Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ମନ୍ଦିରରେ ପୂଜା କରିବାକୁ ନେଇ ବିବାଦ, ଦଳିତ ଯୁବକଙ୍କୁ ଗୁଳି କରି କଲେ ହତ୍ୟା

9/06/2020 at 9:14 AM

ଆମରୋହା ୯।୬: ଉତ୍ତରପ୍ରଦେଶର ଆମରୋହା ଜିଲ୍ଲାରେ ମନ୍ଦିର ପୂଜାକୁ ନେଇ ବିବାଦ ଯୋଗୁଁ ଜଣେ ଦଳିତ ଯୁବକଙ୍କୁ ହତ୍ୟା କରାଯାଇଛି । କିଛି ଲୋକ ଯୁବକଙ୍କୁ ମନ୍ଦିରରେ ପୂଜା କରିବାକୁ ବନ୍ଦ କରିଥିଲେ । ଏହାକୁ କେନ୍ଦ୍ରକରି ବିବାଦ ବଢିଯାଇଥିଲା । ଫଳରେ ଯୁବକଙ୍କୁ ଗୁଳି କରି ହତ୍ୟା କରାଯାଇଛି । ଏହି ଘଟଣା ଆମରୋହା ଜିଲ୍ଲାର ହାସନପୁର କୋତୱାଲୀ ଅଞ୍ଚଳର ଡୋମଖେଡା ଗ୍ରାମରେ ଘଟିଛି।

ସୂଚନାଯୋଗ୍ୟ ଯେ, ଗତ ୪ଦିନ ପୂର୍ବରୁ ଜଣେ ଦଳିତ ଯୁବକ ମନ୍ଦିରରେ ପୂଜା କରିବାକୁ ଯାଇଥିଲେ । ସେଠାରେ ଥିବା କିଛି ଲୋକ ତାଙ୍କୁ ପୂଜା କରିବାକୁ ବାରଣ କରିଥିଲେ । ସେବେଠାରୁ ଉଭୟ ପକ୍ଷ ମଧ୍ୟରେ ବିବାଦ ବଢିଯାଇଥିଲା । କିଛି ଲୋକ ଏହି ପ୍ରସଙ୍ଗରେ କୋତୱାଲିରେ ଏତଲା ମଧ୍ୟ ଦେଇଥିଲେ, କିନ୍ତୁ ପୋଲିସ ଏହାକୁ ଗୁରୁତ୍ବ ଦେଇନଥିଲା । ଏତଲାରେ ଅନେକ ଲୋକଙ୍କୁ ପୂଜା ବନ୍ଦ କରାଯିବା କଥା କୁହାଯାଇଥିଲା ।

ଏହାପରେ ଶନିବାର ବିଳମ୍ବିତ ରାତିରେ ଯୁବକ ଜଣଙ୍କ ହତ୍ୟା ସମ୍ପର୍କରେ ପୋଲିସ ସୂଚନା ପାଇଥିଲା । ଖବର ପାଇବା ମାତ୍ରେ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଏସପି ଡ. ବିପିନ ତାଡାଙ୍କ ସୂଚନା ଅନୁଯାୟୀ ଏହି ମାମଲାର ତଦନ୍ତ ଚାଲିଛି । ପରିବାରର ଏତଲା ଆଧାରରେ ଗୋଟିଏ ପରିବାରର ୪ ଜଣଙ୍କ ବିରୋଧରେ ମାମଲା ରୁଜୁ ହୋଇଛି ।

   Related Posts