ନୂଆଦିଲ୍ଲୀ ୨୭।୧୧: ଦାଦରା-ନଗରହାଭେଲୀ ଓ ଡାମନ ଏଣ୍ଡ ଡ୍ୟୁ ଆଉ ଅଧିକ ସମୟ ପୃଥକପୃଥକ କେନ୍ଦ୍ରଶାସିତ ପ୍ରଦେଶ ହୋଇ ରହିବେନି। ଏ ନେଇ ପ୍ରସ୍ତାବକୁ ବୁଧବାର ଲୋକସଭାର ମଞ୍ଜୁରୀ ମିଳିଛି। ଦାଦରା ଓ ନଗରହାଭେଲୀ ଦୁଇଟି ଜିଲ୍ଲା ହୋଇଥିବା ବେଳେ ଗୋଟିଏ କେନ୍ଦ୍ର ଶାସିତ ପ୍ରଦେଶର ମାନ୍ୟତା ଉପଭୋଗ କରୁଥିଲେ। ସେହିପରି ଡାମନ ଏବଂ ଡ୍ୟୁ ମଧ୍ୟ । ଏଣୁ ୪ଟି ଅଞ୍ଚଳକୁ ମିସାଇ ଗୋଟିଏ କେନ୍ଦ୍ରଶାସିତ ଅଞ୍ଚଳ କରିବା ଲାଗି ପ୍ରସ୍ତାବ ଅନେକ ଦିନରୁ ଲମ୍ବିତ ଥିଲା।
{"id":190789,"sizeSlug":"large"}ଗତ ଅଗଷ୍ଟ ୫ ତାରିଖରେ କେନ୍ଦ୍ର ସରକାର ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହାର କରି ଜମ୍ମୁ-କାଶ୍ମୀର ଓ ଲଦ୍ଦାଖକୁ ପୃଥକ କେନ୍ଦ୍ର ଶାସିତ ରାଜ୍ୟରେ ପରିଣତ କରିଥିଲେ। ୩ ମାସ ପରେ ଏବେ ୨ଟି କେନ୍ଦ୍ର ଶାସିତ ରାଜ୍ୟଙ୍କୁ ଭାଙ୍ଗି ଗୋଟିଏରେ ପରିଣତ କରାଯିବ। ତେବେ ସୁଗମ ପ୍ରଶାସନ ଓ ବିକାଶ ସୁନିଶ୍ଚିତ କରିବା ଲାଗି ଦାଦରା, ନଗରହାଭେଲୀ, ଡାମନ ଓ ଡ୍ୟୁକୁ ମିସାଇ ଗୋଟିଏ କେନ୍ଦ୍ର ଶାସିତ ରାଜ୍ୟ କରାଯାଉଥିବା ପ୍ରସ୍ତାବ ଚର୍ଚ୍ଚାରେ କେନ୍ଦ୍ର ଗୃହରାଜ୍ୟମନ୍ତ୍ରୀ ଜି. କିସାନ ରେଡ୍ଡୀ ଗୃହକୁ କହିଛନ୍ତି।
{"id":190790,"sizeSlug":"large"}ସେହିପରି ସମ୍ବିଧାନ ଅନୁସାରେ ଉଭୟ ରାଜ୍ୟର ଅନୁସୂଚିତ ଜାତି ଓ ଜନଜାତି ପୂର୍ବଭଳି ସଂରକ୍ଷଣ ସୁବିଧା ମଧ୍ୟ ପ୍ରାପ୍ତ କରିବେ ବୋଲି ରେଡ୍ଡୀ ଗୃହକୁ ଆଶ୍ୱସ୍ତ କରିଛନ୍ତି। ଏବେ ଗୋଟିଏ କେନ୍ଦ୍ର ଶାସିତ ପ୍ରଦେଶ ହେବା ଯୋଗୁ ଅଧିକାରୀମାନେ ସପ୍ତାହକୁ ୫ ଦିନ କାର୍ଯ୍ୟାଳୟରେ ମିଳିବେ ଯାହା ପୂର୍ବରୁ ଦୁଇ କେନ୍ଦ୍ର ଶାସିତ ପ୍ରଦେଶରେ ଅଲଗା ଅଲଗା ଦିନରେ ଉପଲବ୍ଧ ହେଉଥିଲା। ଦାଦରା ଓ ନଗରହାଭଲୀ ର ସ୍ୱାଧୀନ ସାଂସଦ ମୋହନ ଦେଲକର ଗୃହରେ ବିଧେୟକକୁ ସ୍ୱାଗତ କରିଥିବା ବେଳେ ଉଭୟ କେନ୍ଦ୍ର ଶାସିତ ପ୍ରଦେଶର ଯେପରି ସାଂସ୍କୃତିକ ବିବିଧତା ଅକ୍ଷୁର୍ଣ୍ଣ ରହେ ସେଥିପ୍ରତି ଦୃଷ୍ଟି ଦେବାକୁ କହିଛନ୍ତି।
{"id":190791,"width":576,"height":310,"sizeSlug":"large"}ସେହିପରି ଡାମନ ଓ ଡ୍ୟୁର ବିଜେପି ସାଂସଦ ଲାଲୁ ଭାଇ ପଟେଲ ମଧ୍ୟ ବିଧେୟକକୁ ସମର୍ଥନ କରିଛନ୍ତି। ତେବେ ଦୁଇଟି କେନ୍ଦ୍ର ଶାସିତ ପ୍ରଦେଶ ଏକ ହୋଇଥିବା ବେଳେ ଏଥିଲାଗି ଦିଲ୍ଲୀ ଓ ପୁଡୁଚେରୀ ଭଳି ବିଧାନସଭା ନିମନ୍ତେ ଦାବି କରିଛନ୍ତି। ତେବେ ନ୍ୟୁନତମ ସରକାର ଓ ଅଧିକ ଶାସନ ନୀତିରେ ଦୁଇ ରାଜ୍ୟକୁ ଗୋଟିଏ କେନ୍ଦ୍ର ଶାସିତ ରାଜ୍ୟରେ ପରିଣତ କରିବା ମୁଖ୍ୟ ଉଦ୍ଦେଶ୍ୟ ବୋଲି ସରକାର ସଂସଦରେ କହିଛନ୍ତି।
{"id":190792,"sizeSlug":"large"}ତେବେ ଦୁଇଟି ପୃଥକ ରାଜ୍ୟ ହେବା ଯୋଗୁ ୨ଟି ସଂଘ କ୍ଷେତ୍ର ଓ ପୃଥକ ସମ୍ବିଧାନ ହେବା ଯୋଗୁ ପ୍ରଶାସନିକ କାର୍ଯ୍ୟରେ ବାଧା ଉପୁଜୁଥିଲା। ଏବେ ଏହା ଦୂର ହୋଇପାରିବ ବୋଲି ସଂସଦରେ କୁହାଯାଇଛି। ଜମ୍ମୁ-କାଶ୍ମୀର ଓ ଲଦ୍ଦାଖ ରାଜ୍ୟ ଗଠନ ପରେ ଦେଶରେ କେନ୍ଦ୍ର ଶାସିତ ପ୍ରଦେଶ ସଂଖ୍ୟା ୯ରେ ପହଞ୍ଚିଥିଲା। ତେବେ ଡାମନ-ଡ୍ୟୁ, ଦାଦର ଓ ନଗରହାଭେଲୀ ଗୋଟିଏ ରାଜ୍ୟରେ ପରିଣତ ହେବା ଯୋଗୁ ଏବେ ଦେଶରେ କେନ୍ଦ୍ର ଶାସିତ ପ୍ରଦେଶ ସଂଖ୍ୟା ୮କୁ ହ୍ରାସ ହେବ।