Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜୟପୁର ସଦର ଥାନାରେ ହାଜତ ମୃତ୍ୟୁ ! ଗଞ୍ଜେଇ ଚୋରା ଚାଲାଣ ବେଳେ ଗିରଫ ହୋଇଥିଲେ ଅଭିଯୁକ୍ତ

30/08/2020 at 2:08 PM

ଜୟପୁର ୩୦।୮: ଜୟପୁର ସଦର ଥାନାରେ ହାଜତ ମୃତ୍ୟୁ ।ମୃତକ ଜଣଙ୍କ ହେଲେ ରାଜସ୍ଥାନର ଗୋପାଳ ରାମ। ସେ ଗତକାଲି ରାତିରେ ହାଜତ ଭିତରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ପୋଲିସ ସୁତ୍ରରୁ ଜଣା ପଡିଛି।

ଜୟପୁର ଦେଇ ଚୋରା ଗଂଜେଇ ଚାଲାଣ ଅଭିଯୋଗରେ ଶନିବାର ଗୋପାଳକୁ ସଦର ପୋଲିସ ଅଟକ ରଖି ଅଧିକ ପଚରାଉଚରା କରୁଥିଲା। ଗୋପାଳଠାରୁ ୮ କ୍ବିଣ୍ଟାଲ ଗଂଜେଇ ସହ ଗୋଟିଏ ଟ୍ରକ୍ ଜବତ କରିଥିଲା ପୋଲିସ। ତେବେ ଶନିବାର ରାତିରେ ଶୋଇବା ସମୟରେ ବେଡସିଟ୍ ଚିରି ସେଥିରୁ ରଶି ବନାଇ ସେ ଆତ୍ମହତ୍ୟା କରିଥିବା ପୋଲିସ ସୂତ୍ରରୁ ପ୍ରକାଶ।

ଘଟଣା ପରେ ବରିଷ୍ଠ ପୋଲିସ ଅଫିସର ଓ ସାଇଣ୍ଟିଫିକ ଟିମ ସଦର ଥାନାରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ମୃତ ଗୋପାଳର ପରିବାର ଲୋକଙ୍କୁ ଏ ସଂପର୍କରେ ଅବଗତ କରାଯାଇଛି। ପରିବାର ଲୋକ ଆସିବା ପରେ ମୃତକଙ୍କ ଶବ ବ୍ୟବଚ୍ଛେଦ କରାଯିବ।

   Related Posts