ଢେଙ୍କାନାଳ, ୧୬/୧୦: ଆଜିର ଇଣ୍ଟରନେଟ, ହ୍ଵାଟସ ଆପ ଓ କୋରିଅର ଯୁଗରେ ଡାକ ସେବା ସମୂର୍ଣ୍ଣ ପ୍ରଭାବିତ ହୋଇଛି । ଏପରି ସ୍ଥଳେ ଆତ୍ମୀୟ ମାନଙ୍କର ହାତଲେଖା ଚିଠିଟିଏ ପହଞ୍ଚାଇ ସମ୍ପର୍କ ଯୋଡିବାକୁ ପ୍ରୟାସ ଜାରି ରଖିଛି ଡାକ ବିଭାଗ । ଏହା ସହ ଅତ୍ୟାଧୁନିକ ଡାକ ସେବା ମାଧ୍ୟମରେ ପ୍ରଣୟନ ହୋଇଥିବା ବିଭିନ୍ନ ଯୋଜନା ସମ୍ପର୍କରେ ଜନ ସାଧାରଣଙ୍କୁ ସଚେତନ କରାଇ ଡାକ ସେବାକୁ ଲୋକାଭିମୁଖୀ କରିବାକୁ ଢେଙ୍କାନାଳ ଡାକ ସେବା ପକ୍ଷରୁ ଏକ କଷ୍ଟମର ମିଟ୍ କାର୍ଯ୍ୟକ୍ରମ କରାଯାଇଛି ।
ଢେଙ୍କାନାଳ ମଣ୍ଡଳ ମୁଖ୍ୟ ଡାକଘର ସଭାଗୃହରେ ଆୟୋଜିତ ଏହି କଷ୍ଟମର ମିଟରେ ଅନୁଗୁଳ ପୂର୍ବ ଓ ପଶ୍ଚିମ, ତାଳଚେର, କାମାକ୍ଷାନଗର ଓ ଢେଙ୍କାନାଳ ଡିଭିଜନର ପଦାଧିକାରୀ ଓ ଗ୍ରାହକମାନେ ଏଥିରେ ସାମିଲ ଥିଲେ । ଡାକ ସେବାରେ ଉପଲବ୍ଧ ସୁକନ୍ୟା ସମୃଦ୍ଧି ଯୋଜନା ଠାରୁ ଆରମ୍ଭ କରି ବୀମା ପର୍ଯ୍ୟନ୍ତ ବିଭିନ୍ନ ଲୋକାଭିମୁଖୀ ଯୋଜନା ଗୁଡିକୁ ଜନସାଧାରଣଙ୍କୁ ସୂଚିତ ଓ ସଚେତନ କରାଇବା ଏହି କଷ୍ଟମର ମିଟର ଲକ୍ଷ ବୋଲି ଢେଙ୍କାନାଳ ଡାକ ମଣ୍ଡଳର ଲୋକ ସମ୍ପର୍କ ନିରୀକ୍ଷକ ପ୍ରକାଶ କରିଛନ୍ତି।
