Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ବଙ୍ଗୋପସାଗରରେ ଦାନା ବାନ୍ଧୁଛି ବାତ୍ୟା, କିନ୍ତୁ ବିପଦ ନାହିଁ : ୧୦ ତାରିଖରେ ପୁଣି ଏକ ଲଘୁଚାପ ଆଶଙ୍କା

8/05/2020 at 9:14 AM

ଭୁବନେଶ୍ବର ୮|୫ : ବଙ୍ଗୋପସାଗରରେ ଦାନା ବାନ୍ଧୁଛି ବାତ୍ୟା । ପାଗ ବି ଅନୁକୂଳ ରହିଛି । ସମ୍ଭାବ୍ୟ ବାତ୍ୟା ପ୍ରକୋପରୁ ଓଡ଼ିଶା ବର୍ତ୍ତିଯିବା ସମ୍ଭାବନା ଅଛି । ଓଡ଼ିଶାରେ ଏହାର ପ୍ରଭାବ ପଡ଼ିବା ସମ୍ଭାବନା କମ୍‌ ରହିଛି । ବିଭିନ୍ନ ପାଣିପାଗ ସଂସ୍ଥାର ମଡେଲକୁ ଅନୁଧ୍ୟାନ କରି ଏଭଳି ପୂର୍ବାନୁମାନ କରିଛନ୍ତି କୃଷି ପାଣିପାଗ ବିଶାରଦ ଡକ୍ଟର ସୁରେନ୍ଦ୍ରନାଥ ପଶୁପାଳକ ।

ଡକ୍ଟର ପଶୁପାଳକଙ୍କ କହିବା ଅନୁସାରେ, ଗତ ୧ ତାରିଖରେ ସୃଷ୍ଟି ହୋଇଥିବା ଲଘୁଚାପ ଆଉ ଘନୀଭୂତ ହେବାର ସମ୍ଭାବନା ନାହିଁ । ତେବେ ଆଉ ଏକ ଲଘୁଚାପ ପାଇଁ ପାଣିପାଗ ପୂରା ଅନୁକୂଳ ରହିଛି । ଦକ୍ଷିଣ ବଙ୍ଗୋପସାଗରରେ ଜଳପତ୍ତନ ତାପମାତ୍ରା ୩୦-୩୧ ଡିଗ୍ରୀ ପାଖାପାଖି ରହିଛି । ବାତ୍ୟା ସୃଷ୍ଟି ହେବା ପାଇଁ ଜଳପତ୍ତନ ତାପମାତ୍ରା ୨୭ ଡିଗ୍ରୀରୁ ଅଧିକ ହେବା ଦରକାର । ଏହା ସହିତ ଲଘୁଚାପ ଘନୀଭୂତ ହେବା ପାଇଁ ଉତ୍ତାପ ଅଧିକ ରହିଛି । ଭାରତୀୟ ପାଣିପାଗ ବିଭାଗ (ଆଇଏମ୍‌ଡି)ର ଜିଏଫଏସ୍‌ ମଡେଲ୍‌ ସମେତ ବିଶ୍ବର ବିଭିନ୍ନ ମଡେଲ ଅନୁଧ୍ୟାନରୁ ଜଣାପଡ଼ିଛି, ସମ୍ଭାବ୍ୟ ଲଘୁଚାପ ବାତ୍ୟା ରୂପ ନେବା ସମ୍ଭାବନା ଅଛି ।

ଆସନ୍ତା ୮ ତାରିଖରେ ଦକ୍ଷିଣ ପୂର୍ବ ଆରବ ସାଗରରେ ସୁମାତ୍ରା ନିକଟରେ ଏକ ଘୂର୍ଣ୍ଣିବଳୟ ସୃଷ୍ଟି ହେବ । ଅପରପକ୍ଷରେ ଶ୍ରୀଲଙ୍କା, ତାମିଲନାଡ଼ୁ ନିକଟରେ ଆଉ ଏକ ଘୂର୍ଣ୍ଣିବଳୟ ହେବ । ପରବର୍ତ୍ତୀ ସମୟର ୧୦ ତାରିଖରେ ଦକ୍ଷିଣ ବଙ୍ଗୋପସାଗର କିମ୍ବା ସଂଲଗ୍ନ ଦକ୍ଷିଣ ପୂର୍ବ ବଙ୍ଗୋପସାଗରରେ ଦୁଇଟି ଯାକ ଘୂର୍ଣ୍ଣିବଳୟ ମିଶି ଗୋଟିଏ ଲଘୁଚାପରେ ପରିଣତ ହେବ । ତେବେ ଅନ୍ୟ କେତେକ ମଡେଲ୍‌ ଅନୁଯାୟୀ ସୁମାତ୍ରା ପାଖ ଘୂର୍ଣ୍ଣିବଳୟ ନେଇ ନୀରବ ରହୁଛନ୍ତି ।
ଆସନ୍ତା ୧୦ ତାରିଖରେ ଲଘୁଚାପ ହେବା ପରେ ୧୩ରେ ଅବପାତ ଓ ୧୪ରେ ବାତ୍ୟା ରୂପ ନେବା ସମ୍ଭାବନା ଅଛି । ତେବେ ସ୍ଥଳଭାଗ ଛୁଇଁବା ପରେ ଏହା ଦୁର୍ବଳ ହେବ । ଲଘୁଚାପ ସୃଷ୍ଟି ହେବା ପରେ ଏହା ପ୍ରଥମେ ଦକ୍ଷିଣ ପଶ୍ଚିମ ଦିଗରେ ଗତି କରିବ ।

ଚେନ୍ନାଇଠାରୁ ଦୂରରେ ଦକ୍ଷିଣ ଆନ୍ଧ୍ର ଉପକୂଳର ଦୂରରେ କେନ୍ଦ୍ରୀୟ ବଙ୍ଗୋପସାଗରରେ ରହିବ । ପରେ ପୂର୍ବ ଉତ୍ତର ପୂର୍ବରେ ଗତି କରି ବାଂଲାଦେଶର ଦକ୍ଷିଣ ପୂର୍ବ ଉପକୂଳ କିମ୍ବା ଏହା ସଂଲଗ୍ନ ଉତ୍ତର ମିଆଁମାର ଆଡ଼କୁ ମୁହାଁଇବା ସମ୍ଭାବନା ଅଛି । ତେଣୁ ସମ୍ଭାବ୍ୟ ବାତ୍ୟା ଓଡ଼ିଶା ଆଡ଼କୁ ଗତି କରିବା କିମ୍ବା ଓଡ଼ିଶାରରେ ପ୍ରଭାବ ପଡ଼ିବା ସମ୍ଭାବନା କମ୍‌ ।

   Related Posts