Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

୧୫ ବର୍ଷ ନାବାଳିକା ସଞ୍ଜଳି ହତ୍ୟାକାଣ୍ଡର ପର୍ଦ୍ଦାଫାଶ : ପ୍ରେମ ପ୍ରସ୍ତାବକୁ ଅସ୍ବୀକାର କରିବାରୁ ନାବାଳିକା ଭଉଣୀକୁ ଜିଅନ୍ତା ଜାଳିଦେଲା ସମ୍ପର୍କୀୟ ଭାଇ

26/12/2018 at 2:40 PM

୧୫ ବର୍ଷ ବୟସ୍କା ଦଳିତ ନାବାଳିକାଙ୍କୁ ମୃତ୍ୟୁର ୬ଦିନ ପରେ ହତ୍ୟାକାରୀର ସୁରାକ ପାଇଥିଲା ପୋଲିସ | ନିକଟରେ ଆଗ୍ରାରେ ଜଣେ ୧୫ ବର୍ଷ ନାବାଳିକା ସ୍କୁଲରୁ ଘରକୁ ଫେରୁଥିବାବେଳେ ଦୁଇ ଜଣ ଯୁବକ ଆସି ତାଙ୍କ ଉପରେ ପେଟ୍ରୋଲ ଢାଳି ଜିଅନ୍ତା ଜାଳିଦେଇଥିଲେ | ବହୁତ ଚେଷ୍ଟା ପରେ ମଧ୍ୟ ନାବାଳିକାଙ୍କ ମୃତ୍ୟୁ ହୋଇଯାଇଥିଲା | ତାଙ୍କ ଶରୀରର ୭୦ ପ୍ରତିଶତ ଭାବ ପୋଡି ଯାଇଥିଲା | ଗତ ୬ ଦିନ ହେଲା ପୋଲିସ ଘଟଣାର ତଦନ୍ତ କରୁଥିଲା | ୬ ଦିନ ପରେ ପୋଲିସ ହତ୍ୟାକାରୀର ସୁରାକ ପାଇଥିଲା | ନାବାଳିକାଙ୍କ ହତ୍ୟା ପଛରେ ରହିଥିଲା ତାଙ୍କ ସମ୍ପର୍କୀୟ ଭାଇ ଯୋଗେଶ |

ପୋଲିସ ସୂଚନା ଅନୁଯାୟୀ, ଏହି ହତ୍ୟାକାଣ୍ଡରେ ଯୋଗେଶଙ୍କ ସହ ତାଙ୍କର ଅନ୍ୟ ଦୁଇଜଣ ସମ୍ପର୍କୀୟ ମଧ୍ୟ ତାଙ୍କୁ ସହଯୋଗ କରିଥିଲେ |


ଆଗ୍ରା ଏସଏସପି ଅମିତ ପାଠକ ଏକ ସାମ୍ବାଦିକ ସମ୍ମିଳନୀରେ ଘଟଣା ସମ୍ପର୍କରେ ସୂଚନା ଦେଇଛନ୍ତି | ଘଟଣା ସମ୍ପର୍କରେ କହିଲାବେଳେ ଏସଏସପି ଭାଙ୍ଗି ପଡ଼ିଥିଲେ | ଜଣେ ନାବାଳିକା ନିଜର ଜଣେ ସମ୍ପର୍କୀୟ ଭାଇଙ୍କ ଦ୍ୱାରା କିଭଳି ଜିଅନ୍ତା ଜଳିଗଲେ, କହି କହି ସେ କାନ୍ଦି ପକେଇଥିଲେ |


ତଦନ୍ତ ବେଳେ ପୋଲିସକୁ ସଞ୍ଜଳିଙ୍କ ଘରୁ ଏକ ଚିଠି ମିଳିଥିଲା | ସଞ୍ଜଳିଙ୍କୁ ଚିଠି ଦେଇଥିଲା ତାଙ୍କ ସମ୍ପର୍କୀୟ ଭାଇ ଯୋଗେଶ | ତେବେ ଯୋଗେଶ ସଞ୍ଜଳିଙ୍କୁ ପ୍ରେମ କରୁଥିବା ଚିଠିରେ ଲେଖା ହୋଇଥିଲା | କିନ୍ତୁ ସଞ୍ଜଳି ଏଭଳି ସମ୍ପର୍କରେ ରାଜି ନଥିଲେ | ସେ ଯୋଗେଶଙ୍କ ପ୍ରସ୍ତାବକୁ ଅସ୍ବୀକାର କରିଦେଇଥିଲେ | ଯାହାଫଳରେ ଯୋଗେଶ ରାଗିଯାଇଥିଲେ ଏବଂ ସଞ୍ଜଳି ହତ୍ୟା କରିବା ପାଇଁ ପ୍ଲାନ କରିଥିଲା | ଚିଠିକୁ ଆଧାର କରି ପୋଲିସ ତଦନ୍ତ କରିଥିଲା ଏବଂ ଘଟଣାର ସତ୍ୟାସତ୍ୟ ଖୋଜି ବାହାରକରିଥିଲା |


