Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||

‘ନିଭାର’ ପରେ ତାଣ୍ଡବ ରଚିବ ‘ବୁରେଭି’: ଡିସେମ୍ବର ୩ ପାଇଁ ୪ ଜିଲ୍ଳାକୁ ରେଡ୍‌ ଆଲର୍ଟ ଜାରି କଲା IMD

2/12/2020 at 7:40 PM

ନୂଆଦିଲ୍ଲୀ ୦୨/୧୨: ଦକ୍ଷିଣ ପଶ୍ଚିମ ବଙ୍ଗୋପ ସାଗରରେ ଦାନା ବାନ୍ଧୁଛି ଆଉ ଏକ ବାତ୍ୟା ‘ବୁରେଭି’। ବାତ୍ୟା ‘ନିଭାର’ର ତାଣ୍ଡବ ପରେ ପୁଣି ଏକ ବାତ୍ୟା ‘ବୁରେଭି’କୁ ନେଇ ରେଡ୍‌ ଆଲର୍ଟ ଜାରି କରିଛି ଭାରତୀୟ ପାଣିପାଗ ବିଭାଗ (ଆଇଏମଡି)। ତାମିଲନାଡୁରେ ନିଭାର ବ୍ୟାପକ କ୍ଷତି ପହଞ୍ଚାଇଥିବା ବେଳେ ଆଜି ରାତିରେ ଶ୍ରୀଲଙ୍କା ଉପକୂଳ ଦେଇ ଗତି କରିବ ବୋଲି ଜଣାପଡ଼ିଛି। ସେପଟେ ପୁଣି ଏକ ବାତ୍ୟା ‘ବୁରେଭି’ କେରଳ ପାଇଁ ବିପଦ ନେଇ ଆସୁଛି।

‘ବୁରେଭି’କୁ ନଜରରେ ରଖି ଆଇଏମଡି କେରଳର ୪ ଜିଲ୍ଲାକୁ ରେଡ୍‌ ଆଲର୍ଟ ଜାରି କରିଛି। କେରଳର ଥିରୁଅନନ୍ତପୁରମ୍‌, କୋଲ୍ଲାମ, ପାଥନମଥିଟା ଓ ଆଲାପୁଝା ପାଇଁ ଡିସେମ୍ବର ୩ ପାଇଁ ରେଡ୍‌ ଆଲର୍ଟ ଜାରି କରିଛି ଆଇଏମଡି।

ଆଜି ଅପରାହ୍ନ ୨.୩୦ ବେଳକୁ ସାମୁଦ୍ରିକ ଝଡ଼ ‘ବୁରେଭି’ ଶ୍ରୀଲଙ୍କାର ପୂର୍ବ ଉତ୍ତରପୂର୍ବରୁ ୧୧୦ କିମି ଦୂରରେ ଥିବା ବେଳେ ତାମିଲନାଡୁ ପାନବାନରୁ ୩୩୦ କିମି ଦୂରରେ ରହିଥିଲା। ଏହା ସହ କନ୍ୟାକୁମାରୀର ପୂର୍ବ ଉତ୍ତରପୂର୍ବରୁ ୫୨୦ କିମି ଦୂରରେ ଥିବା ନେଇ ଆଇଏମଡି ପକ୍ଷରୁ ସୂଚନା ମିଳିଥିଲା। ତେବେ ଡିସେମ୍ବର ୩ରେ ‘ବୁରେଭି’ ସ୍ଥଳ ଭାଗ ଛୁଇଁବା ସମୟରେ ପବନର ବେଗ ୭୦-୮୦ କିମି ରହିବାକୁ ଥିବା ବେଳେ ମଝି​ରେ ମଝିରେ ପବନର ବେଗ ବଢ଼ି ୯୦ କିମି ପ୍ରତି ଘଣ୍ଟା ବେଗରେ ବହିବ।

‘ବୁରେଭି’ ପ୍ରଭାବରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଦକ୍ଷିଣ ତାମିଲନାଡ଼ୁର ବିଭିନ୍ନ ଜିଲ୍ଲାରେ ପ୍ରବଳ ବର୍ଷା ହେବାର ମଧ୍ୟ ପୂର୍ବନୁମାନ କରିଛି ପାଣିପାଗ ବିଭାଗ। ସେହି ଭଳି ଡିସେମ୍ବର ୩ ଓ ୪ ତାରିଖରେ ଦକ୍ଷିଣ କେରଳର ବିଭିନ୍ନ ଜିଲ୍ଲାରେ ଅତି ପ୍ରବଳ ବର୍ଷା ହୋଇପାରେ। ‘ବୁରେଭି’ର ପ୍ରକୋପ ‘ନିଭାର’ ଭଳି ରହିବ ବୋଲି ଆଇଏମ୍‌ଡି ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି।

   Related Posts