Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

ତେଜୁଛି ସବର୍ଣ୍ଣ-ଅସବର୍ଣ୍ଣ ବିବାଦ, ନ୍ୟାୟ ଦାବିରେ ଭୂବନ ଥାନା ଘେରିଲେ ଦଳିତ ପରିବାର

4/11/2020 at 4:54 PM

ଢେଙ୍କାନାଳ, ୦୪/୧୧:  ଢେଙ୍କାନାଳ ଜିଲ୍ଲା ଭୂବନ କୃଷ୍ଣପୁର ଗ୍ରାମରେ ସବର୍ଣ୍ଣ ଅସବର୍ଣ୍ଣ ବିବାଦ ଉଗ୍ର ହେବାରେ ଲାଗିଛି । ଏପରିକି ଅସବର୍ଣ୍ଣ ମାନଙ୍କୁ କୂଅ ପୋଖରୀ ବାରଣ କରାଯାଇଥିବା ଅଭିଯୋଗ ଉଠୁଛି । ଫଳରେ ନ୍ୟାୟ ପାଇଁ ଦଳିତ ପରିବାର ଗୁଡିକ ଭୂବନ  ଥାନା ଘେରାଉ କରିଛନ୍ତି ।

ଢେଙ୍କାନାଳ ଜିଲ୍ଲା ଭୂବନ ଥାନା ଯମୁନାକୋଟ ପଞ୍ଚାୟତ ଅନ୍ତର୍ଗତ କୃଷ୍ଣପୁର ଗ୍ରାମରେ  ଅଭାବନୀୟ ସ୍ଥିତି ଉପୁଜିଛି । ଏହି ଗ୍ରାମରେ ଅସବର୍ଣ୍ଣ ଓ ସବର୍ଣ୍ଣ ଗୋଷ୍ଠୀ ମଧ୍ୟରେ ବିବାଦ ଉଗ୍ର ରୂପ ଧାରଣ କରିବାରେ ଲାଗିଛି । ଫଳରେ ଗ୍ରାମରେ ଚାପା ଉତ୍ତେଜନା ପ୍ରକାଶ ପାଇଛି ।

ସୂଚନାନୁସାରେ, କୃଷ୍ଣପୁର ଗ୍ରାମରେ ଥିବା ୨୨ଟି ଦଳିତ ପରିବାରକୁ ସବର୍ଣ୍ଣ ଜାତିର ଯୁବକମାନେ କୂଅ, ପୋଖରୀ, ରାସ୍ତାଘାଟ ଓ ଗାଧୁଆ ତୋଠକୁ ବାରଣ କରିଥିବା ଅଭିଯୋଗ କରିଛନ୍ତି ଦଳିତ ଗୋଷ୍ଠୀ । ଉକ୍ତ ଗ୍ରାମର ଜଣେ ଅସବର୍ଣ୍ଣ ଯୁବକକୁ ଆକ୍ରମଣ ଘଟଣାରେ ଥାନାରେ ଅଭିଯୋଗ କରିବାକୁ ନେଇ ଏହି ବିବାଦର ସୂତ୍ରପାତ ହୋଇଥିବା କୁହାଯାଉଛି । ସବର୍ଣ୍ଣମାନେ ଦଳିତ ପରିବାର ଉପରେ ମାଡଗାଳି ଓ ଜୀବନରୁ ମାରିଦେବାକୁ ଧମକ ଦେବା ସମ୍ପର୍କରେ ଏକ ଅଭିଯୋଗ ଭୂବନ ଥାନାରେ ହୋଇଥିବା ଜଣାପଡିଛି । କିନ୍ତୁ ପୋଲିସ ପ୍ରଶାସନର ଅବହେଳା ଓ ଅଭିଯୁକ୍ତଙ୍କୁ ଗିରଫ ନକରିବା ନେଇ ଏହି ବିବାଦ ବଢ଼ିବାରେ ଲାଗିଛି ।

ଫଳରେ ଦଳିତ ପରିବାର ଗୁଡିକ ନ୍ୟାୟ ପାଇବା ପାଇଁ ଆଜି ଭୂବନ ଥାନା ଘେରାଉ କରିଥିଲେ । ପରେ ଭୂବନ ଥାନାଧିକାରୀ ଜିତେନ୍ଦ୍ର କୁମାର ସାହୁ ଅଭିଯୁକ୍ତଙ୍କୁ ତଦନ୍ତ କରି ଅଭିଯୁକ୍ତଙ୍କୁ ଗିରଫ ଏବଂ ସେମାନଙ୍କର ସୁରକ୍ଷାର ପ୍ରତିଶ୍ରୁତି ଦେବାପରେ ଧାରଣାରୁ ଗ୍ରାମବାସୀ ଓହରି ଥିବା ଜଣାପଡିଛି । ମାତ୍ର ଏହି ଘଟଣାକୁ ନେଇ ଉଭୟ ଗୋଷ୍ଠୀ ମଧ୍ୟରେ ଛକ୍କାପଞ୍ଝା ଲାଗିରହିଛି ।

   Related Posts