Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ପାଟକୁରାରେ ବିଜେଡି ବିଜୟର ଶ୍ରେୟ ନିରଞ୍ଜନ ପଟ୍ଟନାୟକଙ୍କୁ ଯିବ ବୋଲି କହିଲେ ଦାମ ରାଉତ, ବିଜୟଙ୍କ ପରାଜୟ ସମ୍ପର୍କରେ କହିଲେ ଏମିତି କଥା…

25/07/2019 at 4:40 PM

ଭୁବନେଶ୍ବର ୨୫|୭: ପାଟକୁରା ବିଧାନସଭା ନିର୍ବାଚନରେ ବିଜୟ ମହାପାତ୍ରଙ୍କ ପରାଜୟକୁ କିଛି ବରିଷ୍ଠ ନେତା ହଜମ କରିପାରୁନାହାନ୍ତି । ବିଜେଡିର ଚକ୍ରାନ୍ତ ଯୋଗୁଁ ପାରକୁରାରେ ପରାଜୟ ହେଲା ବୋଲି ଖୋଦ ବିଜୟ ମହାପାତ୍ର କହୁଛନ୍ତି । ଅପରପକ୍ଷରେ ବିଜେଡିରୁ ବହିଷ୍କୃତ ହେବାପରେ ବିଜେପିରେ ଯୋଗ ଦେଇଥିବା ପରିଷ୍ଠ ନେତା ଦାମୋଦର ରାଉତ କିନ୍ତୁ ଏହି ପରାଜୟକୁ ନେଇ ଭିନ୍ନ ମତ ପୋଷଣ କରିଛନ୍ତି । ସେ କହିଛନ୍ତି ଯେ, ପ୍ରକୃତରେ ବିଜୟ ମହାପାତ୍ର ପାଟକୁରରା ହାରି ନାହାନ୍ତି । ତାଙ୍କର ହିଁ ବିଜୟ ହୋଇଛି ।

ଯାହା ପରାଜୟ ବୋଲି କୁହାଯାଉଛି ସେଥିପାଇଁ ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ ଦାୟୀ ବୋଲି ଦାମ କହିଛନ୍ତି । ନିରଞ୍ଜନ କଂଗ୍ରେସ ଭୋଟ ସବୁ ବିଜେଡିକୁ ବିକ୍ରି କରିଦେବାରୁ ଏଭଳି ପରିସ୍ଥିତି ଉପୁଜିଲା ବୋଲି ଦାମ ସିଧାସଳଖ ଅଭିଯୋଗ କରିଛନ୍ତି । ସୂଚନାଯୋଗ୍ୟ ଯେ, ବିଜେଡିରୁ ବହିଷ୍କୃତ ହେବା ପରେ ଦାମ ବିଜେପିରେ ଯୋଗ ଦେଇଥିଲେ । ଗତ ସାଧାରଣ ନିର୍ବାଚନରେ ସେ ଏରସମାରୁ ପ୍ରାର୍ଥୀ ହୋଇ ପରାଜିତ ହୋଇଥିଲେ । ବିଜେଡିରୁ ଆସି ବିଜେପିରେ ଯୋଗ ଦେବାପରେ ସେ ଓ ବିଜୟ ମହାପାତ୍ରଙ୍କ ଭଳି ନେତାମାନେ ପରାଜୟ ଭୋଗୁଛନ୍ତି ବୋଲି ହେଉଥିବା ଚର୍ଚ୍ଚାକୁ ନେଇ ମଧ୍ୟ ଦାମ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ‘ଆମେ ଯାହାର ହାତ ଧରିଛୁ ସେମାନେ ଉପର ମହଲରେ ସଲାସୁତରା ହୋଇଯାଉଛନ୍ତି ଓ ପରସ୍ପର ସହ ମିଶି ଯାଇଛନ୍ତି । ତେଣୁ ବିଜୁ ଅନୁଗତମାନେ ଜିତି ପାରୁନାହାନ୍ତି ।ତେବେ ବର୍ତ୍ତମାନ ଦାମୋଦର ରାଉତ ଏବଂ ବିଜୟ ମହାପାତ୍ରଙ୍କ ଭଳି ନେତାମାନେ କଣ କରିବେ ବୋଲି ପ୍ରଶ୍ନର ଉତ୍ତର ଦେଇ ଦାମ କହିଛନ୍ତି “ ଆମେ ବାବାଜୀ ହୋଇଯିବୁ’’…

