ରାୟପୁର,୨୩/୦୫: ଛତିଶଗଡ ସୁରଜପୁର ଜିଲ୍ଲାରେ ଲକଡାଉନ୍ ଲାଗିଛି । ଏହି ସମୟରେ କୋଭିଡ କଟକଣାକୁ କଡାକଡି କରାଯାଇଛି । ଏହି ସମୟରେ ଜଣେ ଜିଲ୍ଲାପାଳଙ୍କ ଦବଙ୍ଗଗିରି ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହୋଇଛି । ଏଥିରେ ଜିଲ୍ଲାପାଳ ଜଣେ ଯୁବକଙ୍କୁ ମାଡ ମାରିବା ସହ ଫୋନ୍ ବି ଭାଙ୍ଗି ଦେଇଛନ୍ତି । ଏପରିକି ପୋଲିସକୁ କହି ମଧ୍ୟ ଯୁବକଙ୍କୁ ନିସ୍ତୁକ ପିଟିଛନ୍ତି । ତେବେ ପରେ ଜିଲ୍ଲାପାଳ କ୍ଷମା ମାଗିଛନ୍ତି ।
ସୂଚନା ଅନୁସାରେ, ସୁରଜପୁର ଜିଲ୍ଲାର ପୁରୁଣା ବଜାରରେ ସାହିଲ ଗୁପ୍ତା ନାମକ ଜଣେ ବ୍ୟକ୍ତି ଔଷଧ ପାଇଁ ବଜାରକୁ ଯାଉଥିଲେ । ଏହି ସମୟରେ ଭୈୟାଥାନ ଛକରେ ଥିବା ଜିଲ୍ଲାପାଳ ରଣବୀର ଶର୍ମା ତାଙ୍କୁ ଅଟକାଇଥିଲେ । ଯୁବକ ଔଷଧ ଆଣିବାକୁ ଯାଉଥିବା କହିଥିଲେ ମଧ୍ୟ ଜିଲ୍ଲାପାଳ ତାଙ୍କୁ ଚାପୁଡା ମାରିଥିଲେ । ଏପିରିକି ପୋଲିସ କର୍ମୀଙ୍କୁ କହି ଲାଠିରେ ମାଡ ମାରିଥିଲେ । ଏହାକୁ ଯୁବକଙ୍କ ପିତା ତୀବ୍ର ବିରୋଧ କରିଛନ୍ତି । ସେ କୋଭିଡ୍ ଟିକା ଲଗାଇଥିଲେ । ତେଣୁ ବାହାରକୁ ଯାଉ ନାହାଁନ୍ତି । ଜ୍ୱର ହେଉଥିବାରୁ ପୁଅକୁ ଔଷଧ ପାଇଁ ପଠାଇଥିଲେ । କିନ୍ତୁ ଜିଲ୍ଲାପାଳ ଏପରି ବ୍ୟବହାର କରିଥିବାରୁ ସେ ନିନ୍ଦା ମଧ୍ୟ କରିଛନ୍ତି ।
wp:html/wp:htmlवाकई हद है ये...
— Anshuman Sharma (@anshuman_sunona) May 22, 2021
यकीन नहीं तो ये वीडियो भी देख लीजिये..@SurajpurDist कलेक्टर साहब आपको किस बात की इतनी खीज..
लड़का कह रहा, भगवान कसम फ़ोन पे कोई रिकॉर्ड नहीं किया..पर वाह रे दंभ..@bhupeshbaghel @tamradhwajsahu0 @_SubratSahoo @DPRChhattisgarh #lockdown #Chhattisgarh #cgnews https://t.co/GhFmnf1qa4 pic.twitter.com/ZLAdkVlhLo
ଘଟଣାପରେ ଜିଲ୍ଲାବାସୀ ଜିଲ୍ଲାପାଳଙ୍କ ଏତାଦୃଶ କାର୍ଯ୍ୟକୁ ବିରୋଧ କରିଛନ୍ତି । ରାଜ୍ୟରେ ମେ ୩୧ ଯାଏଁ ଲକଡାଉନ ଲାଗିଛି । କେବଳ ଅତ୍ୟାବଶ୍ୟକ ସେବା ଚାଲୁଛି । କିନ୍ତୁ ଔଷଧ ଆଣିବାକୁ ଯାଉଥିବା ଜଣେ ଯୁବକଙ୍କୁ ଜିଲ୍ଲାପାଳ ମାଡ ମାରିବାକୁ ସମସ୍ତେ ନିନ୍ଦା କରିଛନ୍ତି । ତେବେ ଭିଡିଓ ଭାଇରାଲ ହେବାପରେ ଜିଲ୍ଲାପାଳ ଘଟଣା ପାଇଁ କ୍ଷମା ମାଗିଛନ୍ତି । ସେ ସୋସିଆଲ ମିଡିଆରେ କହିଛନ୍ତି ଯେ, ଯୁବକଜଣଙ୍କ ବିନା କାରଣରେ ବାହାରେ ବୁଲୁଥିଲେ । ତେବେ ସେ ନିଜର ବ୍ୟବହାର ପାଇଁ ହୃଦୟରୁ କ୍ଷମା ପ୍ରାର୍ଥନା କରୁଥିବା କହିଛନ୍ତି । ଏହାସହ ଜିଲ୍ଲାବାସୀଙ୍କୁ କରୋନା ନିୟମ ପାଳନ କରିବାକୁ ଅନୁରୋଧ କରିଛନ୍ତି ।