କେନ୍ଦ୍ରାପଡା, ୧୩/୦୯: କେନ୍ଦ୍ରାପଡା ଜିଲ୍ଲା ମାର୍ଶାଘାଈ ଥାନା ଅନ୍ତର୍ଗତ ଗତାନଈ ଗ୍ରାମରେ ଏକ ଅଘଟଣ ଘଟିଛି । ରନ୍ଧନ ଗ୍ୟାସ ସିଲିଣ୍ଡର ଫାଟି ଦୁଇଜଣ ଗୁରୁତର ଆହତ ହୋଇଛନ୍ତି। ଏହି ଗ୍ରାମର ମାନସ ନାୟକଙ୍କ ଘରେ ଆଜି ଅପରାହ୍ନରେ ରନ୍ଧନ ଗ୍ୟାସ ସିଲିଣ୍ଡରରୁ ଗ୍ୟାସ୍ ଲିକ୍ ହୋଇ ଅଗ୍ନିକାଣ୍ଡ ଘଟିଥିଲା । ମାନସଙ୍କ ବୃଦ୍ଧା ମା ରେବତି ଶୋଇଥିବା ଘରେ ସିଲିଣ୍ଡର ଥିବାରୁ ନିଜ ମାକୁ ବଞ୍ଚାଇବାକୁ ଯାଇ ମାନସଙ୍କ ଦୁଇହାତ ଓ ପାଦ ପୋଡିହୋଇ ଯାଇଥିଲା ।
ରେବତୀଙ୍କର ହାତ ଏବଂ ଗୋଡ ପୋଡିଯିବା ସହିତ ଗ୍ୟାସ ନିଆଁ ଧାସରେ ମୁହଁ, କାନ, ନାକ ମଧ୍ୟ ଆଂଶିକ ପୋଡି ଯାଇଛି। ସେହିପରି ମାନସଙ୍କ ସ୍ତ୍ରୀ ଦେବକୀ ଏବଂ ପୁଅ ମଧ୍ୟ ସାମାନ୍ଯ ଆହାତ ହୋଇଛନ୍ତି । ଏଥିରେ ମାନସଙ୍କ ଘରର କବାଟ, ଖଟ ସହିତ ଗୋଟିଏ ମଟର ସାଇକେଲ ସଂପୂର୍ଣ୍ଣ ପୋଡି ଯାଇଛି । ଖବରପାଇ ମାର୍ଶାଘାଇରୁ ଅଗ୍ନିଶମ ବାହିନୀ ପହଁଚି ଜଳୁଥିବା ଗ୍ୟାସ ସିଲିଣ୍ଡରକୁ ଲିଭାଇଥିବା ଜଣାପଡ଼ିଛି ।