Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଜଧାନୀରେ ଡେରା ପକାଇଛନ୍ତି ବାହାର ରାଜ୍ୟର ଡକାୟତ

11/06/2018 at 9:34 AM

ରାଜଧାନୀରେ ଡେରା ପକାଇଛନ୍ତି ବାହାର ରାଜ୍ୟର ଡକାୟତ । ଦିନରେ ବେଲୁନ୍ ବିକ୍ରି ଏବଂ ଅଧ ରାତିରେ ଚୋରି କରିବା ହେଉଛି ଏମାନଙ୍କ କାମ । ଶନିବାର ବିଳମ୍ବିତ ରାତିରେ ଖଣ୍ଡଗିରି ଥାନା ଜାଗମରା ଅଞ୍ଚଳରେ ଡକାୟତି ଉଦ୍ୟମ ବେଳେ ଜଣକୁ କାବୁ କରିଛନ୍ତି ସ୍ଥାନୀୟ ଲୋକେ । ତେବେ ଅନ୍ୟ ୫ଜଣ ଫେରାର ହୋଇ ହୋଇଯାଇଛନ୍ତି । ରାତି ପ୍ରାୟ ୨ଟା ୧୫ରେ ଜାଗମରା ସିଦ୍ଧିବିହାର ପ୍ଲଟ ନମ୍ବର-୬ରେ ରହୁଥିବା ଉର୍ବଶୀ ଟେଣ୍ଟ ହାଉସ ମାଲିକଙ୍କ ଘରେ ପଶିଥିଲେ ୬ ଜଣ ଯୁବକ । ଘର ଲୋକ ଉଠି ପଡିବାରୁ ୬ଜଣ ଡକାୟତ ପାଚେରି ଡେଇଁ ଖସି ପଳାଇଥିଲେ । ଘର ଲୋକ ସିସିଟିଭି ଫୁଟେଜ୍ ଯାଞ୍ଚ କରୁଥିବା ବେଳେ ଡକାୟତମାନେ ସେହି ସମ୍ମୁଖ ରାସ୍ତା ଦେଇ ଯିବା ଦେଖି ଲୋକେ ଜଣଙ୍କୁ କାବୁ କରିନେଇଥିଲେ । ନିର୍ଧୁମ ଛେଚିବା ପରେ ଖଣ୍ଡଗିରି ଥାନା ପୋଲିସର ଜିମା ଦେଇଛନ୍ତି । ଫେରାର ୫ ଲୁଟେରାଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଡାଉ କରୁଛି ପୋଲିସ ।

Leave a Reply

   Related Posts