ନୂଆଦିଲ୍ଲୀ: ଦେଶରେ ସାମୁଦ୍ରିକ ବାତ୍ୟା ବିଶେଷଜ୍ଞ ଭାବେ ଜଣାଶୁଣା ମୃତ୍ୟୁଞ୍ଜୟ ମହାପାତ୍ରଙ୍କୁ ଭାରତୀୟ ପାଣିପାଗ ବିଭାଗର ମୁଖ୍ୟ ଭାବେ ଅବସ୍ଥାପିତ କରାଯାଇଛି। ପର୍ସେନେଲ ଡିପାର୍ଟମେଣ୍ଟ ପକ୍ଷରୁ ଜାରୀ ଏକ ବିଜ୍ଞପ୍ତିରେ ଏନେଇ ସୂଚନା ଦିଆଯାଇଛି।
{"id":121177}ନିକଟରେ ପୁରୀ ଉପକୂଳରେ ଭୂ-ଭାଗକୁ ପ୍ରବେଶ କରିଥିବା ସାମୁଦ୍ରିକ ବାତ୍ୟା ‘ଫନି’ ର ମହାପାତ୍ର ସଠିକ ପୂର୍ବାନୁମାନ କରିଥିଲେ । ଯେଉଁଥି ପାଇଁ ଉପକୂଳ ଓଡିଶାରେ ବ୍ୟାପକ କ୍ଷୟକ୍ଷତି ହୋଇଥିଲେ ହେଁ ସମୟ ପୂର୍ବର ସୂଚନା ପାଇଁ ଅନେକଙ୍କ ଜୀବନ ରକ୍ଷା କରାଯାଇ ପାରିଛି। କେବଳ ଫନି ନୁହେଁ ମହାପାତ୍ର ଅତୀତରେ ଫେଲିନ(୨୦୧୩),ହୁଡହୁଡ(୨୦୧୪) ଓ ତିତଲି (୨୦୧୮)ର ସଠିକ ଆକଳନ କରିଥିଲେ ।
{"id":121178}ବିଶେଷଜ୍ଞ ମହାପାତ୍ରଙ୍କୁ ଆଇଏମଡି ମେଟ୍ରୋଲଜିର ମହାନିର୍ଦ୍ଦେଶକ ଅବସ୍ଥାପିତ କରାଯାଇଛି। ଏହି ପଦରେ ମହାପାତ୍ର ଆଗାମୀ ୫ ବର୍ଷ ପର୍ଯ୍ୟନ୍ତ କାର୍ଯ୍ୟ କରିବେ। ପାଣିପାଗ ବିଜ୍ଞାନର ମେଟ୍ରୋଲଜି ବିଭାଗ ଦେଶରେ ଜଳବାୟୁ ସମ୍ପର୍କିତ ପୂର୍ବାନୁମାନ କରିଥାନ୍ତି। ଏହି ବିଭାଗ ଘୂର୍ଣ୍ଣିବାତ୍ୟା, ଝଡ, ବର୍ଷା,ହୀମପାତ, ଶୀତ ଲହରି ଓ ଗ୍ରୀଷ୍ମଲହରୀ ସମ୍ପର୍କରେ ଲୋକଙ୍କୁ ଅଗ୍ରୀମ ସତର୍କତା ଜାରି କରିଥାନ୍ତି। ଆସନ୍ତା ଅଗଷ୍ଟମାସରେ ମହାପାତ୍ର ନୂଆ ପଦରେ କାର୍ଯ୍ୟାରମ୍ଭ କରିବେ।