨/୦୯ : ପୁର୍ବତନ ମନ୍ତ୍ରୀ ପାରାଦୀପ ବିଧାୟକ ଦାମଦର ରାଉତଙ୍କୁ ବିଜୁ ଜନତା ଦଳରୁ ବହିଷ୍କାର କରାଯାଇଛି । ବିଜୁ ଜନତା ଦଳ ରାଜ୍ୟ ସଭାପତି ନବୀନ ପଟ୍ଟନାୟକଙ୍କର ନିର୍ଦ୍ଦେଶ କ୍ରମେ ଦଳରୁ ବହିଷ୍କାର କରାଯାଇଛି ବୋଲି ଦଳର ସମ୍ପାଦକ ବିଜୟ କୁମାର ନାୟକ ଏକ ପ୍ରେସ୍ ବିଜ୍ଞପ୍ତିରେ ଜଣାଇଛନ୍ତି ।
ସୂଚନାଯୋଗ୍ୟ ଯେ ଡାକ୍ତର ଦାମୋଦର ରାଉତ ଗତ କିଛି ଦିନ ଧରି ଦୁର୍ନୀତି ପ୍ରସଙ୍ଗ ଉଠାଇ ଦଳକୁ ଅଡୁଆରେ ପକାଉଥିଲେ । ଏପରି କି ଗତ ୯ ତାରିଖ ଦିନ ଏରସମାରେ ଆୟୋଜିତ ଏକ ସଭାରେ ବିରୋଧୀଙ୍କ ସହ ଯୋଗ ଦେଇଥିଲେ । ସେ ଦଳ ବିରୋଧୀ କାର୍ଯ୍ୟ କରୁଛନ୍ତି ବୋଲି ଜଗତସିଂହପୁର ବିଜେଡି ସଭାପତି ବିଷ୍ଣୁ ଦାସ ଏବଂ ଏରସମା. ବାଲିକୁଦା ବିଧାୟକ ୧୦ ତାରିଖ ଦିନ ନବୀନ ପଟ୍ଟନାୟକଙ୍କ ନିକଟରେ ଫେରାଦ ହୋଇଥିଲେ । ୧୧ ତାରିଖ ଦିନ ସକାଳେ ଜଗତସିଂହପୁର ଜିଲ୍ଲାର କିଛି ବିଜେଡି କର୍ମୀ ମଧ୍ୟ ନବୀନ ନିବାସଠାରେ ଦଳର ମୁଖ୍ୟ ନବୀନ ପଟ୍ଟନାୟକଙ୍କୁ ଭେଟି ଦାମ ବାବୁଙ୍କୁ ଦଳରୁ ବହିଷ୍କାର କରିବା ପାଇଁ ଦାବି କରିଥିଲେ । ନବୀନ ପଟ୍ଟନାୟକ କହିଥିଲେ ଯେ, ଏହି ଦାବି ଓ ଅଭିଯୋଗ ସମ୍ପର୍କରେ ସେ ବିଚାର କରୁଛନ୍ତି ।

ଆଶା କରାଯାଉଥିଲା ମେକ୍ ଇନ୍ ଓଡ଼ିଶା କାର୍ଯ୍ୟକ୍ରମରେ ଯୋଗ ଦେବାପାଇଁ ଦିଲ୍ଲୀ ଯାଇଥିବା ନବୀନ ପଟ୍ଟନାୟକ ଓଡ଼ିଶା ଫେରିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ତେବେ ନବୀନ ଦିଲ୍ଲୀରେ ଥିବାବେଳେ ହିଁ ଆଜି ତାଙ୍କ ବହିଷ୍କାର ପାଇଁ ନିର୍ଦ୍ଦେଶ ଦେଇଛନ୍ତି । ଦାମଙ୍କୁ ବହିଷ୍କାର ବେଳେ ତାଙ୍କୁ କାରଣ ଦର୍ଶାଅ ମଗା ଯାଇଛିକି ନାହିଁ ବା ତାଙ୍କ ଦଳ ବିରୋଧୀ କାର୍ଯ୍ୟ ସମ୍ପର୍କରେ ଅନୁଧ୍ୟାନ କରାଯାଇଛିକି ନାହିଁ ତାହା ଜଣାପଡ଼ିନାହିଁ ।
ବହିଷ୍କାର ସମ୍ପର୍କରେ ଡାକ୍ତର ରାଉତଙ୍କର ପ୍ରତିକ୍ରିୟା ମଧ୍ୟ ମିଳିନାହିଁ । ତେବେ ତାଙ୍କୁ ଦଳରୁ ବହିଷ୍କାର କରାଯିବ ବୋଲି ଦାମ ଜାଣି ସାରିଥିଲେ । ସେଥିପାଇଁ ସେ ଆଗୁଆ କହିଥିଲେ ଯେ ଦଳରୁ ବହିଷ୍କାର କଲେ ତାଙ୍କର କିଛି କ୍ଷତି ହେବନାହିଁ । ଏଥି ସହ ସେ କହିଥିଲେ ଯେ ଦଳ ତିନି ଜଣ ବିଧାୟକ ଓ ଜଣେ ଅଫିସରଙ୍କ ଦ୍ୱାରା ପରିଚାଳିତ । ସେ ଦଳରେ ସେ ନାହାଁନ୍ତି । ତବେ ଆଜି ଦାମଙ୍କ ସ୍ୱର ନରମ ଥିଲା । ନବୀନଙ୍କ ବିରୋଧରେ ସେ କିଛି କହିନାହାନ୍ତି ବୋଲି ସଫେଇ ଦେଇଥିଲେ । ଗତ କିଛିଦିନ ଭିତରେ ଦାମ ଚାରା ଦୁର୍ନୀତି, ସମବାୟ ଦୁର୍ନୀତି, ଓମଫେଡ ଦୁର୍ନୀତି, ସ୍ୱାସ୍ଥ୍ୟ ବିଭାଗ ଦୁର୍ନୀତି ଭଳି ବିଭିନ୍ନ ପ୍ରସଙ୍ଗ ଉଠାଇଥିଲେ ।

   Related Posts