Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ବୁଧବାର ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ଦିନକିଆ ସିରିଜ୍
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ଦହିବରା-ଚକୁଳି ଭେଟ୍‌ଘାଟ : ରଘୁ ମଉସା ଖାଇଲେ ଚକୁଳି, ୬୦ବର୍ଷ ପରେ ଦହିବରା ଚାଖିଲେ ଅନପୂର୍ଣ୍ଣା ମାଉସୀ

3/06/2020 at 1:06 PM

ଭୁବନେଶ୍ୱର ୦୩।୦୬ : ଯାହା କ୍ଷେତ୍ରରେ ଯିଏ ପାରଙ୍ଗମ, କିନ୍ତୁ ହୋଇନାହିଁ କାହାର କାହା ସହିତ ଭେଟ । କାର୍ଯ୍ୟ କରିଚାଲିଥିଲେ ନିଜ ନିଜ କ୍ଷେତ୍ରରେ, ବ୍ୟସ୍ତତା ହେଉ କି ଅନ୍ୟ କୌଣସି କାରଣରୁ ଭେଟ୍‌ଘାଟ ହୋଇପାରିନଥିଲା ଉଭୟଙ୍କ ମଧ୍ୟରେ । କଟକ ସହରରେ ଦୁଇଟି ନାଁ କିଏ ନ ଜାଣିଛି । ଗୋଟିଏ ହେଉଛି ରଘୁ ଦହିବରା ଆଉ ଅନ୍ୟଟି ହେଉଛି ଅନ୍ନପୂର୍ଣ୍ଣା ଚକୁଳି । ଉଭୟଙ୍କର ଦହିବରା ଆଉ ଚକୁଳି କିଏ ନ ଖାଇଛି । ସମସ୍ତେ ଖାଇଛନ୍ତି, ଜାଣିଛନ୍ତି । ପ୍ରାଚୀନ ସହରର ଦୁଇ ଜଣ ପୁରୁଣା ମଣିଷ । ଜଣେ ଦହିବରା ଆଉ ଜଣେ ଚକୁଳି ପାଇଁ ପ୍ରସିଦ୍ଧ । ସେହି ନାଁରେ ସେମାନେ ପରିଚିତ । ଦେଶ ବିଦେଶରେ ବି ଏହି ଖାଦ୍ୟକୁ ନେଇ ବେଶ୍‌ ଚର୍ଚ୍ଚା । କିନ୍ତୁ ଆଶ୍ଚର୍ଯ୍ୟ, ଉଭୟେ ବର୍ଷ ବର୍ଷ ଧରି କଟକରେ ରହି ଆସୁଥିଲେ ବି କାହା ସହିତ କାହାରି ଭେଟ ହୋଇନି । କିଏ କାହାର ଖାଦ୍ୟ ଚାଖି ନାହାନ୍ତି । କେବଳ ଦୁହେଁ ଦୁହିଁଙ୍କ ନାଁ ଶୁଣିଛନ୍ତି । ପରିଣତ ବୟସରେ ପ୍ରଥମ ଥର ପାଇଁ ଯେତେବେଳେ ଦୁହେଁ ଭେଟ ହେବାର ସୁଯୋଗ ଆସିଲା ଉଭୟେ ଭାବବିହ୍ୱଳ ହୋଇପଡ଼ିଲେ । ଶେଷରେ ଭେଟ ହେଲେ । ଜଣେ ଜଣଙ୍କ ଖାଦ୍ୟ ଖାଇଲେ । ଭାବ ବାଣ୍ଟିଲେ । ଯାହା ହେଲା ତାହା ଥିଲା ଅଭୂତପୂର୍ବ, ଐତିହାସିକ । ଏହା ଏକ ଭିନ୍ନ କାହାଣୀ । ପ୍ରଥମ ଥର ପାଇଁ କଟକ ପ୍ରସିଦ୍ଧ ରଘୁ ଦହିବରା ଓ ଅନ୍ନପୂର୍ଣ୍ଣା ଚକୁଳି ଭେଟର କାହାଣୀ ।

ଉଭୟଙ୍କୁ ଏକାଠି କରିବା ପଛରେ ଥିଲେ ଜଣେ ସୂତ୍ରଧର । ବ୍ଲଗ୍‌ର ତଥା ଫୁଡ୍‌ ଫିଣ୍ଡୋର ମୁଖ୍ୟ ରୋହିତ ଶ୍ରୀବାସ୍ତବ । ଅନ୍ନପୂର୍ଣ୍ଣା ମାଉସୀ, ରଘୁ ମଉସାଙ୍କୁ ଭେଟିବାକୁ ଚାହୁଁଛନ୍ତି ବୋଲି ବନ୍ଧୁମାନଙ୍କଠାରୁ ଗତ ୨୮ତାରିଖରେ ଶୁଣିବାକୁ ପାଇଲେ । ଏହା ଶୁଣି ରୋହିତ ସଙ୍ଗେ ସଙ୍ଗେ ଦୁହିଁଙ୍କୁ ଏକାଠି କରିବାକୁ ଲାଗିପଡ଼ିଲେ । ଗତ ୩୦ ତାରିଖରେ ଉଭୟଙ୍କ ଭେଟ କରିବାକୁ ସ୍ଥିର କଲେ । ସେହିଦିନ ସକାଳୁ ରୋହିତଙ୍କ ସାଥୀ ଅନ୍ନପୂର୍ଣ୍ଣା ମାଉସୀଙ୍କୁ ଜଣାଇ ଦେଇଥାନ୍ତି ଆଜି ରଘୁ ମଉସାଙ୍କୁ ଭେଟିବାକୁ ଯିବା । ରୋହିତ କହିଛନ୍ତି, ଦିନ ଅଢ଼େଇଟା ବେଳେ ଅନ୍ନପୂର୍ଣ୍ଣା ମାଉସୀଙ୍କ କଟକ ନନ୍ଦି ସାହି ଘର ଆଗରେ କାର୍‌ ଲାଗିଲା । ରଘୁ ମଉସାଙ୍କୁ ଭେଟିବାକୁ ଯିବେ ବୋଲି ମାଉସୀଙ୍କ ଆଗ୍ରହ ।

   Related Posts