ଭୁବନେଶ୍ୱର ୧୦।୧୧ - ବୁଲ୍ବୁଲ୍ ଉଜାଡ଼ିଦେଇଛି ଫସଲ । ବାତ୍ୟା ବୁଲବୁଲ୍ ଓଡ଼ିଶାରେ ଲ୍ୟାଣ୍ଡଫଲ୍ କରିନଥିଲେ ମଧ୍ୟ ଏହାର ପ୍ରଭାବରେ ଉତ୍ତର ଉପକୂଳ ଓଡ଼ିଶାରେ ନାହିଁ ନଥିବା ଫସଲ କ୍ଷତି ହୋଇଛି । କେନ୍ଦ୍ରାପଡ଼ା, ଜଗସିଂହପୁର, ଯାଜପୁର, ବାଲେଶ୍ବର ଓ ଭଦ୍ରକ ଜିଲ୍ଲାରେ ୪୦ ପ୍ରତିଶତ ଧାନ ଫସଲ ବାତ୍ୟା ଦ୍ବାରା କ୍ଷତିଗ୍ରସ୍ତ ହୋଇଛି ।କେତେକ ସ୍ଥାନରେ ବିଦ୍ୟୁତ ଖୁଣ୍ଟ ଉପୁଡ଼ି ପଡ଼ିଛି। ଅବଶ୍ୟ ଓଡ୍ରାଫ ଟିମ୍ ତୁରନ୍ତ ପହଞ୍ଚି ରାସ୍ତା ସଫାରେ ଲାଗିଛନ୍ତି। ….
{"id":182089}ଉଜାଡ଼ି ଦେଇଗଲା ବୁଲ୍ବୁଲ୍ । ବାତ୍ୟା ବୁଲବୁଲ୍ ଓଡ଼ିଶାରେ ଲ୍ୟାଣ୍ଡଫଲ୍ କଲାନି ସତ କିନ୍ତୁ ଚାଷୀର ମେରୁଦଣ୍ଡ ଭାଙ୍ଗିଦେଇ ଯାଇଛି । ଏ ହେଉଛି କେନ୍ଦ୍ରାପଡ଼ା ମହାକାଳପଡ଼ାର ଦୃଶ୍ୟ । ବୁଲ୍ବୁଲ୍ ପ୍ରଭାବରେ ଧାନ ଫସଲ ଉଜୁଡ଼ି ଯାଇଛି । ଆଉ କିଛି ଦିନ ପରେ ଫସଲ ଅମଳ କରିବାକୁ ଆଶା ରଖିଥିବା ଚାଷୀ ଏବେ ନିଜର କ୍ଷେତକୁ ଦେଖି ଆଖିରୁ ଲୁହ ଝରାଉଛି ।କେବଳ ଧାନ ନୁହେଁ, ପନିପରିବା ଫସଲ ମଧ୍ୟ ସଂପୂର୍ଣ୍ଣ ଉଜୁଡ଼ି ଯାଇଛି ।
କେନ୍ଦ୍ରାପଡ଼ାର ପଟ୍ଟାମୁଣ୍ଡାଇ ରାଜକନିକାରେ ମଧ୍ୟ ଅନୁରୂପ ସ୍ଥିତି । ୧୫ ଦିନ ପରେ ଚାଷୀ ଫସଲ ଅମଳ କରିଥାନ୍ତା । ଏବେ ସବୁ ଅଗାଡ଼ି ହୋଇଯିବ । ଜିଲ୍ଲା ପ୍ରଶାସନ ପକ୍ଷରୁ ଫସଲ କ୍ଷୟକ୍ଷତିର ଆକଳନ ଆରମ୍ଭ ହୋଇଛି ।
ଭଦ୍ରକ ଜିଲ୍ଲାରେ ସବୁଠାରୁ ଅଧିକ କ୍ଷୟକ୍ଷତି ହୋଇଛି ଚାନ୍ଦବାଲି, ଭଣ୍ଡାରୀପୋଖରୀ ଓ ବାସୁଦେବପୁରରେ ତିତିଲି ମାଡ଼ ବେଶୀ ପଡ଼ିଛି । ଆରଡ଼ି ନିକଟସ୍ଥ ବୋଡ଼କ ଠାରେ ବୈତରଣୀ ନଦୀର ୫୦ ଫୁଟ୍ର ସୁରକ୍ଷା ବନ୍ଧ ଧସିଯାଇଛି । ଏଥିଯୋଗୁଁ ୨୦ ନମ୍ବର ଜାତୀୟ ରାଜପଥରେ ଯାତାୟତ ଠପ୍ ହୋଇଯାଇଛି । ଭଦ୍ରକ ଜିଲ୍ଲାର ୭ଟି ବ୍ଲକ୍ର ପ୍ରାୟ ୮୦ ହଜାର ହେକ୍ଟର ଜମିରେ ଧାନ ଫସଲ ନଷ୍ଟ ହୋଇଛି । ଜିଲ୍ଲାରେ ୯୦ଟି 11 କେଭି ବିଦ୍ୟୁତ୍ ଟାୱାର କ୍ଷତିଗ୍ରସ୍ତ ହୋଇଛି ।ଏମିତିକି ଏନ୍ଡିଆର୍ଏଫ୍ର ୨ ଜଣ କର୍ମଚାରୀ ଆହତ ହୋଇଛନ୍ତି ।
{"id":182090}ଆରଡିସି ଅନୀଲ କୁମାର ସାମଲ ଉପଜିଲ୍ଲାପାଳଙ୍କ ସହିତ ଚାନ୍ଦବାଲି ଗସ୍ତ କରି କ୍ଷୟକ୍ଷତିର ଅନୁଧ୍ୟାନ କରିଛନ୍ତି।
ଯାଜପୁର, ଜଗତସିଂହପୁରରେ ମଧ୍ୟ ଚାଷୀ କ୍ଷତିଗ୍ରସ୍ତ ହୋଇଛନ୍ତି ।ଏ ଦୃଶ୍ୟ ହେଉଛି ଯାଜପୁର ଖାଇରାବାଦ ପଞ୍ଚାୟତର । ଏକର ଏକର ଜମିରେ ଧାନ ଫସଲ ଶୋଇଯାଇଛି । ସେହିପରି ଜଗତସିଂହପୁର ଜିଲ୍ଲାରେ ପ୍ରାଥମିକ ଆକଳନରୁ ୧୦ ହଜାର ହେକ୍ଟର ଜମିରେ ଧାନ ଫସଲ ଉଜୁଡ଼ି ଯାଇଥିବା ଜଣାପଡ଼ିଛି ।
ବାତ୍ୟା ବୁଲବୁଲ୍ ପ୍ରଭାବରେମୟୂରଭଞ୍ଜ ଜିଲ୍ଲା ଉଦଳା ବ୍ଲକ୍ରେ ମଧ୍ୟ ଚାଷ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି ।କ୍ଷତିଗ୍ରସ୍ତ ଚାଷୀଙ୍କ କ୍ଷୟକ୍ଷତିର ଆକଳନ ପରେ କ୍ଷତିପୁରଣ ଦିଆଯିବ ।…