ଦାମ କହିଛନ୍ତି ଯେ, ସାନ ବିଜୁ(ବିଜୟ ମହାପାତ୍ର) ୨୪ରୁ ୨୫ ହଜାର ଭୋଟ୍ ରେ ଜିତିଛନ୍ତି । ସେ ୭୮ହଜାର ଭୋଟ୍ ପାଇଛନ୍ତି । ବିଜୁ ଜନତା ଜଦଳ ପ୍ରାର୍ଥିନୀ ୯୬ ହଜାର ଭୋଟ୍ ପାଇଛନ୍ତି । ୨୦୧୪ ମସିହାରେ କଂଗ୍ରେସ ପାଇଥିଲା ୪୪ ହଜାର ଭୋଟ୍ । ଏବେ କଂଗ୍ରେସ ପାଇଛି ୨ହଜାର ଭୋଟ୍ । କଂଗ୍ରେସ ର ୪୦ହଜାର ଭୋଟ୍ ଯଦି ବିକ୍ରି ହୋଇନଥାନ୍ତା ତେବେ ବିଜୟ ମହାପାତ୍ର ପାଟକୁରାରୁ ୨୫ ହଜାର ଭୋଟରେ ଜିତିଥାନ୍ତେ ।

ବୁଝାମଣାର ପ୍ରତିଯୋଗିତା ଚାଲିଛି । କଂଗ୍ରେସର ଭୋଟ୍ ବିକ୍ରି ହୋଇଥିବା ଦାମ କହିଛନ୍ତି । ବିଜୟ ମହାପାତ୍ର ଯଦି ଏହି ନିର୍ବାଚନରେ ୪୦ରୁ ୪୫ ହଜାର ଭୋଟ୍ ପାଇଥାନ୍ତେ ତେବେ ସେ ହାରିଗଲେ ବୋଲି କୁହାଯାଇଥାନ୍ତା  । ତେବେ ପାଟକୁରା ନିର୍ବାଚନରେ ବିଜେଡିର ବିଜୟ ପାଇଁ ଶ୍ରେୟର ହକଦାର ନବୀନ ବାବୁ ନୁହନ୍ତି ବରଂ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କର ବୋଲି ସେ କହିଛନ୍ତି ।

ସେ କହିଛନ୍ତି ଯେ, ବିଜୟ ହିଁ ପାଟକୁରା ପାଇଁ ଏକମାତ୍ର ଯୋଗ୍ୟ ପ୍ରର୍ଥୀ ଥିଲେ । ଲୋକଙ୍କ ଭଲ ମନ୍ଦରେ ସେ ହିଁ ଠିଆ ହୋଇପାରିବେ । ତାଙ୍କୁ ବିଜୟୀ ନକରାଇ ପାଟକୁରାବାସୀ ବଡ ଭୂଲ କରିଛନ୍ତି ବୋଲି ସେ କହିଛନ୍ତି ।  ବେଦପ୍ରକାଶଙ୍କ ଦେହାନ୍ତ ପରେ ତାଙ୍କ ପୁତ୍ରଙ୍କୁ ପ୍ରାର୍ଥୀ ନକରି ବିଧବା ପତ୍ନୀଙ୍କୁ କାହିଁକି ପ୍ରାର୍ଥୀ କରାଗଲା ବୋଲି ଦାମ ପ୍ରଶ୍ନ ଉଠାଇଛନ୍ତି । ସେହିଭଳି ଫୋନି ବାତ୍ୟା ଆଳରେ ପାଟକୁରା ନିର୍ବାଚନକୁ ଦୁଇମାସ ଘୁଞ୍ଚାଇବା ଦ୍ବାରା ମଧ୍ୟ ବିଜୟ ମହାପାତ୍ରଙ୍କ ପାଇଁ ଅସୁବିଧା ସୃଷ୍ଟି କଲା ବୋଲି ଦାମ କହିଛନ୍ତି ।

   Related Posts