କଟକ ୧୩|୯: କଟକ ପୁରୀଘାଟ ଥାନା ଭଙ୍ଗାରୁଜା ଘଟଣାରେ ନଗର କଂଗ୍ରେସ ସଭାପତି ମହମ୍ମଦ ମୋକିମ ଗିରଫ ହୋଇଛନ୍ତି । ମୋକିମଙ୍କ ସହ ୩ ଜଣ କଂଗ୍ରେସ କର୍ପୋରେଟରଙ୍କ ସହ ୧୭ ଜଣ କର୍ମୀଙ୍କୁ ଗିରଫ କରିଛି ପୋଲିସ । ମୋକିମଙ୍କୁ ପୋଲିସ ତାଙ୍କ ବାସଭବନରୁ ଗିରଫ କରିଥିବା ବେଳେ ବିଭିନ୍ନ ସ୍ଥାନରେ ଚଢ଼ାଉ କରି ଅନ୍ୟମାନଙ୍କୁ ଗିରଫ କରିଛି । ୩ଜଣ କର୍ପୋରେଟର ହେଉଛନ୍ତି ଗିରିବାଳା ବେହେରା, ଅରୁଣ ସେଠୀ, ସମୀନ ଉଲ୍ଲା । ଥାନା ଭଙ୍ଗାରୁଜା ଘଟଣାକୁ ନେଇ ବିଳମ୍ବିତ ରାତିରୁ କଟକ ସହରରେ ଚାଲିଛି ରେଡ୍ । ଗତ ମଙ୍ଗଳବାର କଂଗ୍ରେସ ବ୍ଲକ୍ ସଭାପତି ବିଜୟ ବାରିକଙ୍କୁ ଅଟକ ନେଇ କଂଗ୍ରେସ କର୍ମୀ କରିଥିଲେ ତୁମୁଳୁକାଣ୍ଡ । ଥାନାରେ ଭଙ୍ଗାରୁଜା କରିବା ସହ ଥାନା ସମ୍ମୁଖରେ ରାସ୍ତା ଅବରୋଧ ମଧ୍ୟ କରିଥିଲେ ।