କଟକ, ୦୮|୦୬: କଟକ ମୁଣ୍ଡଳିରେ ଥିବା ଏନଡିଆରଏଫ କ୍ୟାମ୍ପର ୪୯ଜଣ ଯବାନ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେମାନଙ୍କ ଟେଷ୍ଟ୍ ରିପୋର୍ଟ ପଜିଟିଭ୍ ଆସିଛି ।
ଏହି ସଦସ୍ୟମାନେ ଅମ୍ଫାନ ବାତ୍ୟାରେ ପୁନରୁଦ୍ଧାର ତଥା ସହାୟତା ପ୍ରଦାନ କରିବାକୁ କୋଲକାତା ଯାଇଥିଲେ । ସେଠାରୁ ଫେରି ସେମାନେ ଜୁନ ୪ ତାରିଖରେ କ୍ୱାରେଣ୍ଟାଇନରେ ରହିଥିଲେ ।
ସୂଚନାଯୋଗ୍ୟ, ପୂର୍ବରୁ ମଧ୍ୟ ଜଣେ ଯବାନଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଥିଲା । ଫଳରେ ଏହାକୁ ମିଶାଇ ମୋଟ ୫୦ ଜଣ ଯବାନ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହି କ୍ୟାମ୍ପରେ ଥିବା ୧୭୭ଜଣ ଯବାନଙ୍କ କରୋନା ଟେଷ୍ଟ କରାଯାଇଛି ।