ଜୟପୁର ୨୯|୬: ମଦ ଦୋକାନରେ ଗ୍ରାହକଙ୍କୁ ଶୋଷଣ । ନିର୍ଦ୍ଧାରିତ ମୂଲ୍ୟ ଠାରୁ ନିଆଯାଉଛି ଅଧିକ ଟଙ୍କା । ବିଲ୍  ମାଗିଲେ ଦିଆଯାଉଛି ସାଧା କାଗଜରେ ଚିରକୁଟି । ପ୍ରତିବାଦ କଲେ କେହି ଶୁଣୁନାହାନ୍ତି । ସବୁ ଜାଣି ମଧ୍ୟ ଚୁପ୍ ଚାପ୍  ବସିଛି ଅବକାରୀ ବିଭାଗ । ଏମିତି ଅଭିଯୋଗ ଆସିଛି କୋରାପୁଟ ଜିଲ୍ଲାର ଜୟପୁର ଏବଂ ଅନ୍ୟସ୍ଥାନରେ ଥିବା ମଦ ଦୋକାନରୁ । ଏପରି ମନମାନି କରି ଲୋକଙ୍କୁ ଠକୁଥିବା ବିହାରୀ ମଦ ବେପାରୀଙ୍କ କାରନାମା ଷ୍ଟିଙ୍ଗ୍  ଅପରେସନରେ ଧରାପଡ଼ିଛି ।

ବିହାରରେ ମଦ ବ୍ୟାନ୍  ହେବାପରେ ସେଠାକାର ଅପରାଧୀ ମାନେ ଓଡ଼ିଶାରେ ଆସି କୋରାପୁଟ ଜିଲ୍ଲାର ବିଭିନ୍ନ ସ୍ଥାନରେ ଆଡ୍ଡା ଜମାଇଛନ୍ତି । ଏପରିକି ବେଆଇନ ଭାବେ ମଦ ବୁହା ହେଉଛି ଅନ୍ୟ ସ୍ଥାନରେ ବିକ୍ରି କରିବା ପାଇଁ ଏସବୁ ଜାଣି ମଧ୍ୟ ଅବକାରୀ ବିଭାଗ ଚୁପଚାପ୍  ବସିଯାଇଛି ।