Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ସରକାର କା ମାଲ୍ ଦରିଆ ମେ ଡାଲ୍ : ଟ୍ରାନଜିଟ୍ ହାଉସ୍ ଏବେ ପାଲଟିଛି ଭୂତ କୋଠି

27/02/2020 at 4:25 PM

କଟକ ୨।୨: ସରକାର କା ମାଲ୍ ଦରିଆ ମୈ ଡାଲ୍, କିଛି ଏହିଭଳି ନୀତି ଆପଣେଇଛି କଟକ ମହାନଗର ନିଗମ । ବସ୍ତି ବାସିନ୍ଦାଙ୍କୁ ଥଇଥାନ କରିବା ଲାଗି କଟକ ତୁଳସୀପୁରରେ ନିର୍ମାଣ ହୋଇଥିବା ଟ୍ରାନଜିଟ୍ ହାଉସ୍ ଏବେ ଭୂତ କୋଠି ପାଲଟିଛି । ଆଉ ସବୁଠୁ ବଡ କଥା ହେଲା ଯେଉଁମାନଙ୍କ ଲାଗି ଟ୍ରାନଜିଟ୍ ହାଉସ୍ ନିର୍ମାଣ ହୋଇଥିଲା ସେମାନେ ବି ଏବେ ସେଠାରେ ନାହାନ୍ତି । ତେଣୁ ପ୍ରଶ୍ନ ଉଠୁଛି ଏହି ଟ୍ରାନଜିଟ୍ ହାଉସର ଭବିଷ୍ୟତ କଣ ।

କଟକ ତୁଳସୀପୁର ତଅଁଳା ସାହି ବସ୍ତିର ବିକଳ୍ପ ଭାବେ ଠିଆ ହୋଇଥିଲା ଟ୍ରାନଜିଟ୍ ହାଉସ । ଏଥିପାଇଁ ୭୦ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା । ଆଉ ସେତେବେଳେ ଏଠାରେ ମୁଣ୍ଡ ଗୁଞ୍ଜିଥିଲେ ତଅଁଳା ସାହିର ୨ ଶହ ୬୮ ପରିବାର । କିନ୍ତୁ ଫନି ବାତ୍ୟା ଟ୍ରାନଜିଟ୍ ହାଉସକୁ ନଷ୍ଟଭ୍ରଷ୍ଟ କରିଦେଇଥିଲା । ଅଧା ଘରର ଆଜବେଷ୍ଟସ ଉଡିଯାଇଛି । ଘର ଗୁଡିକର କବାଟ ଝରକା ବି ଠିକ୍ ନାହିଁ । ତେଣୁ ବାତ୍ୟା ପରେ ତଅଁଳା ସାହି ବସ୍ତି ବାସିନ୍ଦା ଟ୍ରାନଜିଟ୍ ହାଉସ ଛାଡିବାକୁ ବାଧ୍ୟ ହୋଇଛନ୍ତି । ଏବେ ହାତ ଗଣତି କେତୋଟି ପରିବାର ଏଠି ମୁଣ୍ଡ ଗୁଞ୍ଜିଛନ୍ତି । 

୨୦୧୫ ମସିହାରେ ତଅଁଳା ସାହି ବସ୍ତିକୁ ଉଚ୍ଛେ କରଗଲା ଏବଂ ଶତାଧିକ ପରିବାରଙ୍କୁ ବେଘର କରିଥିଲା ସିଏମସି ପ୍ରଶାସନ । ଉଦ୍ଦେଶ୍ୟ ଥିଲା ସମ୍ପୃକ୍ତ ସ୍ଥାନରେ ଅଟ୍ଟାଳିକ ତିଆରି ହେବ ଏବଂ ବସ୍ତି ବାସିନ୍ଦାମାନଙ୍କୁ ସ୍ଥାୟୀ ଘର ମିଳିବ । ସେହି ଯୋଜନା ଯଦିଓ ପୂର୍ଣ୍ଣାଙ୍ଗ ରୂପ ପାଇନାହିଁ, କିନ୍ତୁ ଅପରପକ୍ଷେ ତଅଁଳା ସାହି ବାସିନ୍ଦାଙ୍କ ଲାଗି ଟ୍ରାନଜିଟ୍ ହାଉସ ନାଁରେ ତିଆରି ହୋଇଥିବା ଅସ୍ଥାୟୀ ଶିବିର ଏବେ ନଷ୍ଟପ୍ରାୟ । ଏହାର ପୁନରୁଦ୍ଧାର ଲାଗି ସିଏମସି କର୍ତ୍ତୃପକ୍ଷ ଯୋଜନାମାନ କରିଛନ୍ତି ।

ଏସସିବି ମେଡିକାଲ ସମ୍ପ୍ରସାରଣ ଲାଗି ପ୍ରକ୍ରିୟା ଆରମ୍ଭ ହୋଇଛି । ହାଡିଆପଠା ଓ ଯୋବ୍ରା ଅଞ୍ଚଳରୁ ବିସ୍ଥାପିତମାନଙ୍କୁ ଜଗତପୁରରେ ଥଇଥାନ କରିବାକୁ ଲକ୍ଷ ରଖିଛି ସିଏମସି । ଏବେ ପ୍ରଶ୍ନ ଉଠୁଛି ତୁଳସୀପୁର ଟ୍ରାନଜିଟ୍ ହାଉସ୍ ଭଳି ସେଠାରେ ମଧ୍ୟ ପରିସ୍ଥିତି ଦେଖାଦେବନି ତ ।

   Related Posts