Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଶେଷ ଦିନରେ ବି ଜମିଲା ଐତିହାସିକ କଟକ ବାଲିଯାତ୍ରା, ଅପେକ୍ଷା ଆସନ୍ତା ବର୍ଷକୁ

21/11/2019 at 4:23 PM

କଟକ ୨୧।୧୧: ଶେଷ ହେଲା କଟକର ଐତିହାସିକ ବାଲିଯାତ୍ରା । ଚଳିତ ବର୍ଷ ମହାନଦୀ ପଠାରେ ଚାଲିଥିବା ଏହି ବିରାଟ ବାଣିଜ୍ୟିକ ମେଳା ୯ ଦିନ ଧରି ଅନୁଷ୍ଠିତ ହୋଇଥିଲା । ବୁଧବାର ଶେଷ ସଂଧ୍ୟାରେ ବାଲିଯାତ୍ରାରେ ବେଶ୍ ଭିଡ ପରିଲକ୍ଷିତ ହୋଇଥିଲା । ଚଳିତ ବର୍ଷ ଜିଲ୍ଲାପ୍ରଶାସନ ପକ୍ଷରୁ କରାଯାଇଥିବା ନୂଆ ଢାଞ୍ଚାର ବାଲିଯାତ୍ରାକୁ ଲୋକେ ଖୁବ୍ ଉପଭୋଗ କରିଛନ୍ତି । ଶେଷ ସଂଧ୍ୟାରେ ଅଧିକ ଭିଡକୁ ନିୟନ୍ତ୍ରଣ କରିବା ପାଇଁ କମିଶନରେଟ୍ ପୋଲିସ ପକ୍ଷରୁ ବ୍ୟାପକ ପୋଲିସ ବ୍ୟବସ୍ଥା ମଧ୍ୟ ଗ୍ରହଣ କରାଯାଇଥିଲା ।

୯ ଦିନ ଧରି ଚାଲୁଥିବା ଏହି ବାଣିଜ୍ୟିକ ମେଳାର ଗତକାଲି ଥିଲା ଶେଷ ସଂଧ୍ୟା । ବାଲିଯାତ୍ରାର ଶେଷ ଦିନରେ ବେଶ୍ ଭିଡ ପରିଲକ୍ଷିତ ହୋଇଥିଲା । ଦର୍ଶକ ଖିଆ ପିଆ ସାଙ୍ଗକୁ ଭରପୁର କିଣା କିଣି ମଧ୍ୟ କରିଥିଲେ । ବିଶେଷକରି ଗୋଟିଏ ସ୍ଥାନରୁ ରାଜ୍ୟ ତଥା ରାଜ୍ୟ ବାହାରର ସାମଗ୍ରୀ ନେବାପାଇଁ ଗୋଟିଏ ବର୍ଷକୁ ଅପେକ୍ଷା କରିଥାନ୍ତି ଲୋକେ । ଶେଷ ଦିନରେ ବାଲିଯାତ୍ରାକୁ ବେଶ୍ ମନଭରି ଉପଭୋଗ କରିଥିବା କହିଛନ୍ତି ଦର୍ଶକ ।

ଚଳିତ ବର୍ଷ ବାଲିଯାତ୍ରା ପାଇଁ ବିଶେଷ ଆୟୋଜନ କରିଥିଲା ଜିଲ୍ଲାପ୍ରଶାସନ । ଚଳିତ ବର୍ଷ ବହୁ ନୂଆ ଓ ମନ ଛୁଆଁ କାର୍ଯ୍ୟକ୍ରମ ଗ୍ରହଣ କରାଯାଇଥିଲା । ଗଣକବି ବୈଷ୍ଣବ ପାଣି ମଞ୍ଚରେ ସାଂସ୍କୃତିକ ଦେଖିବାକୁ ମିଳିଥିଲା ବଲିଉଡ କଳାକାରଙ୍କ ଜଲଓ୍ବା । ତାସହ ପଥ ଉତ୍ସବ ସାଙ୍ଗକୁ ଓ୍ବାଟର ସ୍ପୋର୍ଟ୍ସର ମଜାଉଠାଇଥିଲେ ଦର୍ଶକ ।

ସେହିଭଳି ବାଲିଯାତ୍ରାରେ ଆଇନ ଶୃଙ୍ଖଳା ରକ୍ଷା କରିବା ପୋଲିସ ପାଇଁ ଥିଲା ବଡ ଚ୍ୟାଲେଞ୍ଜ । ଏଥିସହ ଟ୍ରାଫିକ ନିଯନ୍ତ୍ରଣ ପାଇଁ ମଧ୍ୟ ପୋଲିସ ଥିଲା ସଜାଗ । ତେବେ ଚଳିତ ବର୍ଷ ବାଲିଯାତ୍ରାର ଗତ ରବିବାର ହୋଇଥିବା ଭିଡ ପୋଲିସ ପାଇଁ ସମସ୍ୟା ସୃଷ୍ଟି କରିଥିବା ବେଳେ ବାକି ୮ ଦିନ ବେଶ୍ ଭଲ ଥିବା କହିଛନ୍ତି କଟକ ଡିସିପି ଅଖିଳେଶ୍ବର ସିଂ ।

ଗତବର୍ଷ ବାଲିଯାତ୍ରା ଅପେକ୍ଷା ଚଳିତବର୍ଷ ବାଲିଯାତ୍ରାକୁ ଦର୍ଶକ ବେଶ୍ ପସନ୍ଦ କରିଥିବା ବେଳେ ଆଗକୁ ଆହୁରି ଭଲ ହେବ ବୋଲି ଆଶା ରଖିଛନ୍ତି ।

   Related Posts