ଯୋଗେଶଙ୍କ ଦୁଇ ସମ୍ପୃୟଙ୍କୁ ପୋଲିସ ଗିରଫ କରିଛି ଯେଉଁମାନେ ସଞ୍ଜଳିଙ୍କୁ ହତ୍ୟା କରିଥିଲେ | ବିଜୟ ଏବଂ ଆକାଶ ନିଜ ନିଜର ଦୋଷ ମଧ୍ୟ ସ୍ୱୀକାର କରିଛନ୍ତି |


ସୂଚନାଯୋଗ୍ୟ ଯେ, ଗତ ଡିସେମ୍ବର ୧୮ ତାରିଖରେ ଦଶମ ଶ୍ରେଣୀରେ ପଢ଼ୁଥିବା ସଞ୍ଜଳି ସ୍କୁଲରୁ ଘରକୁ ଫେରୁଥିଲେ | ଏତିକିବେଳେ ଦୁଇ ଜଣ ଯୁବକ ଲାଲ ବାଇକରେ ଆସିଥିଲେ | ଜଣେ ସଞ୍ଜଳିଙ୍କ ଉପରେ ପେଟ୍ରୋଲ ଢାଳିଥିଲା ଏବଂ ଅନ୍ୟ ଜଣେ ତାଙ୍କ ଉପରେ ଲାଇଟରରେ ତାଙ୍କୁ ନିଆଁ ଲଗେଇ ଦେଇଥିଲେ | ସଞ୍ଜଳି ଜଳୁଥିବା ଦେଖି ଜଣେ ବସ ଡ୍ରାଇଭର ତାଙ୍କୁ ରକ୍ଷା କରିବା ପାଇଁ ଦୌଡ଼ି ଆସିଥିଲେ | ଡ୍ରାଇଭର ବସରେ ଥିବା ନିଆଁ ପ୍ରତିରୋଧକ ଆଣି ସଞ୍ଜଳିଙ୍କ ଉପରକୁ ସ୍ପ୍ରେ କରିଥିଲେ କିନ୍ତୁ ସେତେବେଳେ ସେ ୭୦ ପ୍ରତିଶତ ପୋଡି ସାରିଥିଲେ | ସଞ୍ଜଳିଙ୍କୁ ତୁରନ୍ତ ଆଗ୍ରା ମେଡିକାଲରେ ଭର୍ତ୍ତି କରାଯାଇଥିଲା | କିନ୍ତୁ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଦିଲ୍ଲୀ ସ୍ଥାନାନ୍ତର କରାଯାଇଥିଲା | ଦୁଇ ଦିନ ଜୀବନ ମୃତ୍ୟୁ ସହ ସଂଗ୍ରାମ କରିବା ପରେ ୨୦ ତାରିଖରେ ସଞ୍ଜଳି ହାର ମାନିଯାଇଥିଲେ | ସଞ୍ଜଳିଙ୍କ ମୃତ୍ୟୁ ପରେ ଯୋଗେଶ ନିଜେ ମଧ୍ୟ ଆତ୍ମହତ୍ୟା କରିଥିଲେ |


ଘଟଣାକୁ ନେଇ ଡିସେମ୍ବର ୨୨ ତାରିଖରେ ପାଖାପାଖି ୮୦୦ ଛାତ୍ରଛାତ୍ରୀ ସଞ୍ଜଳିଙ୍କୁ ନ୍ୟାୟ ଦାବି କରି ଆନ୍ଦୋଳନ କରିଥିଲେ | ଦୋଷୀଙ୍କୁ ମୃତ୍ୟୁ ଦଣ୍ଡ ଦାବି କରି ଛାତ୍ରଛାତ୍ରୀ ଜିଲ୍ଲା କଲେକ୍ଟରଙ୍କୁ ଦାବି କରିଥିଲେ |

   Related Posts