Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

କହ୍ନେୟା ନିଜକୁ ନିଜେ ପାର୍ଟିରୁ ବାହାରି ଯାଇଛନ୍ତି: ଡି. ରାଜା

28/09/2021 at 8:42 PM

ନୂଆଦିଲ୍ଲୀ ୨୮।୯: ଜେଏନୟୁ ଛାତ୍ର ସଂସଦର ପୂର୍ବତନ ସଭାପତି ତଥା ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ନେତା କହ୍ନେୟା କୁମାର ମଙ୍ଗଳବାର କଂଗ୍ରେସରେ ଯୋଗ ଦେଇଛନ୍ତି। ସିପିଆଇ ସାଧାରଣ ସମ୍ପାଦକ ଡି.ରାଜା ଏ ନେଇ ତାଙ୍କର ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି ଯେ ସିପିଆଇ ଜାତି ବିହୀନ ଓ ବର୍ଗ ବିହୀନ ସମାଜ ଲାଗି ସଂଘର୍ଷ କରୁଥିବା ଏକ ରାଜନୈତିକ ଦଳ। କହ୍ନେୟା କୁମାର ନିଜକୁ ନିଜେ ଦଳ ଛାଡିଛନ୍ତି। ଅର୍ଥାତ କମ୍ୟୁନିଷ୍ଟ ବିଚାରଧାରା ପ୍ରତି ତାଙ୍କର ଆସ୍ଥାନଥିବା ପ୍ରମାଣିତ ହେଉଛି।

ତେବେ କହ୍ନେୟା କୁମାରଙ୍କ ଦଳ ତ୍ୟାଗ ପାର୍ଟିକୁ କୌଣସି ପ୍ରକାର ପ୍ରଭାବିତ କରିବ ନାହିଁ ବୋଲି ସେ କହିଛନ୍ତି। ତାଙ୍କର ଆତ୍ମ ନିଷ୍କାସନ ପରେ ବି ଦଳ କାମ କରିବ ଓ ସଫଳ ମଧ୍ୟ ହେବ ବୋଲି କହିଛନ୍ତି। ତାଙ୍କ ପୂର୍ବରୁ ବି ପାର୍ଟି ଥିଲା ଓ ପରେ ବି ରହିବ। ହେଲେ କାହାର ମହତ୍ୱାକାଙକ୍ଷା ଲାଗି ପାର୍ଟିରେ ସ୍ଥାନ ନାହିଁ। ତାଙ୍କର ମହତ୍ୱାକାଙକ୍ଷା ହିଁ ତାଙ୍କୁ କଂଗ୍ରେସରେ ଯୋଗଦାନ ଲାଗି ଉତ୍ସାହିତ କରିଛି। ଆମ ପାର୍ଟି ନିଶ୍ୱାର୍ଥ ଓ ବଳିଦାନ ଲାଗି, ତେବେ ସେ ପାର୍ଟି ପ୍ରତି ସମର୍ପିତ ନଥିଲେ ବୋଲି କୁହାଯାଇପାରେ ବୋଲି କହିଛନ୍ତି।

ହେଲେ ଆଗକୁ ଯେଉଁମାନେ ପାର୍ଟିକୁ ଆସିବେ ସେମାନଙ୍କୁ ରାଜା ସତର୍କ କରାଇଦେଇଛନ୍ତି। ଯେଉଁମାନେ ସିପିଆଇକୁ ଆସିବେ ସେମାନେ ଦେଶ ଓ ଦେଶର ଅସଂଖ୍ୟ ଶ୍ରମଜୀବିଙ୍କ ହୀତ ଲାଗି ସର୍ବୋଚ୍ଚ ବଳିଦାନ ଦେଇ ଏହିପରି ନିଶ୍ୱାର୍ଥ ଜୀବନ ବଞ୍ଚିବା ଲାଗି ପ୍ରସ୍ତୁତ ରହିବାକୁ ହେବ। ତେବେ କହ୍ନେୟା କୁମାର ପ୍ରଥମରୁ ହିଁ ମହତ୍ୱାକାଙକ୍ଷୀ ବୋଲି ଜଣାପଡୁଥିଲେ। ଏଣୁ ପାର୍ଟିରେ ତାଙ୍କୁ ବୁଝାଇବାକୁ କେହି ଆସିନଥିଲେ ବୋଲି ରାଜା କହିଛନ୍ତି।

   Related Posts