Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ନବମ ଶ୍ରେଣୀ ଛାତ୍ରୀଙ୍କ ଆତ୍ମହତ୍ୟା, ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠୁ ଥିଲେ ଅବସାଦଗ୍ରସ୍ତ, ପରିବାର ଲୋକଙ୍କ ସୂଚନା ପରେ ଆଲୋଡନ

19/06/2020 at 6:58 PM

କଟକ, ୧୯|୦୬:   ସୁଶାନ୍ତ ସିଂହ ରାଜପୁତଙ୍କ  ମୃତ୍ୟୁରେ ବ୍ୟଥିତ ହୋଇ ଜୀବନ ହାରିଲେ ଛାତ୍ରୀ ! ଏଭଳି ଦୁଃଖଦ ଖବର କଟକରେ ଘଟିଛି । ଜଣେ ନବମ ଶ୍ରେଣୀ ଛାତ୍ରୀଙ୍କ ଆତ୍ମହତ୍ୟା ସହ ଏଭଳି ଏକ ସମ୍ପର୍କକୁ ନେଇ ଆଲୋଡନ ସୃଷ୍ଟି ହୋଇଛି ।

ସୁଶାନ୍ତ ସିଂ ରାଜପୁତଙ୍କ ପାଇଁ ଝୁଲିପଡିଲେ । ସୁଶାନ୍ତ ସିଂ ରାଜପୁତଙ୍କୁ ଝୁରି ଝୁରି ତାଙ୍କରି ଭଳି ଅତ୍ମହତ୍ୟା କରିଦେଲେ କଟକର ନାବାଳିକା । ଅଭିଯୋଗ ଅନୁସାରେ ସରସ୍ବତୀ ଶିଶୁ ମନ୍ଦିରରର ନବମ ଶ୍ରେଣୀରେ ପଢୁଥିବା ଛାତ୍ରୀ ଜଣଙ୍କ ସୁଶାନ୍ତ ସିଂ ରାଜପୁତଙ୍କ ଜଣେ ବଡ ଫ୍ୟାନ ଥିଲେ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ସେ ଏତେ ମ୍ରିୟମାଣ ହୋଇପଡିଥିଲେ, ଯେ ଶେଷରେ ସେ ବି ନେଇଗଲେ ଚରମ ପଦକ୍ଷେପ । ସୁଶାନ୍ତଙ୍କ ଭଳି ବେକରେ ଓଢଣୀ ଲଗାଇ ଝୁଲିପଡିଥିବା ପରିବାର ଲୋକେ କହିଛନ୍ତି । ଛାତ୍ରୀ ଙ୍କ ଆତ୍ମହତ୍ୟାକୁ ନେଇ ମାଲଗୋଦାମ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ କରୁଛି ।

ଦେଶର ବିଭିନ୍ନ ସ୍ଥାନରୁ ନାବାଳିକା ଛାତ୍ରୀ ଓ ଯୁବତୀ ସୁଶାନ୍ତଙ୍କ ପାଇଁ ଆତ୍ମହତ୍ୟା କରୁଥିବା ଅଭିଯୋଗମାନ ଆସିଛି । ଆଣ୍ଡାମାନ୍‌ ପୋର୍ଟ ବ୍ଲେୟାରର ଜଣେ ୧୭ ବର୍ଷୀୟା ଛାତ୍ରୀ ଆତ୍ମହତ୍ୟା କରିଥିବା ବେଳେ ସେ ସୁଶାନ୍ତଙ୍କ ଫ୍ୟାନ ଥିଲେ । ସେହିଭଳି  ପାଟନାର ଜଣେ ୧୭ ବର୍ଷୀୟା ଝିଅ ସୁଶାନ୍ତଙ୍କ ମୃତ୍ୟୁକୁ ନେଇ ନିଜକୁ ସମ୍ଭାଳି ପାରିନଥିଲେ । ଏହାପରେ ସେ ଘରେ ପଙ୍ଖାରେ ଶାଢୀରେ ଝୁଲିପଡିଥିଲେ । ମଧ୍ୟପ୍ରଦେଶ ସାଗର ଜିଲ୍ଲାର ବି ସମାନ ଘଟଣା । ଜଣେ ଯୁବତୀ ସୁଶାନ୍ତଙ୍କ ମୃତ୍ୟୁ ପରେ ଆତ୍ମହତ୍ୟା  କରିଦେବେ ବୋଲି କହିଆସୁଥିଲେ । ପରିବାର ଲୋକେ ଏହାକୁ ଏତେ ଗରୁତର ସହ ନେଇନଥିଲେ । ପରେ ଯୁବତୀ ଜଣଙ୍କ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଦେଇଥିବା ଅଭିଯୋଗ ହୋଇଛି ।

ସେପଟେ ସୁଶାନ୍ତଙ୍କ ଆତ୍ମହତ୍ୟାକୁ ନେଇ ସୋନୁ ନିଗମ ଦେଇଛନ୍ତି ବିସ୍ଫୋରକ ବୟାନ । ସେ କହିଛନ୍ତି ବଲିଉଡ୍‌ ମ୍ୟୁଜିକ୍ ଇଣ୍ଡଷ୍ଟ୍ରିରୁ ବି ଏପରି ଖବର ଆସିବାର ସମ୍ଭାବନା ରହିଛି । ଜଣେ ଜଣାଶୁଣା ଷ୍ଟାର କୁଆଡେ ଅନେକ ସିଙ୍ଗର ଓ ମ୍ୟୁଜିକ୍ ଡାଇରେକ୍ଟରଙ୍କୁ ହଇରାଣ ହରକତ କରୁଥିବା ସେ ଏକ ଭିଡିଓ ଜାରି କରି କହିଛନ୍ତି । 

ସେପଟେ ସୁଶାନ୍ତସିଂ ରାଜପୁତଙ୍କ ଆତ୍ମହତ୍ୟା ଘଟଣାରେ ମୁମ୍ବାଇ ପୋଲିସ ତାଙ୍କ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତିଙ୍କୁ ୯ ଘଣ୍ଟା ଧରି ପଚରା ଉଚରା କରିଛି । ରିଆଙ୍କ ଫୋନ୍‌ ସ୍କାନ କରାଯିବା ସହ ଉଭୟଙ୍କ ମଧ୍ୟରେ ଚାଟ୍‌, ମ୍ୟାସେଜ୍‌, ଫଟୋ ଆଦିକୁ ସ୍କାନ କରାଯାଇ ତଦନ୍ତ ପରିସରଭୁକ୍ତ କରାଯାଇଛି । ଶୁଣିବାକୁ ମିଳିଛି ଉଭୟ ମୁମ୍ବାଇରେ ଏକ ପ୍ରପର୍ଟି କିଣିବାକୁ ପ୍ଲାନ କରିଥିଲେ । ୨୦୨୦ ଶେଷ ଆଡକୁ ବିବାହ କରିବାକୁ ସ୍ଥିର କରିଥିଲେ । ସୁଶାନ୍ତଙ୍କ ପାଖରେ ଫିଲ୍ମର ଅଭାବ ନଥିଲା ବୋଲି ରିଆ କହିଛନ୍ତି । ଉଭୟ ମିଶି ଏକ ଫିଲ୍ମରେ କାମ କରିବେ ବୋଲି ଫାଇନାଲ୍‌ ହୋଇଥିଲା । କରୋନା ପାଇଁ ଏହା ବିଳମ୍ବିତ ହୋଇଥିବା ରିଆ ପୋଲିସକୁ କହିଛନ୍ତି ।

   Related Posts