Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

କଟକ ମେଡିଆରା ହସ୍ପିଟାଲରେ ଚିକିତ୍ସା ଅବହେଳାରୁ ନବଜାତକର ମୃତ୍ୟୁ ଘଟଣା: ୨୪ଘଣ୍ଟା ଡାକ୍ତର ରୁହନ୍ତି ନାହିଁ ବୋଲି ସ୍ବୀକାର କଲେ ନର୍ସିଂ ହୋମ କର୍ତ୍ତୃପକ୍ଷ

4/01/2019 at 4:03 PM

କଟକ ମେଡିଆରା ହସ୍ପିଟାଲରେ ଚିକିତ୍ସା ଅବହେଳାରୁ ନବଜାତକର ମୃତ୍ୟୁ ଘଟଣାରେ ଯେଉଁ ଅଭିଯୋଗ ହୋଇଆସୁଥିଲା ତାକୁ ଆଉ ଟିକେ ସ୍ପଷ୍ଟ କରିଛନ୍ତି ଖୋଦ୍‌ ହସ୍ପିଟାଲ ମାଲିକ । କହିଛନ୍ତି ତାଙ୍କ ହସ୍ପିଟାଲରେ ରୋଗୀ ଚିକିତ୍ସା ପାଇଁ  କୁଆଡ଼େ ୨୪ଘଣ୍ଟା ଡାକ୍ତର ରୁହନ୍ତି ନାହିଁ । ଆଉ ଗଲା ନଭେମ୍ବର ୧୫ରେ ଯେତେବେଳେ ଜଟଣୀର ରଶ୍ମୀରେଖାଙ୍କ ପ୍ରସୂତି ହୋଇଥିଲା ସେତେବେଳେ ଡାକ୍ତରଖାନାର କର୍ମଚାରୀମାନେ ଡାକ୍ତରଙ୍କୁ କୌଣସି ସୂଚନା ଦେଇନଥିବା ସ୍ବିକାର କରିଛନ୍ତି । ସେପଟେ କିନ୍ତୁ ପୂର୍ବରୁ ପୂରା ଘଟଣା ଉପରେ ପରଦା ଘୋଡ଼ାଇବାକୁ ଚେଷ୍ଟା କରିଥିଲେ ମେଡିଆରା ହସ୍ପିଟାଲର ମ୍ୟାନେଜର ।….

ସତ କେବେ ଲୁଚି ରହେନି । କଟକ ମେଡିଆରା ହସ୍ପିଟାଲରେ ଚିକିତ୍ସା ଅବହେଳାରୁ ନବଜାତକର ମୃତ୍ୟୁ ଘଟଣାରେ ଅଭିଯୋଗକୁ ପରୋକ୍ଷରେ ସ୍ବିକାର କରିଛନ୍ତି ଖୋଦ୍‌ ହସ୍ପିଟାଲ କର୍ତ୍ତୃପକ୍ଷ । ହସ୍ପିଟାଲ ମାଲିକ ଡାକ୍ତର ପିକେ ବିଶ୍ବାଳ କହିଛନ୍ତି, ତାଙ୍କ ହସ୍ପିଟାଲରେ ରୋଗୀ ଚିକିତ୍ସା ପାଇଁ ୨୪ଘଣ୍ଟା ଡାକ୍ତର ରୁହନ୍ତି ନାହିଁ । ଗଲା ନଭେମ୍ବର ୧୫ରେ ଜଟଣୀର ରଶ୍ମୀରେଖାଙ୍କ ପ୍ରସୂତି ହସ୍ପିଟାଲର କର୍ମଚାରୀମାନେ ଡାକ୍ତରଙ୍କୁ ମଧ୍ୟ କୌଣସି ସୂଚନା ଦେଇନଥିଲେ ।

ହେଲେ ରଶ୍ମୀରେଖାଙ୍କ ପରିବାର ପକ୍ଷରୁ ଅଭିଯୋଗ ପରେ ଯେତେବେଳେ  ନ୍ୟୁଜ 7ରେ ଏହି  ଖବର ପ୍ରସାରଣ କରାଗଲା ସେତେବେଳେ ହସ୍ପିଟାଲର  ମ୍ୟାନେଜର ପୂରା ଘଟଣାକୁ ଚପାଇଦେବାକୁ ଚେଷ୍ଟା କରିଥିଲେ । କହିଥିଲେ ଚିକିତ୍ସାରେ କୌଣସି ଅବହେଳା କରାଯାଇନଥିଲା । ୧୦ ମିନିଟ୍ ଭିତରେ କୁଆଡ଼େ ଡାକ୍ତର ପହଞ୍ଚି ନବଜାତକର ଚିକିତ୍ସା କରିଥିଲେ ।

ଖୋଦ୍‌ ମେଡିଆରା ଡାକ୍ତରଖାନା କର୍ତ୍ତୃପକ୍ଷଙ୍କ କଥାରୁ ରଶ୍ମୀରେଖା ଓ ତାଙ୍କ ଶିଶୁର ଚକିତ୍ସାରେ ଅବହେଳା ହୋଇଥିବା ସ୍ପଷ୍ଟ ହେଉଛି । ଆଉ ତଦନ୍ତ ଭୟରେ ମ୍ୟାନେଜର ପୂରା ଘଟଣାକୁ ଘୋଡ଼ାଇବାକୁ ଚେଷ୍ଟା କରିଛନ୍ତି ସେକଥା ବି ଜଳ ଜଳ ଦେଖାଯାଉଛି । ଏମିତିରେ ସଂପୃକ୍ତ ହସ୍ପିଟାଲ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଆଉ କେତେ ପ୍ରମାଣକୁ ଅପେକ୍ଷା କରିଛନ୍ତି ଜିଲ୍ଲା ମୁଖ୍ୟ ଚକିତ୍ସା ଅଧିକାରୀ । ନା’ ସବୁ କିଛି ରଫା ଦଫା କରିବାକୁ ଚେଷ୍ଟା କରାଯାଉଛି,  ତାକୁ ନେଇ ସାଧାରଣରେ ସଂଦେହ ସୃଷ୍ଟି ହେଲାଣି ।

   Related Posts