Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ଚର୍ଚ୍ଚାରେ ଦାମବାବୁ , ପୁଣି ମାରିଲେ ଦାମବାଣ

29/08/2019 at 10:19 PM

ଭୁବନେଶ୍ୱର – ନିଜ ଖୋଲା ତୁଣ୍ଡ ପାଇଁ ପୂର୍ବତନ ମନ୍ତ୍ରୀ ଦାମବାବୁ ବେଶ୍‌ ଚର୍ଚ୍ଚାରେ ରୁହନ୍ତି  । ଏଥିପାଇଁ ତାଙ୍କୁ ଅନେକ ମୂଲ୍ୟ ଦେବାକୁ ପଡିଛି । କେତେବେଳ ମନ୍ତ୍ରୀ ପଦ ଯାଇଛି ତ କେତେ ବେଳେ ଦଳରୁ ଯାଇଛନ୍ତ । ଦାମବାବୁ ନିଜେ କହୁଛନ୍ତି। ବିଜେଡ଼ି ଛାଡ଼ି ସେ ଦୁର୍ନୀତି ବିରୁଦ୍ଧରେ ଲଢ଼ିବାପାଇଁ ବିଜେପିକୁ ଆସିଥିଲେ। ବିଜେପି ପାଇଁ ଢ଼େର କାମ ବି କରିଥିଲେ। ଏବେ କିନ୍ତୁ ଦଳ ପାଇଁ ସେ ଅଲୋଡ଼ା ହୋଇଯାଇଛନ୍ତି। ଦଳ ତାଙ୍କୁ ଅନଫିଟ୍ ଭାବୁଛି, ଏବଂ କେହି ତାଙ୍କୁ ପଚାରୁ ନାହାନ୍ତି ବୋଲି ଦାମବାବୁ ଅଭିମାନ କରି କହିଛନ୍ତି। ଗୁରୁବାର ମିଡ଼ିଆ ଆଗରେ  ଦାମୋଦର ରାଉତ ଏହି କଥା ପ୍ରକାଶ କରିଛନ୍ତି ।

କିଛି ଦିନର ନୀରବତା ପୁଣି ଖୋଲିଛି ଦାମଙ୍କ ତୁଣ୍ଡ । ଦାମ ବାବୁ ପୁଣି ଚର୍ଚ୍ଚାରେ । କିନ୍ତୁ ତାଙ୍କର ସେଇ ପୁରୁଣା ସେନାପତିଆ ଷ୍ଟାଇଲ ଆଉ ନାହିଁ। ତେଣୁ ତରବାରୀ ସିନା ଚଳାଇଛନ୍ତି, କିନ୍ତୁ ଧାର ଥିବା ଭଳି ମନେହେଉନି।

ଏମିତିରେ ତ  ସବୁବେଳେ ଚର୍ଚ୍ଚାରେ ଥାଆନ୍ତି ଦାମ ବାବୁ।ଅବଶ୍ୟ ସେକଥା ଭିନ୍ନ ଯେ, ଦାମ ବାବୁ ଚର୍ଚ୍ଚାରେ ରହିବାକୁ ସବୁବେଳେ ଭଲ ପାଆନ୍ତି।କିଛି ପ୍ରସଂଗ ଆସିଗଲେ, ଦାମ ବାବୁଙ୍କ ଟିଆରପି ଖୁବ ବଢିଯାଏ। ଧୁମ୍ ଗପିପାରନ୍ତି। କେବେ ସିଧା ତ କେବେ, ବୁଲେଇ ବଙ୍କେଇ ବାଣ ମାରନ୍ତି। ଇଶାରା କରନ୍ତି।  ଦାମ ବାବୁ କେବେକେବେ ଏକଥା ବି ଦର୍ଶାଇବାକୁ ଚାହୁଁଥାଇପାରନ୍ତି ଯେ, ସେ କାହାକୁ ଡରନ୍ତି ନାହିଁ।ସେ ଯାହା ଚାହିଁବେ, ସେ କଥା ଖୋଲାଖୋଲି, ଯାହା ତାହା ଆଗରେ ବି କହିଦେଇପାରିବେ।କିନ୍ତୁ ଅସଲରେ ସେଇୟା  କି ! ଦାମ ବାବୁଙ୍କ ଏପ୍ରକାରର କୁହାଳିଆ ଅଭ୍ୟାସ ପାଇଁ ବିଜେଡି ଆଗରୁ  ଢ଼େର ଚିନ୍ତାରେ ଥିଲା। ଆଉ ଦିନେ  ହାତରୁ ମନ୍ତ୍ରୀପଦ ଗଲା । ଖାଲି ମନ୍ତ୍ରୀ ପଦ କାହିଁକି,  ଦଳର ଉପସଭାପତି ଆଉ ଦଳୀୟ ପର୍ଯ୍ୟବେକ୍ଷକ ପଦ ବି କାଢ଼ିନିଆଗଲା । ଶେଷରେ ନିର୍ବାସନ କାଟୁଥିବାବେଳେ,  ବିଜେପିକୁ ଆସିଥିଲେ ଦାମ ରାଉତ।

କିନ୍ତୁ ବିଜେପି ମଧ୍ୟ କାଳେ ତାଙ୍କୁ ଅନଫିଟ୍‌ ଭାବୁଛି। ସେମିତି କିଛି କହିବାକୁ ଚାହିଛନ୍ତି ଦାମବାବୁ। ତାଙ୍କ କହିବାକଥା, ବିଜେଡି ଛାଡିବା ପରେ ବିଜେପି ମୋତେ ଦୁର୍ନୀତି ବିରୋଧର ଲଢିବାକୁ ଡାକିଥିଲା । ଦଳରେ ମିଶି ନିର୍ବାଚନ ଲଢିଲି । ଦଳ ପାଇଁ ପ୍ରଚାର କଲି । କିନ୍ତୁ ଭୋଟ୍ ପରେ ଏବେ ଦଳରେ ମୋତେ କେହି ଯୋଗାଯୋଗ କରୁନାହାନ୍ତି ?  କି ପଚାରୁ ନାହାନ୍ତି । ଦଳର ଷ୍ଟାର ପ୍ରଚାରକ ଥିବା ଦାମବାବୁ  କିନ୍ତୁ ଏବେ ଦଳ ପାଇଁ ଏକ ପ୍ରକାର ଅଲୋଡା ହୋଇଯାଇଛନ୍ତି ବୋଲି ଖୋଦ୍ ଦାମ ଗଣମଧ୍ୟମରେ କହିଛନ୍ତି ।

ବୁଝିବାରେ ଅସୁବିଧା ନାହିଁ ଯେ ଏହା ଦାମବାବୁଙ୍କର ଅଭିମାନ। କିନ୍ତୁ ରାଜନୀତିରେ ବୋଧହୁଏ ଅଭିମାନର ଜାଗା ନାହିଁ। ତାହା ପୁଣି ଏ ବୟସରେ। ତେଣୁ କେହି ତାଙ୍କୁ ଅନଫିଟ୍ କହିବା କି ଭାବିବା ଆଗରୁ, ଦାମବାବୁ ହିଁ ନିଜକୁ ଅନଫିଟ୍ ଘୋଷଣା କରିଦେବା, ସବୁଠୁ ଭଲ ବାଟ।

   Related Posts