ଭଦ୍ରକ ୯।୭: ବିଭିନ୍ନ ସାମଗ୍ରୀର ଦର ବୃଦ୍ଧି ପ୍ରତିବାଦରେ ଭଣ୍ଡାରିପୋଖରୀ ଯୁବ କଂଗ୍ରେସର ଅଭିନବ ପ୍ରତିବାଦ। ସାଇକେଲ୍ ଯୋଗେ ବୁଲିଲେ ବିଭିନ୍ନ ପଞ୍ଚାୟତ । କେନ୍ଦ୍ର ସରକାରଙ୍କ ଅପାରଗତା ଯୋଗୁଁ ପେଟ୍ରୋଲ, ଡିଜେଲ, ରନ୍ଧନ ଗ୍ୟାସ୍ ଓ ଅତ୍ୟାବଶ୍ୟକୀୟ ସାମଗ୍ରୀର ଅହେତୁକ ଦରଦାମ ବୃଦ୍ଧି ପ୍ରତିବାଦରେ ସାଇକେଲ ଶୋଭାଯାତ୍ରା ସହିତ ବିରୋଧ ପ୍ରଦର୍ଶନ ।
ଭଣ୍ଡାରିପୋଖରୀ କଂଗ୍ରେସ ପକ୍ଷରୁ ଦଳର କର୍ମୀମାନେ ଶହ ଶହରୁ ଉର୍ଦ୍ଧ୍ବ ସାଇକେଲ୍ ଯୋଗେ ଭଣ୍ଡାରିପୋଖରୀ ବ୍ଲକର ୨୩ଗୋଟି ପଞ୍ଚାୟତରେ ବୁଲିଥିଲେ। ଭଦ୍ରକ ଜିଲ୍ଲା କଂଗ୍ରେସ ସଭାପତି ସୁବ୍ରତ ଦାସଙ୍କ ନେତୃତ୍ବରେ ଶତାଧିକ କର୍ମୀ କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ବିରୋଧରେ ନାରାବାଜି କରି ୨୩ଟି ପଞ୍ଚାୟତର ଗାଁକୁ ଗାଁ ବୁଲିଥିଲେ ।
