Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

କଟକରେ ଉଚ୍ଛେଦ ଅଭିଯାନରେ ଭଙ୍ଗାହେବ ହିନ୍ଦ୍ ସିନେମା : ସେପଟେ ବ୍ୟବସାୟୀଙ୍କ ଧମକ, ଥଇଥାନ ନକଲେ ଆତ୍ମାହୂତି ଦେବୁ

8/02/2020 at 3:35 PM

କଟକ ୮।୨: ରାଣୀହାଟରେ ଥିବା କଟକର ଅନ୍ୟତମ ପୁରାତନ ହିନ୍ଦ୍ ସିନେମା ବେଶ୍ କିଛି ସରକାରୀ ଜମି ହଡପ କରି ସ୍ଥାୟୀ ନିର୍ମାଣ କରିଛି । କଟକ ଏସସିବି ମେଡିକାଲ ସମ୍ପ୍ରସାରଣ ପ୍ରକଳ୍ପର ଉଚ୍ଛେଦ କାମ ପାଇଁ ଜିଲ୍ଲା ପ୍ରଶାସନର ସରଜମିନ୍ ତଦନ୍ତ ବେଳେ ଏଭଳି କଥା ପଦାକୁ ଆସିଛି । ଏବେ ହିନ୍ଦ୍ ସିନେମାର ଅଧିକାଂଶ ଅଂଶକୁ ଭାଙ୍ଗିବାକୁ ଯାଉଛି ପ୍ରଶାସନ । ସେପଟେ ରାଣୀହାଟରେ ଉଚ୍ଛେଦ ପୂର୍ବରୁ ବ୍ୟବସାୟୀଙ୍କୁ ସ୍ଥାୟୀ ଭାବେ ଥଇଥାନ କରାନଗଲେ ବ୍ୟବସାୟୀମାନେ ଆତ୍ମାହୂତି ଦେବେ ବୋଲି ପୂଜା କମିଟି ତରଫରୁ କୁହାଯାଇଛି ।

କଟକ ଏସସିବି ମେଡିକାଲ ସମ୍ପ୍ରସାରଣ ପ୍ରକଳ୍ପ ପାଇଁ ଜବର ଦଖଲ ବାବଦରେ ସରଜମିନ୍ ତଦନ୍ତ ବେଳେ ଅନେକ ଭିତିରି କଥା ସାମ୍ନାକୁ ଆସିଛି । ଆଜି ସକାଳେ ଜିଲ୍ଲାପାଳ ରାଣୀହାଟ ଅଞ୍ଚଳରେ ଥିବା ଜବରଦଖଲର ଅନୁଧ୍ୟାନ କଲାବେଳେ ସହରର ଅନ୍ୟତମ ସର୍ବପୁରାତନ ସିନେମା ହଲ୍ ହିନ୍ଦ୍ ସିନେମା ବ୍ୟାପକ ପରିମାଣର ସରକାରୀ ଜମି ଉପରେ ହଲ୍ ନିର୍ମାଣ କରିଥିବା ଜଣାପଡିଛି । ଏବେ ପ୍ରଶାସନ ହିନ୍ଦ୍ ସିନେମାର ବେଆଇନ ନିର୍ମାଣକୁ ଭାଙ୍ଗିବାକୁ ଯାଉଛି ।

ହିନ୍ଦ୍ ସିନେମାର ଜବରଦଖଲ କେତେ ଅଛି ତାହା ଜାଣିବା ପାଇଁ ଜିଲ୍ଲାପାଳଙ୍କ ଉପସ୍ଥିତିରେ ଆଜି ମପା ଚୁପା କରାଯାଇଛି । ହିନ୍ଦ୍ ସିନେମା ସହ ରାଣୀହାଟ ପୂଜା କମିଟି ନିକଟରେ କିଛି କ୍ଲବ୍ ଘର ଓ ସ୍ଥାନୀୟ ଲୋକେ ବେଆଇନ ଭାବେ ଘର ତିଆରି କରିଥିବା ନଜରକୁ ଆସିଛି । ମେଡିକାଲକୁ ଆମ୍ବୁଲାନ୍ସ ଯେପରି ସ୍ବଚ୍ଛନ୍ଦରେ ଯାଇପାରିବ, ସେଥିପାଇଁ ରାଣୀହାଟ ହିନ୍ଦ୍ ସିନେମା ଛକରୁ ମେଡିକାଲ ପର୍ଯ୍ୟନ୍ତ ଏକ ପ୍ରଶସ୍ତ ରାସ୍ତା ତିଆରି ହେବ । ଏଥିପାଇଁ ରାସ୍ତାର ଉଭୟ ପାଖରେ ଥିବା ଦୋକାନ ଘରଗୁଡିକ ଭଙ୍ଗାଯିବାର ଆବଶ୍ୟକତା ରହିଛି । ମାତ୍ର ଦୋକାନ ଘର ଭାଙ୍ଗିବା ପୂର୍ବରୁ ବ୍ୟବସାୟୀମାନଙ୍କୁ ସ୍ଥାୟୀ ଭାବେ ଥଇଥାନ ବ୍ୟବସ୍ଥା କରିବାକୁ ରାଣୀହାଟ ପୂଜା କମିଟି ଦାବି କରିଛି ।

ସେପଟେ ରାଣୀହାଟ ଅଞ୍ଚଳରେ ଜବରଦଖଲ କରି ରହୁଥିବା ଲୋକମାନଙ୍କୁ ଉଚ୍ଛେଦ ପରେ ଅନ୍ୟତ୍ର ରହିବା ପାଇଁ ସରକାରୀ ହିସାବରେ ଟଙ୍କା ଦେବା ପାଇଁ ପ୍ରଶାସନ ପ୍ରତିଶ୍ରୁତି ଦେଇଛି ।

   Related Posts