ଭୁବନେଶ୍ବର ୨୮।୧: ଆସନ୍ତା ୩୧ତାରିଖରୁ ଭୁବନେଶ୍ବରରୁ ବାରଣାସୀକୁ ସିଧାସଳଖ ଉଡିବ ବିମାନ । ୭୦ସିଟ୍ ବିଶିଷ୍ଟ ଆଲିଆନ୍ସ ଏୟାର୍ ବିମାନ ପ୍ରତିଦିନ ଭୁବନେଶ୍ବରରୁ ବାରଣାସୀ ଯିବ ।

ତେବେ ଏଥିପାଇଁ ଯାତ୍ରୀଙ୍କୁ ୩,୪୭୦ ଟଙ୍କା ଖର୍ଚ୍ଚ କରିବାକୁ ପଡିବ । ପ୍ରତିଦିନ୧୨ଟା ୧୫ମିନିଟରେ ଭୁବନେଶ୍ବରରୁ ବିମାନ ଛାଡି ଦିନ ୨ଟା ୫ମିନିଟରେ ବାରଣାସୀରେ ପହଞ୍ଚିବ ବିମାନ ।

ସେହିଭଳି ୨ଟା୩୦ମିନିଟରେ ବାରଣାସୀରୁ ବାହାରି ୪ଟା୨୦ମିନିଟରେ ଭୁବନେଶ୍ବରରେ ପହଞ୍ଚିବ । ଯାତ୍ରୀମାନେ ଟିକେଟ ବୁକ୍ କରିବାକୁ www.airindia.inରେ ଲଗ୍ ଇନ୍ କରିପାରିବେ । ଏନେଇ ଭୁବନେଶ୍ବର ବିମାନବନ୍ଦର ନିର୍ଦ୍ଦେଶକ ବି.ଭି. ରାଓ ସୂଚନା ଦେଇଛନ୍ତି ।