Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

କଟକ ଜିଲ୍ଲାପାଳଙ୍କ ମିଶନ୍ ‘ଜିରୋ-ଏଫ୍’ : ଜାଣନ୍ତୁ କ’ଣ

1/10/2019 at 4:40 PM

କଟକ ୧|୧୦:  କଟକ ଜିଲ୍ଲାରେ ମାଧ୍ୟମିକ ଶିକ୍ଷାର ମାନ ବୃଦ୍ଧି ଓ ଦଶମ ଶ୍ରେଣୀରେ ପାସ୍ ହାର ବଢାଇବା ପାଇଁ ଜିଲ୍ଲାପାଳ ଆରମ୍ଭ କରିଛନ୍ତି ମିଶନ୍ ଜିରୋ-ଏଫ୍ । ଅର୍ଥାତ୍ ନିର୍ଦ୍ଧିଷ୍ଟ ଖସଡା ପ୍ରସ୍ତୁତ କରି ଜିଲ୍ଲାର ସ୍କୁଲ୍ ଗୁଡିକରେ ମାଟ୍ରିକ୍ ପରୀକ୍ଷାରେ ଯେଭଳି ଜଣେ ବି ଫେଲ୍ ନହୁଅନ୍ତି, ସେଥିପାଇଁ ପ୍ରୟାସ ଆରମ୍ଭ କରିଛି ଜିଲ୍ଲା ପ୍ରଶାସନ । ସେପଟେ ଶିକ୍ଷକ ମାନେ ଏପରି ପଦକ୍ଷେପକୁ ସ୍ବାଗତ କରିଛନ୍ତି କିନ୍ତୁ ଏହାର କାର୍ଯ୍ୟକାରିତାକୁ ନେଇ ସନ୍ଦେହରେ ଅଛନ୍ତି ।

କଟକରେ ଆରମ୍ଭ ହେଲା ମିଶନ୍ ଜିରୋ-ଏଫ୍ । ଅର୍ଥାତ୍ କଟକ ଜିଲ୍ଲାରେ ମାଟ୍ରିକ୍ ପରୀକ୍ଷାରେ ଯେପରି କେହି ଫେଲ୍ ନହୁଅନ୍ତି ସେଥିପାଇଁ ପ୍ରୟାସ କରିବାକୁ ଖସଡା ପ୍ରସ୍ତୁତ କରିଛି ଜିଲ୍ଲା ପ୍ରଶାସନ । ୨୦୧୮-୧୯ ଶିକ୍ଷା ବର୍ଷରେ କଟକ ଜିଲ୍ଲାରେ ୨୮ ହଜାର ୮୬୧ ଜଣ ଛାତ୍ରଛାତ୍ରୀ ମାଟ୍ରିକ୍ ପରୀକ୍ଷା ଦେଇଥିଲେ । ମାତ୍ର କୃତକାର୍ଯ୍ୟ ହୋଇଥିଲେ ୨୩ ହଜାର ୧୯୭ ଜଣ । ଏହି ଫେଲ୍ ହାରକୁ କମାଇବା ପାଇଁ ଜିଲ୍ଲା ପ୍ରଶାସନ ପାଠରେ ଦୁର୍ବଳ ଥିବା ଦଶମ ଶ୍ରେଣୀ ଛାତ୍ରଛାତ୍ରୀମାନଙ୍କ ପାଇଁ ସ୍ବତନ୍ତ୍ର କୋଚିଂ ବ୍ୟବସ୍ଥା କରିବା ପାଇଁ ନିଷ୍ପତ୍ତି ନେଇଛି । ଏହାସହ ସ୍ବଇଚ୍ଛାରେ ଚାରି ଚାରି ଜଣ ପାଠପଢାରେ ଦୁର୍ବଳ ଛାତ୍ରଛାତ୍ରୀ ମାନଙ୍କର ପାଠପଢା ଦାୟିତ୍ବ ନେବା ପାଇଁ ଯୁବକ ଯୁବତୀମାନଙ୍କୁ ଜିଲ୍ଲାପାଳ ଆହ୍ବାନ ଦେଇଛନ୍ତି ।

ଏହି ମିଶନକୁ ସଫଳ କରିବା ପାଇଁ ପ୍ରତି ଉଚ୍ଚ ବିଦ୍ୟାଳୟ ପାଇଁ ଜଣେ ସରକାରୀ ପଦାଧିକାରୀଙ୍କୁ ନିୟୋଜିତ କରାଯାଉଛି । ଏହା ସହ ପାଠରେ ସାମାନ୍ୟ ଦୁର୍ବଳ ଥିବା ଛାତ୍ରଛାତ୍ରୀ ମାନଙ୍କ ପାଇଁ ଜିଲ୍ଲାର ସରକାରୀ ଅଧିକାରୀ , ମହାବିଦ୍ୟାଳୟ ମାନଙ୍କରୁ ବରିଷ୍ଠ ଛାତ୍ର ଛାତ୍ରୀ ସ୍ୱେଚ୍ଛାସେବୀ  ଓ କୁଶଳୀ ଶିକ୍ଷାବିତ୍ ଙ୍କୁ ନେଇ  ୭ ହଜାର ୫ଶହ ଜଣ ମେଣ୍ଟର ନିଃଶୁଳ୍କ ସେବା ପ୍ରଦାନ କରିବାକୁ ଯୋଜନା କରାଯାଇଛି । ସଫଳ ମେଣ୍ଟର ମାନଙ୍କୁ ଜିଲ୍ଲା ସ୍ତରରେ ସମ୍ମାନୀତ କରିବାର ବ୍ୟବସ୍ଥା ମଧ୍ୟ କରାଯାଇଛି । ତେବେ ଶିକ୍ଷକ ମାନେ ଏହି ଯୋଜନାକୁ ସ୍ବାଗତ କରିଥିବା ବେଳେ ପାଠ ପଢାରେ ଅତ୍ୟନ୍ତ ଦୁର୍ବଳ ଥିବା ଛାତ୍ରଛାତ୍ରୀମାନେ ଏହା ଦ୍ୱାରା କେତେ ଉପକୃତ ହେବେ ସେ ନେଇ ସନ୍ଦେହରେ ଅଛନ୍ତି ।

କଟକ ଜିଲ୍ଲାରେ ଥିବା ୪୮୭ ଟି ଉଚ୍ଚ ବିଦ୍ୟାଳୟ ରହିଛି । ବ୍ଲକ୍ ସ୍ତରରେ ବିଡିଓମାନଙ୍କ ଅଧ୍ୟକ୍ଷତାରେ ପ୍ରତି ସ୍କୁଲ୍ ପାଇଁ ଗୋଟିଏ ଗୋଟିଏ କମିଟି ଗଠନ କରାଯିବା ପାଇଁ ବ୍ୟବସ୍ଥା କରାଯାଇଛି ।

   Related Posts